मत्ती 19:27 - चेपाङ

²⁷ “लौ ङीपाय् जुदाकायःलेः फेती नाङ्‌कुस् वाह्ओ लेःआः ङी। ङीपाय् दोह्‌लो दोःनाङी” त दाय्‍ह्‌ती पत्रुस्इ व्‍हत्‌थातो

मत्ती 19:27 ပူးပေါင်းရင်းမြစ်များ

मत्ती 19:26

ओउःमयः नोःकाय्ओ कुरा येसुइ चीःती “एत जाङ्‌ह्‌साकायः मान्‍ताखेइ जुगाङ् खाय्‌नीली परमेस्‍वर्‌खेइ दोह् खेःयाकायःमा जाङ्‌ह्‌सा खाय्आनौ” त दाय्‍ह्‌ती येसुइ ओउःमयःकायः थेःती तोआथास।

मत्ती 19:28

“दोङ्‌सी दाय्‍ह्‌भनाङ् नीङ् ङाकुस् वाह्ओमयःपाय् लोने ओउः मान्‍ताकोः चोःत तोओकोः नया राजीहाङः आङ्‌ग थाङ्‌गत ताङ्‌ह्‌तो हुकुम् बयःओ स्‍याव्ओहाङः नीङ्‌मा बारगोता राजाकोः थाव्‌हाङः च्‍युङःती ओउःकुस् इस्राएल्‌कोः बार खलक्‌कायः तय्‌छनःती योतेःनानी।

मत्ती 9:9

ओहाङःसैको कीम्‌सै आल्‌ती येसुइ यात्‌चाक् मत्ती त तोओ पैसा उथावओ मान्‍ताकायः लयःकोः आफीस्‌हाङः च्‍यवःती क्रुस्आकान्। ओउःकायः क्रुस्‌तोक्‌हाङः “लौ ङाकुस् वाह्अ” त दाय्‍ह्‌ती येसुइ तोआथै। तोआक्‌तीको उया मत्ती चीङ्‌ती येसुकुस् वाह्आकाच।

मर्‌कस् 10:28

“लौ ङीपाय् जुदालेः फेती नाङ्‌कुस् वाह्ओ लेःआः ङी” त दाय्‍ह्‌ती पत्रुस् दाय्‍ह्आ।

मर्‌कस् 2:14

ओहाङः वाह्‌तोक्‌हाङः येसुइ आल्‍फीयस् त तोओकोः चोः लेवीलेः त तोओ पैसा उथावओ आफीस्‌हाङः काम् जाङ्‌ह्‌ती मुओ च्‍यवःआकान्। ओउःकायः च्‍यवःती “लौ ङाकुस् वाह्अ” त दाय्‍ह्‌ती येसुइ तोआथै। इत तोआक्‌तीको उया लेवीपाय् चीङ्‌ती येसुकुस् वाह्आकाच।

लुका 14:33

इतलेः नीङ्‌मा ङाकुस् वाह्‌सा बोङःतेःनानी त खेःया ङ्‌हासै ‘लौ येसुकुस् वाह्‌साकायः ङाइ लीह्‌सीःओ गोरःसामा सबै फेसामा खेःनाङः’ त ल्‍हुङ्‌हाङः चीःआक्‌ती ग्‍यासा खेःतेःनै बा।

लुका 15:29

जेथा ग्‍यामाःत ‘लौ नाःतो साल्‌कायः ङाइ नाङ्‌कोः काम्‌पाय् पेतो जाङ्‌ह्ओलेः खेःमाङोतो नाङ्इ तोओ कुरा ङाइ गलमा सायःती ग्‍यातीलेः जाङ्‌ह्‌माङोतो ङाकायःपाय् साथीलम्‌कुस् जेःसा मेत्‌छ्याः दोह्‌मा सात्‌तीलेः भोस्‌पाय् बयःतेःचीली।

लुका 18:28

“ङीपाय् लयःकोः कीम्‌लम् दोह्‌लम् फेती नाङ्‌कुस् वाह्ओ लेःआः ङी” त दाय्‍ह्‌ती पत्रुस् दाय्‍ह्आ।

लुका 5:11

ओउःत तोआक्‌तीको ओउःमयः दोङ्‌गालम् तीःकोः छेव्‌हाङः वानःती गम्आक्‌तीको सबै थोक् फेती येसुकायः गुल्‍ह्‌तीलेः आल्आकाय्।

१ कोरीन्‍थी 1:29

ओउःत झ्‍यान्‍ते परमेस्‍वर्‌कोः मीक्‌हाङः सुइमा लयःकोः नेह्‌रो ओर्‌ताक्‌सा खाय्‌नीली।

१ कोरीन्‍थी 4:7

नीङ्‌पाय् अरुसै ताङ्‌ह्ओलेः सुइलो जाङ्‌ह्‌तेःआकाय् र। नीङ्‌कोः नाःओ कुरापाय् परमेस्‍वर्‌इ सबै बयःतेःआकाय् माःर। ओउःइ बयःओ त खेःया दोह् हायःतीतेः लयःकोः नेह्‌रो ओर्‌तेःताक्‌तेःनानी। लयः क्रुत्इ दोःओलो लेखा नीङ्‌पाय् ताङ्‌ह्‌ताक्‌तेःनाःइसी ओउःत हायःसा स्‍याव्‌ल बा।

फीलीपी 3:8

इ कुरामा सबै ल्‍हाव्‍ह्‌दैबाङ्‌कोः पेओ कुरामा “आह्रे लेःआः” त म्‍हर्‌ती जुगाङ् फेती वाय्आलाङः। ओहाङःसै ओउः न्‍हाङ्‌तोलेः पेओ कुरापाय् ङाकोः प्रभु येसु ख्रीस्‌कायः तय्‍ह्‌सा दोःनाङः। ख्रीस्‌कोः मान्‍ता स्‍याव्‌साकायः सबै अरु कुराकायः “आह्रे वाय्‌सा खेःओ धान्‍ह्‌लम्‌लो लेखालेः” त म्‍हर्‌ती फेती वाय्आलाङः बा