मत्ती 19:5 - चेपाङ

⁵ ‘लौ गोय्‌चोःपाय् लयःकोः आमा आपाकोः कीम् फेती लयःकोः बुधीकुस् भेनाःच। ओहाङःसैको ओउःनीस् पय्‍क्‌चाः आङ् ब्राङ्‌ती काःतय्‍ङ्‌ह्‌ती यातैज्‍योः मान्‍तालो लेखा स्‍याव्‌नाःच’ त उय्‍ह्‌लेकोः आखरःहाङः लेखओ नीङ्इ पह्रतेःआकानी माःर।

मत्ती 19:5 ပူးပေါင်းရင်းမြစ်များ

मत्ती 19:6

ओउःनीस्‌पाय् यातैज्‍याङ् स्‍याव्‌नाःच ओउःत झ्‍यान्‍ते सुसु पय्‍क्‌चाःनीस्‌कायः परमेस्‍वर्‌इ काःतय्‍ङ्‌ह्‌ताक्आथाच ओउःनीस्‌कायः सुइमा फेकाय्‌ताक्‌लाम्” त दाय्‍ह्‌ती येसु त्‍याङ्आ।

रोमी 12:9

अरुकायः च्‍यवःताक्‌सा आले खेःल दोङ् ल्‍हुङ्इलेः अरुकायः राप्‌नु। पेमालो कुराखे ब्‍लाय्‍क्‌तीलेः फेती वाय्‌नु। पेओ कुराखेकः म्रोतीलेः मुन।

१ कोरीन्‍थी 6:16

सुसुखे ल्‍हास्‍या मोमःचोःकुस् साङ्‌ह्‌ती वाह्‌नै ओउःपाय् ओउः मोमःचोःकुस् ब्राङ्‌लेःनाःच। एतलेः परमेस्‍वर्‌कोः आखरःहाङः लेखती मुनाः “ओउःनीस्‌पाय् यातैज्‍याङ्‌लो लेखा स्‍याव्‌नाःच” त दाय्‍ह्‌ती लेखओआः।

१ कोरीन्‍थी 7:2

ओउःत हायःसा पेसापाय् पेलेःनाः बुधी नाःमालो गोय्‌चोःलम्इ मोमःचोःकुस् आन थ्‍यावःकाय्‌सा बोङःमय् ओउःत झ्‍यान्‍ते गोय्‌चोः गोय्‌चोःइपाय् लःलयःकोः बुधी वानःपनौ फेरी मोमःचोः मोमःचोःपाय् लःलयःकोः भाव्‌कः पाय्‍ह्‌पै।

१ कोरीन्‍थी 7:4

बुधीकोः आङ्‌पाय् बुधाकोः लेःआः लयःकोः ह खेःल। फेरी बुधाकोः आङ्‌पाय् बुधीकोःलेः मुनाः।

एफेसस् 5:31

“लौ ओउःत झ्‍यान्‍ते गोय्‌चोःपाय् लयःकोः आमा आपाकोः कीम् फेती लयःकोः बुधीकुस् भेनाःच। ओहाङःसैको ओउःनीस् पय्‍क्‌चाःपाय् आङ् ब्राङ्‌ती काःतय्‍ङ्‌ह्‌ती यातैज्‍योः मान्‍तालो लेखा स्‍याव्‌नाःच” त दाय्‍ह्ओ परमेस्‍वर्‌कोः आखरःहाङः लेखती मुनाः।