ओउःकायः “फेनाङः” त म्हर्तोक्हाङः यात्चाक् परमेस्वर्कोः लाङ्कासै ल्होक्ओमयः युसेफ्कःताङ् माङःखाहाङः थाती वाङ्आ। थाती वाङ्ती “लौ नाङ् दावुद् राजाकोः प्लोमःदाने युसेफ्य नाङ्कोः धयःओ मरीयम् मोमःचोःकायः लयःकोः कीम्ताङ् वानःसा अह्र्तेःचानाः। परमेस्वर्कोः ग्वालामःइलेः ओउःकायः चोःतुक् स्याव्सा दोःताक्आथै बा।
मत्ती 2:13 - चेपाङ13 ओहाङःसैको ओउःमयः आल्आक्तीको यात्चाक् परमेस्वर्कोः लाङ्कासै ल्होक्ओमयः युसेफ्कःताङ् माङःखाहाङः थाती वाङ्ती “लौ चीङ्ती नाङ्कोः नीस् आमाचाः लात्ती मीस्रा देस्ताङ् क्रव्अ दा। ओहाङः दाह्आक्तीको ङाइ तोधाङ्माःच्युक्कायः मुन। नाङ्कोः चोःकायः हेरोद् राजाइ सात्ती वाय्सा बोङःनौ बा” त दाय्ह्ती युसेफ्कायः तोआकान्। အခန်းကိုကြည့်ပါ။ |
मत्ती 2:13
29 ပူးပေါင်းရင်းမြစ်များ
ओहाङःसैको “ओउः व्हाय्ओ मान्तालम् ङाकःताङ् वाङ्सा ग्यामाःत थे ल्याम् पाय्ह्आकाय्” त हेरोद् राजाइ चीःआकान्। चीःआक्तीको ओउःपाय् आन ल्हुङ् स्योङ्ती ओउः व्हाय्ओ मान्तालम्इ ङ्हा त्याङ्ती तोओ कार्कोः कुरा गीलती “लौ बेथ्लेहेम् गाव्गन सबै नीस् बर्स पुत्धाङ्मालो गोय्चोःलम्कायः सात्पाःथास” त दाय्ह्ती हुकुम् बयःआकान्।
“यात्चाक् सीपाहीकोः कप्दन् कर्नीलीयस् त तोओइ ल्होक्आताङी। ओउःपाय् आन पेओ परमेस्वर्कायः झाक्ती तोओ मान्ता लेःआः। इतलेः सबै सीजारीयाकोः यहुदीलम्इ चीःती कर्नीलीयस्कायः लुङ्ती तोनानी। ओहाङःसै ओउःकःताङ् यात्चाक् परमेस्वर्कोः ल्होक्ओमयः थाती ‘लौ नाङ्इ जोपाहाङः मुओ सीमोन् पत्रुस्कायः गोत्लाङ् ल्होक्उ दा। गोत्ती वानःआक्तीको ओउःकोः कुरा पेतोलेः सायःनु’ त दाय्ह्ती ओउः ल्होक्ओमयःइ तोताङःआथै। ओउःत झ्यान्ते ङीइ नाङ्कायः गोत्लाङ् दाह्आलाङी” त दाय्ह्ती ओउः सुम्चाक्इ पत्रुस्कायः छ्यानःआथै।
ကြော်ငြာတွေ