मत्ती 18:9 - चेपाङ

⁹ फेरी नाङ्‌कोः मीक्इ च्‍यवःआक्‌तीको पेमालो ल्‍हुङ् वाङ्‌नाः त खेःया ओउः मीक्‌पाय् त्‍युत्‌ती वाय्‌पाःस। नीङ्‌पाय् नीस्‌ज्‍याङ् मीक् नाःती नरककोः गलमा म्‍हीत्‌मालो म्‍हेःहाङः ल्‍होक्ओसै यातैज्‍याङ् मीक् ह नाःती रौ जीङः दोःसा पेआनाः बा।

मत्ती 18:9 ပူးပေါင်းရင်းမြစ်များ

मत्ती 16:26

माः रैस यात्‌चाक्इ ल्‍हाव्‍ह्‌दैबाङ्‌कोः सबै दोःसाकायः लयःकोः जीङः वाय्‌तो स्‍याव्‌नाः त खेःया ओउः मान्‍तालेः सामान्‌पाय् आह्रे दोःओ ह बा। लयःकोः जीङःपाय् मान्‍ता लेःसा जुगाङ् दोःल दोह् खेःयामा बयःती लेःसा दोःल।

मत्ती 18:8

ओहाङःसै नाङ्‌कोः क्रुत् दोम्इलेः पेमालो जाङ्‌ह्‌तेःचौया ओउः क्रुत् दोम् तात्‌ती वाय्‌पाःस नाङ् नीस्‌ज्‍याङ् क्रुत् दोम् नाःती नरककोः गलमा म्‍हीत्‌मालो म्‍हेःहाङः ल्‍होक्ओसै यात्‌ज्‍याङ् क्रुत् दोम् ह नाःती रौ जीङः दोःसा पेआनाः बा।

मत्ती 19:17

“दोह् हायःतीतेः ङाकायःपाय् ‘पेओ काम् दोह्‌लो’ ततेः व्‍हत्‌तेःनाःची। यातैज्‍याङ् परमेस्‍वर्‌कायः ह ‘पेओ लेःआः’ त तोसा खेःनाः। लौ नाङ् रौ जीङः दोःसा झाक्‌तेःनाः त खेःया परमेस्‍वर्‌इ उय्‍ह्‌लेहाङः गानाक्‌ती बयःओ कुरा सायःती जाङ्‌ह्उदा” त दाय्‍ह्‌ती येसु त्‍याङ्आ

मत्ती 5:22

‘लौ सुसु लयःकोः मान्‍ताकःताङ् ल्‍हुङ् ह जीक्‌ती मुचनै ओउःमा न्‍युम्‍ह्‌तोलेः स्‍याव्‌नाः’ त दाय्‍ह्‌ती ङाखेइ तोनेःनाङ्‌स बा। फेरी सुसुइ लयःकोः मान्‍ताकायः ‘वाःतकलङ्’ त दाय्‍ह्‌ती तोचानी ओउःकायःलेः सभाकोः मान्‍तालम्इ न्‍युम्‍ह्‌ताक्‌सा स्‍याव्‌नाः। सुसुइ लयःकोः मान्‍ताकायः ‘लौ नाङ्‌कायः परमेस्‍वर्‌इ स्राप्‌तेःनाः’ त दाय्‍ह्‌ती तोचानी ओउःलेः नरककोः म्‍हेःहाङः सीलाङ् आल्‌खेःनै।

मत्ती 5:29

लौ नाङ्‌कोः मीक्इ नाङ्‌कायः रेव्‌तो जाङ्‌ह्‌ताक्‌तेःचाः त खेःया ओउः मीक्‌पाय् त्‍युत्‌ती वाय्‌सा पेनाः। दोह् हायःती दाय्‍ह्‌सा नाङ् दोम्‌क्रुत्‌मा मीक्‌मा वेन्‍ह्‌माःत गोबाङ् ताती वाय्ओसै यात्‌ज्‍योः मीक् ह वेन्‍ह्‌ती वाय्आक्‌तीको दल्‌तो मुसा पेलेःनाः बा।

मर्‌कस् 9:47

फेरी नाङ्‌कोः मीक्इ च्‍यवःआक्‌तीको पेमालो जाङ्‌ह्‌तेःचौ त खेःया ओउः मीक्‌पाय् त्‍युत्‌ती वाय्‌पाःस। नीङ्‌पाय् नीस्‌ज्‍याङ् मीक् नाःती नरककोः गलमा म्‍हीत्‌मालो म्‍हेःहाङः ल्‍होक्ओसै यात्‌ज्‍याङ् मीक् ह नाःती परमेस्‍वर्‌कोः राजीहाङः मुसा दोःओ पेनाः।

खबरदुत 14:22

ओहाङःकोः येसुकोः ङ्‌हाम्ओलम्‌कायः लव्‍ह्‌ती तोआकाचु “लौ येसुकोः कुरा फेमाःत ग्रमःतलेः ङ्‌हाम्‌लेःआनु। लीह्‌सीःओ च्‍यवःओहाङःमा फेलाम् ग्रमःत मुन। लीह्‌सीःओमा हेलामा गोरःती ङी परमेस्‍वर्‌कोः राजीताङ् दाह्‌नाःतय्‍ही बा” त दाय्‍ह्‌ती स्‍यान्आथास।

हेब्रैनी 4:11

लौ उया ङीइमा ओउःकोः राजीहाङः पोक्‌सा पेतो बोङःनी ओहाङःसै ङी काम् कोरःती मुसा खाय्‌नाःतय्‍ह्‌नी। सुमा ओउः पोक्‌सा दोःमालो आय्‌कानः तोकानःलो लेखालेः ल्‍हुङ् ग्‍यामाःत मुती वाय्‌तो स्‍याव्‌लाम्।

प्रकाश 21:27

ओहाङःसैको ओउः सहर्‌हाङः दोह् दोह् क्रीसीःओ मुनाः ओउःलेः वानःसापाय् गलमा दोःल सुसुइमा रेव्ओ काम्‌मा माःओ काम्‌मा जाङ्‌ह्‌लेःनानी ओउःमा सहर्‌हाङः पोक्‌सा जुगाङ् दोःइली। सुसुखेकोः मय्‍ङ्‌पाय् ओउः भेदाकोः चोःकोः जीङः नाःओलम्‌कोः कीताप्‌हाङः लेखती मुनाः ओउःमयः ह पोक्‌सा दोःनै।