मत्ती 21:22 - चेपाङ

²² दोह् दोह् नीङ्इ परमेस्‍वर्‌कायः पेतो ङ्‌हाम्‌ती ओउःकः तेती तोतेःनानी ओउःलेः दोःतेःनै बा” त दाय्‍ह्‌ती येसुइ स्‍यान्‌ती तोआथास।

मत्ती 21:22 ပူးပေါင်းရင်းမြစ်များ

मत्ती 18:19

फेरी इमा दोङ् कुरालेः नीङ् ल्‍हाव्‍ह्‌दैबाङ्‌हाङः मुओलम्‌कोःपाय् नीस्‌चाक् यात्‌ज्‍योः तेसा कुरा म्र्याःतीलेः तोतेःनै त खेःया ओउःपाय् ङाकोः लाङ्‌काहाङः मुओ परमेस्‍वर्‌ आपाइ जाङ्‌ह्‌तेःनै बा।

मत्ती 7:11

खेःल नीङ्इ लयःकोः चोःकायः पेतोलेः बयःतेःनानी बा। ओउःत झ्‍यान्‍ते नीङ् पेओ खेःमालोलम्‌खेइपाय् लयःकोः चोःलम्‌कायः पेतो बयःसा चीःतेःनानी त खेःया दोङ्‌सीलेः नीङ्‌कोः परमेस्‍वर्‌ आपाखेइ ओउःकः तेओलम्‌कायः न्‍हाङ्‌तीलेः पेतो बयःनौ।

मत्ती 7:7

नीङ् परमेस्‍वर्‌कः तेती तोन ओहाङःसै ओउःइ बयःतेःनै बा। ओउःकोः कुरा बोङःनु ओहाङःसै नीङ् दोःतेःनै। ओउःकःताङ् धाङ्‌ती वाङ्‌न ओहाङःसै ओउःइ नीङ्‌कायः रोम्‌तेःनै।

मर्‌कस् 11:24

ओउःत झ्‍यान्‍ते दोह् दोह्‌तेः नीङ्इ परमेस्‍वर्‌कायः पेतो ङ्‌हाम्‌ती तेती तोतेःनानी ओउःलेः दोःतेःनै।

युहना 14:13

फेरी दोह्‌लोकायः ङाकोः मय्‍ङ् पेह्‌ती नीङ्इ तेती तोतेःचानाङ्‌स ओउःलेः ङाइ जाङ्‌ह्‌नेःनाङ्‌स ओउःत हायःती ङाकोः आपाकायः ङाइ ताङ्‌ह्‌ताक्‌नाङः।

युहना 15:7

लौ नीङ् ङाकःहाङः मुती ङाकोः कुरा ल्‍हुङ्‌हाङः सेती गम्‌तेःनानी त खेःया दोह् दोह्‌तेः नीङ् लयः झाक्‌ती तेतेःचै ओउःलेः दोःतेःनै।

युहना 16:24

द्याह्‌च्‍युक्‌हाङः ङाकोः मय्‍ङ् पेह्‌ती तेतेःधाङ्‌तेःइली द्याह्‌हाङःसै ङाकोः मय्‍ङ् पेह्‌ती तेन दा ओहाङःसै नीङ् दोःती झ्‍यान्‍ते जुगाङ् चोङाय्‌तोलेः मुतेःनै।

याकुब् 5:16

ओउःत झ्‍यान्‍ते लःलयःकायः रेव्ओ काम्‌लम् घोती परमेस्‍वर्‌कायः लःलयःमयःकायः तेती तोनु ओहाङःसैको नीङ् स्‍याक्‌तेःनै। ओजायःत नीङ्ओ मान्‍ताइ परमेस्‍वर्‌कः तेती तोधार्‌नालेः आन पेतो स्‍याव्‌ताक्‌नौ।

१ युहना 3:22

ओहाङःसै ओउःइ झाक्‌ती तोओ कुरापाय् ओउःकायः म्रोताक्‌तीलेः जाङ्‌ह्‌नाःतय्‍ह्‌नी त खेःया दोह्‌लो ङी ओउःकः तेनाःतय्‍ही ओउःलेः दोःनाःतय्‍ही।