मत्ती 21:45 - चेपाङ

⁴⁵ एत तोआक्‌तीको ओउः ताङ्‌ह्ओ पुरोहीत्‌लम्इमा फरीसीलम्इमा “लौ इत तोती ङीकायः पेमालो तोआतय्‍ही” त म्‍हर्‌ती

मत्ती 21:45 ပူးပေါင်းရင်းမြစ်များ

मत्ती 12:12

धोओ दीन्‌हाङः मेत्‌छ्याःपाय् स्‍याक्‌ताक्‌सालेः स्‍याव्‌नाः त खेःया मान्‍ताकायः स्‍याक्‌ताक्‌सा न्‍हाङ्‌तोलेः स्‍याव्आनाः बा। माः धोओ दीन्‌हाङः पेओ काम् जाङ्‌ह्‌सा गल खेःयामा स्‍याव्‌लेःनाः” त दाय्‍ह्‌ती येसु त्‍याङ्‌ती

मत्ती 13:3

ओहाङःसैको ओउःमयः सायःती मुतोक्‌हाङः येसुइ वीनःराय् ल्‍हाक्‌ती नाःतो कुरा क्‍लोन्‌कोःदीङ् त नोःती स्‍यान्आथास “लौ सायःती मुन दा। यात्‌चाक् बीया चोया वार्‌साकायः चीङ्‌ती राङ्‌ताङ् आल्आ।

मत्ती 21:44

ओहाङःसैको सुसुइ ओउः मुल् बाङ्‌हाङः त्‍योक्‌ती तोन्‌चै ओउःखेकायः बाङ्इ छुक्‌ती जीक्‌ताक्‌नाःथै। सुसुखेकायः ओउः बाङ्इ क्रामःनाःथास ओउःकायःलेः दान्‍ह्‌तो स्‍याव्‌नै” त दाय्‍ह्‌ती येसुइ तोआथास।

मत्ती 21:46

ल्‍हुङ् मल्‍ह्‌ती येसुकायः चुम्‌सा बोङःनीतो अरु हुम्‌ती मुओलम् “येसुइपाय् पेओ कुरा छ्यानःआताङी” त नोःकाय्आकाय्। ओउःत झ्‍यान्‍ते ओउः हुम्ओलम्‌कः रैती ओउः पुरोहीत्‌लम्‌मा फरीसीलम्इमा येसुकायः ओउः बेलाहाङः चुम्‌सा ग्‍याइली।

लुका 11:45

ओउःत तोओ सायःआक्‌तीको यात्‌चाक् धर्‌मा स्‍यान्ओमयः मान्‍ता चीङ्‌ती “अ गुरुय एत तोतीलेः नाङ्इ ङीकायःमा जान्‌तेःआताङी” त दाय्‍ह्‌ती येसुकायः तोआथै।

लुका 20:19

ओउःत तोओ सायःआक्‌तीको “इ वीनःराय् तोती ङीकायः पेमालो तोआतय्‍ही” त दाय्‍ह्‌ती नोःकाय्‌ती ओउः बेलाहाङः ओउः धर्‌मा स्‍यान्ओमयःमा ताङ्‌ह्ओ पुरोहीत्‌लम्इमा येसुकायः चुम्‌सा बोङःनीतो ओहाङः हुम्‌ती मुओ मान्‍तालम्‌कः रैती झ्‍यान्‍ते येसु मन्‍दीर्‌हाङः स्‍यान्‌ती मुतोक्‌हाङः ओउःकायः चुम्‌सा दोःइली।