मत्ती 19:9 - चेपाङ

⁹ ‘सुसु लयःकोः बुधी फेती अरु मोमःचोः वानःचानी ओउः मान्‍ताइलेः जार्‌ जाङ्‌ह्‌नानी’ त ङाइलेः तोनेःनाङ्‌स। मान्‍ताकोः बुधी अरु गोय्‌चोःकुस् एनःओकायः ह ओउःत पेमालो बुधीकायः फेसा स्‍याव्‌नाः” त दाय्‍ह्‌ती येसु त्‍याङ्आ।

मत्ती 19:9 ပူးပေါင်းရင်းမြစ်များ

मत्ती 19:10

ओउःत त्‍याङ्ओ येसुकुस् वाह्ओमयः सायःती “लौ ओउःत खेःया मान्‍ता बुधी वानःमालो मुसालेः पेनाः” त दाय्‍ह्‌ती येसुकुस् वाह्ओमयः नोःआकाय्।

मत्ती 19:8

“नीङ्‌कोः ल्‍हुङ् चाक्‌तो स्‍याव्‌ती झ्‍यान्‍ते परमेस्‍वर्‌कोः ङ्‌हा बयःओ कुरा सायःसा ग्‍यातेःइली ओउःत खेःओकायः ह मोसाइ सीङ्‌का तात्ओ जाङ्‌ह्‌सा ताक्ओ खेःतो। परमेस्‍वर्‌इ ङ्‌हासै तोओ कुरा खेःल।

मत्ती 5:32

ङाखेइ बुधीइ अरु गोय्‌चोःकुस् एनःती वाह्आक्‌तीको ह ओउःकायः फेसा स्‍याव्‌नाः। अरु हायःओकायः यात्‌चाक्इ बुधीकायः फेआथै त खेःया ओउः बुधाइ बुधीकायः जार्‌लो जाङ्‌ह्‌ताक्‌नाःथै। फेरी ‘सुइ ओउः फेओ मोमःचोःकायः वानःचाःथै ओउःइमा जार्‌लो लेखा जाङ्‌ह्‌मानौ’ त दाय्‍ह्‌ती तोनेःनाङ्‌स।

लुका 16:18

सुसुइ लयःकोः बुधी फेती अरु मोमःचोःलेः वानःचानी ओउः मान्‍ताइलेः जार्‌ काओ काम् जाङ्‌ह्‌नानी। फेरी सुसुइ अरुइ फेओ बुधीपाय् लयःकायः वानःचानी ओउःइमा जार्‌ काओ काम् जाङ्‌ह्‌लेःनानी” त दाय्‍ह्‌ती येसुइ तोआथास।

१ कोरीन्‍थी 5:1

नीङ्‌कःहाङः यात्‌नीस्‌चाक् आन रेव्ओ काम् जाङ्‌ह्ओ मान्‍ता मुताङःनै। ओउःच्‍युक् रेव्ओ काम्‌पाय् जुगाङ् ङ्‌हाम्‌मालोलम्इमा जाङ्‌ह्‌सा ब्‍लाय्‍क्‌नै। नीङ्‌कःहाङः “यात्‌चाक् लयःकोः कान्‍छी आमाकुस् एनःओलेः” त दाय्‍ह्ओ सायःआलाङः बा।

१ कोरीन्‍थी 7:39

बुधा सीधाङ्‌माखाहाङः बुधीइ ओउःकायः फेसा स्‍याव्‌ल ओउःकोः बुधा सीआ त खेःया ओउः मोमःचोःपाय् अरु गोय्‌चोःकुस् पाय्‍ह्‌सा स्‍याव्‌सापाय् स्‍याव्‌तो ओउः गोय्‌चोः प्रभुकायः ङ्‌हाम्ओ मान्‍ता ह स्‍याव्‌नाः।

१ कोरीन्‍थी 7:4

बुधीकोः आङ्‌पाय् बुधाकोः लेःआः लयःकोः ह खेःल। फेरी बुधाकोः आङ्‌पाय् बुधीकोःलेः मुनाः।