मत्ती 20:7 - चेपाङ

⁷ ‘ङीपाय् काम् दोःङीली ओउःत झ्‍यान्‍ते ङी नल्आय् गुल्‍ह्आय्‌त मुआलाङी’ त दाय्‍ह्‌ती त्‍याङ्आकाय्। ‘लौ उया नीङ्‌मा ङाकोः राङ्‌ताङ् काम् जाङ्‌ह्‌लाङ् आल्‌न दा। नीङ्‌कोः जाङ्‌ह्‌झ्‍याङ्‌कोः पेतो बयःनेःनाङ्‌स’ त दाय्‍ह्‌ती ओउःमयःकायःमा ल्‍होक्आकान्।

मत्ती 20:7 ပူးပေါင်းရင်းမြစ်များ

मत्ती 20:1

“लौ परमेस्‍वर्‌कोः राजी इलो लेखालेः। यात्‌चाक् आन राङ् नाःओ मान्‍ता वाः गोःओहाङः खेत्‌ल्‍या बोङःलाङ् आल्आ।

मत्ती 20:6

न्‍याम् याह्ओ बेलाहाङःमा अरु मान्‍तालम् क्रुस्‌ती ‘लौ दोह् हायःतीतेः दीन्‌भरीकायः काम् जाङ्‌ह्‌माःत ल्‍युङ्‌ह्‌ती मुतेःनै’ त दाय्‍ह्‌ती व्‍हत्उतो

मत्ती 20:8

ओहाङःसैको न्‍याम् ब्‍लक्आक्‌तीको ओउः राङ् नाःओ मान्‍ता ‘लौ खेत्‌ल्‍यालम्‌कायः लःलयःकोः जाङ्‌ह्‌झ्‍याङ्‌कोः त्‍याक्‌साकायः वानःउसु दा। ओउः लोने वाङ्ओलम्‌खेकायः ङ्‌हा वानःती बयःउसु ओउः ङ्‌हा वाङ्ओलम्‌खेकायः लोने बयःउसु’ त दाय्‍ह्‌ती नोकरीकायः तोआकान्।

युहना 9:4

ङीइ देङी इ थोङ्‌तो स्‍याव्ओहाङःलेः ङाकायः ल्‍होक्औ परमेस्‍वर्‌कोः काम् जाङ्‌ह्‌सा खेःनाःतय्‍ही। लोने वाङ्‌सा च्‍याक्ओहाङः सुइमा पेओ काम् जाङ्‌ह्‌सा खाय्‌नीली।

खबरदुत 4:16

“लौ इनीस्‌कायः दोह् हायःनी। इनीस्इपाय् ‘आन ताङ्‌ह्ओ ग्‍याङ्‌ह्‌राय् जाङ्‌ह्आकाचु’ त यरुसालेम्‌कोः मान्‍तालम्इ सबै चीःनानी रैस ओउःत झ्‍यान्‍ते ओउः नीस्‌चाक्इ तोओ कुरापाय् ‘दोङ् कुरा खेःल’ त मान्‍तालम्‌कायः तोसा खाय्‌ङुसुलु।

रोमी 16:25

लौ परमेस्‍वर्‌कायः ताङ्‌ह्‌ताक्‌पाःथै। ओउःइपाय् नीङ्‌कायः ग्रमःत ङ्‌हाम्‌ताक्‌सा खाय्‌तेःनै। येसु ख्रीस्‌कोः पेओ नोःराय् थोल्‍ह्‌ती तोतोक्‌हाङःमा ओउःतलेःमा तोआलाङः। ओउः उय्‍ह्‌लेहाङःसै आन ज्‍याङःतोकायः छ्यानःआक्‌मालो कुरा छ्यानःतोक्‌हाङः ओउःतलेःमा छ्यानःओ लेःआः।

एफेसस् 6:8

ओहाङःसैको नोकरीमा नोकरी खेःमालो मान्‍तामा सुखेलोइ काम् पेतो जाङ्‌ह्‌नानी ओउःखेइ परमेस्‍वर्‌कःसै लोनेः दोःलेःनै ओउःत चीःतेःपानी।

कोलसी 1:26

ओउः नोःराय्‌पाय् उय्‍ह्‌लेहाङः सुइमा चीःसा खाय्आक्‌नीली सुकायःमा छ्यान्‍ह्आक्‌मालो खेःतो द्याह्‌खे ङ्‌हाम्ओलम्‌कायः परमेस्‍वर्‌इ लयः झाक्‌तीलेः छ्यान्‍ह्‌नाःथास।

हेब्रैनी 6:10

परमेस्‍वर्‌इ गलकायःमा पेतोलेः हायःनौ। नीङ्इ ओउःकायः राप्‌ती अरु ङ्‌हाम्ओलम्‌कायः लव्‍ह्‌ती बयःतेःआकानी। माः रैस बयःधैलेः मुतेःनै। ओउः राप्‌ती जाङ्‌ह्ओ काम्‌पाय् परमेस्‍वर्‌इ म्‍हेःउलु।