मत्ती 19:23 - चेपाङ

²³ ओउः मान्‍ता लीह्‌ती पाय्‍ह्ओ च्‍यवःती “दोङ्‌सी दाय्‍ह्‌भनाङ् ओउःच्‍युक् नाःतो नाःओ मान्‍ताकायः परमेस्‍वर्‌कोः राजीताङ् पोक्‌सा आन चाक्‌तो लेःआः बा।

मत्ती 19:23 ပူးပေါင်းရင်းမြစ်များ

मत्ती 13:22

ओहाङःसै अरु मान्‍तालम्‌खेइमा परमेस्‍वर्‌कोः कुरा सायःती ओउःकोः काम् जाङ्‌ह्आक्‌नीतो लोने लयः झाक्ओ काम्‌कायः रुःओ ल्‍हुङ् वाङ्‌नाः पैसा क्‍युसा बोङःओ ल्‍हुङ्‌मा लीङ्‌हायःओ ल्‍हुङ्‌मा वाङ्‌नाः त खेःयाकायः परमेस्‍वर्‌कोः काम् जाङ्‌ह्‌सा लोने ग्‍याइली। इलो खेःओ मान्‍तालम्‌खे चुःराङ्‌हाङः दीह्ओ यार्‌ती वाय्ओ सायःसा खाय्‌मालो बीयालो लेखा मुनै।

मत्ती 18:3

गम्आक्‌तीको “लौ नीङ् ल्‍हुङ् द्यान्‍ह्‌ती इ मीओ हौलम्‌लो लेखा ङ्‌हा स्‍याव्‌सा खेःतेःनै ओहाङःसैको नीङ् परमेस्‍वर्‌कोः राजीहाङः मुसा दोःतेःनै। हौलम्‌लो लेखा आःताः स्‍याव्‌माःत ओहाङः मुसा दोःतेःइली।

मत्ती 19:22

ओउः कुरा सायःती ओउः मान्‍ता आन लीह्‌ती पाय्‍ह्अ। ओउःपाय् आन साहु खेःतो फेरी बुधा मान्‍ता खेःआक्‌ल।

मत्ती 21:31

लौ ओउःनीस् पुःचाःपाय् गाव्‌खे आपाकायः ग्‍याती सायःआकाचु” त दाय्‍ह्‌ती येसुइ ओउः ताङ्‌ह्ओ मान्‍तालम्‌कायः व्‍हत्आकान् “जेथाखे” त दाय्‍ह्‌ती त्‍याङ्आकाय् “दोङ्‌सी दाय्‍ह्‌भनाङ् ओउः पैसा जेःती उथावओलम्‌मा रन्‍दीलम्‌मा नीङ्‌कोः ङ्‌हासै परमेस्‍वर्‌कोः राजीहाङः आल्‌सा दोःनै।

मत्ती 5:20

दोङ्‌सीलेः ओउः ऐन् स्‍यान्ओमयःसैमा फरीसीलम्‌सैमा नीङ्‌खे परमेस्‍वर्‌कोः काम् पेतो जाङ्‌ह्‌सा खेःतो ओउःमयःसै पेतो जाङ्‌ह्‌तेःनीली त खेःया नीङ् परमेस्‍वर्‌कोः राजीहाङः मुसा दोःतेःइली।

मर्‌कस् 10:23

ओउः मान्‍ता लीह्‌ती पाय्‍ह्आक्‌तीको येसुइ लयःकुस् वाह्ओमयःकायः त्‍यास्‌ती योती “ओउःच्‍युक् नाःतो नाःओ मान्‍ताकायः परमेस्‍वर्‌कोः राजीताङ् पोक्‌सा आन चाक्‌तो लेःआः बा” त दाय्‍ह्‌ती येसु दाय्‍ह्आ

लुका 18:24

ओउः मान्‍तापाय् लीह्‌ती मुओ येसुइ च्‍यवःती “लौ ओउःच्‍युक् नाःतो नाःओ मान्‍तालम्‌कायः परमेस्‍वर्‌कोः राजीहाङः पोक्‌सा आन चाक्‌तो लेःआः बा।

युहना 3:3

“दोङ्‌सी दाय्‍ह्‌भनाङ् रौ जीङः दोःमाःत परमेस्‍वर्‌कोः राजी च्‍यवःसा सुइमा खाय्‌नीली” त दाय्‍ह्‌ती येसुइ तोथातो

युहना 3:5

ओहाङःसैको येसु फेरी दाय्‍ह्आ “दोङ्‌सीलेः परमेस्‍वर्‌कोः राजीहाङः मुसाकायः लयः आमा आपाकःसै दोःओ जीङः स्‍याव्‌ल। तीःसैमा परमेस्‍वर्‌कोः ग्‍वालामःसै रौ जीङःपाय् दोःआक्‌सा खेःतो बा।

खबरदुत 14:22

ओहाङःकोः येसुकोः ङ्‌हाम्ओलम्‌कायः लव्‍ह्‌ती तोआकाचु “लौ येसुकोः कुरा फेमाःत ग्रमःतलेः ङ्‌हाम्‌लेःआनु। लीह्‌सीःओ च्‍यवःओहाङःमा फेलाम् ग्रमःत मुन। लीह्‌सीःओमा हेलामा गोरःती ङी परमेस्‍वर्‌कोः राजीताङ् दाह्‌नाःतय्‍ही बा” त दाय्‍ह्‌ती स्‍यान्आथास।

१ कोरीन्‍थी 1:26

लौ पुःचोङ् हौचोङ्‌य परमेस्‍वर्‌इ गोत्ओ बेलाहाङः नीङ्‌पाय् दोह् खाल्‌कोः मान्‍तातेः खेःतेःइतो त दाय्‍ह्‌सा नीङ्‌पाय् नाःतोलेः ल्‍हाव्‍ह्‌दैबाङ्‌कोः आन व्‍हाय्ओ मान्‍तामा खेःआक्‌तेःइली ताङ्‌ह्ओ मन्‍तरी मान्‍तालम्‌मा नाःतोलेः खेःतेःआक्‌तेःइली।

याकुब् 2:6

ओउः खाल्‌कोः मान्‍तालम्‌कायः परमेस्‍वर्‌खेइ पेतोलेः हायःउतो नीङ्‌खेइ ओउःमयःकायः मीतो योती झ्‍यान्‍ते पेमालोतेः हायःतेःनानी बा। फेरी साहुलम्इ नीङ्‌कोः पैसा जेःबत्‌तेःनै माःर। नीङ्‌कायः मुत्‍ध जाङ्‌ह्‌ती न्‍यादेस्‌कःताङ् लात्‌ती आलःतेःनै।