मत्ती 21:30 - चेपाङ

³⁰ ओहाङःसैको ओउः आपा माय्‍ह्‌लाकःताङ् वाङ्‌ती ओउःकायः ‘लौ माय्‍ह्‌ला तेन्‌पाय् ङाकोः धाक्‌सायः राङ्‌ताङ् काम् जाङ्‌ह्‌लाङ् आल्अ दा’ त दाय्‍ह्‌ती तोआथै ‘लौ उया आल्‌नाङः’ त दाय्‍ह्‌ती माय्‍ह्‌ला त्‍याङ्‌तो ओउःखेपाय् जुगाङ् आल्‌ल।

मत्ती 21:30 ပူးပေါင်းရင်းမြစ်များ

मत्ती 21:29

‘अहः ङापाय् आल्‌सा ग्‍याङल’ त दाय्‍ह्‌ती ओउःकोः चोः त्‍याङ्‌तो लोने ल्‍हुङ् द्यान्‍ह्‌ती ओउः जेथाखे काम् जाङ्‌ह्‌लाङ् आल्आ।

मत्ती 21:31

लौ ओउःनीस् पुःचाःपाय् गाव्‌खे आपाकायः ग्‍याती सायःआकाचु” त दाय्‍ह्‌ती येसुइ ओउः ताङ्‌ह्ओ मान्‍तालम्‌कायः व्‍हत्आकान् “जेथाखे” त दाय्‍ह्‌ती त्‍याङ्आकाय् “दोङ्‌सी दाय्‍ह्‌भनाङ् ओउः पैसा जेःती उथावओलम्‌मा रन्‍दीलम्‌मा नीङ्‌कोः ङ्‌हासै परमेस्‍वर्‌कोः राजीहाङः आल्‌सा दोःनै।

मत्ती 23:3

ओउःत झ्‍यान्‍ते ओउःमयःकोः स्‍यान्‌ती तोओ सायःती जाङ्‌ह्‌नु। माः रैस ओउःमयःइ तोओ कुराखे जाङ्‌ह्‌सालेः स्‍याव्‌तो ओउःमयःइ लयः जाङ्‌ह्ओ कुराखे तेःती जाङ्‌ह्‌तेःचानी दोह् हायःती दाय्‍ह्‌सा ओउःमयःइ अरुखेकायः स्‍यान्‌ती तोओपाय् लयःखेइ जाङ्‌ह्‌नीली

तीतस् 1:16

“ङीइ परमेस्‍वर्‌कायः तय्‍ह्‌नाङःसु” त दाय्‍ह्‌ती ओउःमयःइ नोःनीतो पेमालो काम् जाङ्‌ह्‌नानी त झ्‍यान्‍ते “परमेस्‍वर्‌कायः तय्‍ह्‌नीली” त सबैकायः छ्यानःओ लेःआः। ओउःमयःपाय् अह्र्सीःओमा ल्‍हुङ् चाक्ओमा मुलेःनै पेओ काम् दोह्‌मा जाङ्‌ह्‌सा खाय्‌नीली।