मत्ती 18:17 - चेपाङ17 ओहाङःसैको ओउः मान्ताइ ओउः साचीलम्कायः सायःउलु त खेःया नाङ्कोः कुरा सबै ङ्हाम्ओलम्कायः छ्यान्ह्लाङ् आल्अ। ओउःइ सबैकायः सायःउलु त खेःया ओउःपाय् ङ्हाम्मालो रेव्ओ मान्तालो लेखा स्याव्पाः। အခန်းကိုကြည့်ပါ။ |
मत्ती 18:17
27 ပူးပေါင်းရင်းမြစ်များ
‘लौ इपाय् लान्इ ङायःओ चाक् लेःआः बा’ त दाय्ह्ती नोःकाय्तेःइतो ङा मान्ताकोः चोः त तोओ मुतोक्हाङः ङाखेइ जेःती तुङ्तो मुओआः ङ ओउःत झ्यान्ते ङाकायःपाय् ‘लौ इ मान्तापाय् जेःक्राक् तुङ्क्राक् लेःआः बा। इपाय् पैसा जेःओ मान्ताकुस्मा रेव्तो जाङ्ह्ओ मान्तालम्कुस्मा ब्राङ्तोलेः वाह्नाः’ त दाय्ह्ती नोःकाय्तेःनै। ओउःत नोःकाय्तेःइतो बुरु व्हाय्ओ मान्ताकायःपाय् ओउःइ जाङ्ह्ओ काम् योधार्नालेः तय्ह्सालेः खाय्नाः बा” त दाय्ह्ती येसुइ तोआथास।
लौ रेव्ओ काम् जाङ्ह्ओ मान्तालम्इलेः लयःकुस् ब्राङ्ओमयःकायः राप्आनानी नीङ्इपाय् लयःकुस् ब्राङ्ओमयःकायः ह राप्तेःचानी त खेःया नीङ् रेव्ओ मान्तासै पेओ जाङ्ह्तेःनीली इत जाङ्ह्झ्याङ्कोः दोह् स्याव्नाः र। खेःल नीङ्इ सबै मान्ताकायः राप्सा खेःतो। फेरी परमेस्वर्कायः तय्ह्मालोलम्इमा लयःकोः मान्तालम्कायः स्यवनानी।
ओहाङःसैको ओउः नीस्चाक् मन्दीर्ताङ् दाह्आक्तीको ओउः फरीसीखे चीङ्ती ‘अ परमेस्वर्य ङापाय् अरु मान्तालम्लो लेखालेः रेव्तो काम् जाङ्ह्ओ खेःङल। ङाइ अरुकोः पैसा माःती जेःङल। अरु मान्तालम्कोः बुधीलम्कुस् वाह्ङल। ङापाय् इ जीमदार्च्युक् रेव्तो खेःङल। यात् सातहाङः ङाइ नीस् पल्त उपाङ् काःनाङ्स। ङा दोःओ थोक्लम्कोः दस् भाक्कोः ङाइ याआःज्योः नाङ्कायःलेः बयःनेःनाङ् बा। इच्युक् पेओ काम् जाङ्ह्साकायः ङाइ चीःलेःनाङः त झ्यान्ते नाङ्कायः ङाइ लुङ्तीलेः तोनेःनाङ्’ त दाय्ह्ती ओउः मान्ताखेपाय् लयःकायः तोआकास।
ကြော်ငြာတွေ