मत्ती 20:3 - चेपाङ

³ ओउःमयःकायः ल्‍होक्आक्‌तीको लोने न्‍याम् जुगाङ् दाह्ओ बेलाहाङः ओउः राङ् नाःओ मान्‍ताइ अरु अरु काम् जाङ्‌ह्‌सा बोङःओ मान्‍तालम् च्‍यवःआकान्।

मत्ती 20:3 ပူးပေါင်းရင်းမြစ်များ

मत्ती 20:2

आल्‌ती खेत्‌ल्‍याकायः क्रुस्‌ती ‘लौ दीन्‌भरीकोः काम् जाङ्‌ह्‌झ्‍याङ्‌कोः ङाइ दस् रुपीया बयःनेःनाङ्‌स’ त दाय्‍ह्‌ती होम्‌काय्‌ती ओउः खेत्‌ल्‍याकायः काम् जाङ्‌ह्‌लाङ् ल्‍होक्आकान्।

मत्ती 20:4

ओउःमयः च्‍यवःती ‘लौ ङाकायः राङ्‌कोः काम् जाङ्‌ह्‌लाङ् आल्‌न दा। नाङ्‌कोः जाङ्‌ह्‌झ्‍याङ्‌कोः पेतो बयःनेःनाङ्‌स’ त दाय्‍ह्‌ती ओउःमयःकायःमा ल्‍होक्आकान्। ल्‍होक्आक्‌तीको ओउः खेत्‌ल्‍यामा राङ्‌ताङ् आल्आकाय्।

खबरदुत 16:19

ओहाङःसैको ओउः लान् ल्‍हेस्‌ती वाय्ओ च्‍यवःती “द्याह् ङीकायः पैसा दोःल” त दाय्‍ह्‌ती ओउः मोमःचोःकोः मालीक्‌लम्इ पावुल् सीलास् त तोओनीस्‌कायः चुम्‌ती बजार्‌ताङ् लात्‌ती ओउः सहर्‌कोः ताङ्‌ह्ओ मान्‍तालम्‌कःताङ् दाक्आथाच।

खबरदुत 2:15

इ भासालम् नोःओ मान्‍तालम्‌पाय् ‘हान् ङोती नोःओलेः’ त नीङ् ताःतेःनै। ओउःत खेःबाय्‌ल इमयःपाय् गत हायःती ङोचै। इत न्‍याम् दाह्ओ बेलाहाङः सुमा हान् तुङ्‌ती ङोइली।

१ तीमोथी 5:13

फेरी ओउः मोमःचोःलम् लुङ्‌ह्‌जेःतो स्‍याव्‌ती कीम् कीम्‌ताङ् छ्युह्‌तीलेः आल्‌नै। ओहाङःसै न्‍हाङ्‌तोलेः पेमाःत हायःती ओउःमयः अरुकायः पेमालो कुरा नोःनै।

हेब्रैनी 6:12

बाय्‌तो स्‍याव्‌माःत ओउः जुगाङ् गुह्र्माःत ङ्‌हाम्ओलम्‌कः तेःनु। ओउःमयः परमेस्‍वर्‌इ तोती गम्ओ कुरा दोःलेःनै।