मत्ती 20:2 - चेपाङ

² आल्‌ती खेत्‌ल्‍याकायः क्रुस्‌ती ‘लौ दीन्‌भरीकोः काम् जाङ्‌ह्‌झ्‍याङ्‌कोः ङाइ दस् रुपीया बयःनेःनाङ्‌स’ त दाय्‍ह्‌ती होम्‌काय्‌ती ओउः खेत्‌ल्‍याकायः काम् जाङ्‌ह्‌लाङ् ल्‍होक्आकान्।

मत्ती 20:2 ပူးပေါင်းရင်းမြစ်များ

मत्ती 18:28

ल्‍होक्आक्‌तीको ओउः नोकरी आल्‌ती यात्‌चाक् ओउःकुस् काम् जाङ्‌ह्ओ नोकरी क्रुस्आकान्। ओउः नोकरीपाय् ओउः ङ्‌हाकोः नोकरीकःसै पचीस् रुपीया रीन् त्‍याक्ओ खेःतो ओउःत झ्‍यान्‍ते ओउः ङ्‌हाकोः नोकरीइ अरुकायः कय्‍क्‌हाङः युप्‌ती चुम्‌ती ‘लौ ङाकोः पचीस् रुपीया पाय्‍क्‌ची’ त दाय्‍ह्‌ती तोआकान्।

मत्ती 20:1

“लौ परमेस्‍वर्‌कोः राजी इलो लेखालेः। यात्‌चाक् आन राङ् नाःओ मान्‍ता वाः गोःओहाङः खेत्‌ल्‍या बोङःलाङ् आल्आ।

मत्ती 20:13

‘लौ हौय ङाइ पेमालो जाङ्‌ह्ओ खेःङल। नाङ्‌कोः जाङ्‌ह्‌झ्‍याङ्‌कोः “दस् रुपीया स्‍याव्‌लेःनाः” त ङाकुस् होम्‌काय्‌ती तोतेःआची माःर।

मत्ती 20:3

ओउःमयःकायः ल्‍होक्आक्‌तीको लोने न्‍याम् जुगाङ् दाह्ओ बेलाहाङः ओउः राङ् नाःओ मान्‍ताइ अरु अरु काम् जाङ्‌ह्‌सा बोङःओ मान्‍तालम् च्‍यवःआकान्।

मत्ती 20:9

ओहाङःसैको ओउः न्‍याम् याह्‌तोक्‌हाङः वाङ्ओलम्‌कायः दस् दस् रुपीया बयःथासतो

मत्ती 22:19

लौ यात्‌ज्‍याङ् कर्‌ पाय्‍क्‌सा खेःओ पैसा छ्यानःवानःनाङ्‌स दा” त दाय्‍ह्‌ती येसुइ तोआकान्। ओउःत तोती झ्‍यान्‍ते यात्‌ज्‍योः पैसा वानःआकानी।

मत्ती 9:37

“लौ राङ्‌हाङः भुङ्‌ह्‌ती मीन्ओ सायःलो लेखालेः इ मान्‍तालम्‌पाय् नाःतो लेःआः ओउःमयःकायः परमेस्‍वर्‌कोः राजीहाङः त्‍युम्‍ह्‌ती वानःसा मान्‍तालम्‌पाय् नाःतो नाःइली।

मर्‌कस् 12:15

येसुइ ओउःमयःकोः पेमालो ल्‍हुङ् चीःती “दोह् हायःतीतेः ङाकायः ल्‍हुङ्‌तुक् योलाङ् वाङ्‌तेःनै। लौ यात्‌ज्‍योः कर्‌ पाय्‍क्‌सा पैसा ङाकायः छ्यानःवानःनाङ्‌स दा” त दाय्‍ह्‌ती येसुइ तोआकान्।

लुका 1:15

इ मान्‍तापाय् लोने परमेस्‍वर्‌कोः मीक्‌हाङः ताङ्‌ह्‌तोलेः स्‍याव्‌नाः। ओउःइपाय् ङोताक्ओ थोक्‌लम् धाक्‌सायःकोः तीःलम् तुङ्‌सा गलमा स्‍याव्‌ल। ओउःपाय् लयः ओत्ओहाङःसै परमेस्‍वर्‌कोः ग्‍वालामः आन दोःनाः।

लुका 10:35

ओहाङःसैको ओउःनम्‌कोः स्‍याङ्‌ह्‌लोहाङः आल्‌सा चीङ्ओ बेलाहाङःपाय् ओउः समारीया देस्‌कोः मान्‍ताइ ओउः जीक्ओ मान्‍ताकोः होन्‍त लाजकोः साहुकायः जेःगाकोः पैसामा एनःसा थाव्‌कोः पैसा ल्‍हाआकान् ‘लौ ओउः जीक्ओ मान्‍ताकायः पेतो एङ्‌ती स्‍यास्उ दा। ओहाङःसैको ङा इहाङः द्यान्‍ह्‌ती वाङ्‌तोक्‌हाङःपाय् दोह् दोह् बयःती स्‍यास्‌झ्‍याङ्‌कोः पैसा राह्‌ती मुचाः ओउःपाय् ङाइ पाय्‍क्‌चेःनाङ्’ त दाय्‍ह्‌ती ओउः साहुकायः तोआक्‌तीको आल्आ।

लुका 20:24

“लौ यात्‌ज्‍योः पैसापाय् छ्यानःवानःनाङ्‌स दा” त दाय्‍ह्‌ती येसु दाय्‍ह्आ। यात्‌ज्‍योः कर्‌ पाय्‍क्‌सा पैसा छ्यानःआक्‌तीको “लौ इ पैसाहाङः सुकोः रुप् मुनाः। ओहाङः सुकोः मय्‍ङ्‌मा लेखती मुनाः त तोची दा” त दाय्‍ह्‌ती येसुइ व्‍हत्‌थासतो “इपाय् सीजर्‌ माहाराजाकोः लेःआः” त दाय्‍ह्‌ती त्‍याङ्आकाय्

२ तीमोथी 3:15

फेरी हौ मुतोक्‌हाङःसै परमेस्‍वर्‌कोः आखरःकोः कुरालेः नाङ्इ चीःमातेःआकान्। ओउः कुरा चीःतीपाय् नाङ्इ येसु ख्रीस्‌कायः ङ्‌हाम्‌ती रेव्ओसै दल्‌सा खाय्‌तेःनौ।

प्रकाश 6:6

ओहाङःसैको ओउः चार्‌ जीङः नाःओलम्‌कःसै दाय्‍ह्ओ हाव्‌नयःलो सायःआलाङः “लौ यात् दीन्‌कोः काम् जाङ्‌ह्‌झ्‍याङ्‌कायः यात् माना गहुङ् बयःसा यात् दीन्‌कोः सुम् माना जौ बयःसा स्‍याव्‌नाः। जैथुन् सायःकोः सातीमा धाक्‌सायःकोः तीःकायःमा छीःताक्‌लाम्” त दाय्‍ह्‌ती दाय्‍ह्ओआः।