मत्ती 17:18 - चेपाङ

¹⁸ तोआक्‌तीको ओउः लान्‌कायः “लौ इकायः फेउ” त दाय्‍ह्‌ती येसुइ जान्‌ती तोआकान्। इत तोओहाङःसै ओउः चोः पेतो सेलः स्‍याव्आ।

मत्ती 17:18 ပူးပေါင်းရင်းမြစ်များ

मत्ती 12:22

ओहाङःसैको यात्‌चाक् लान्इ ङायःओ च्‍यवःसामा नोःसामा खाय्‌मालो मान्‍ता येसुकःताङ् वानःआकानी। वानःआक्‌तीको येसुइ ओउःकायः स्‍याक्‌ताक्आथै ओहाङःसै स्‍याक्‌ताक्आक्‌तीको ओउः मान्‍ता नोःसामा च्‍यवःसामा खाय्ओ खेःतो।

मत्ती 15:28

“लौ उया ङाकायः आन पेतोतेः ङ्‌हाम्‌तेःआची। नाङ्‌कोः ङ्‌हाम्‌झ्‍याङ्‌कायः नाङ् ङ्‌हा तेओ कुरा ङाइ द्याह् बयःनेःनाङ्” त दाय्‍ह्‌ती येसुइ तोआथै। तोआक्‌तीको ओउःइ तोओकुस् ब्रक्‌तलेः ओउः मोमःचोःकोः चोःद्याङ् सेलः स्‍याव्आ।

मत्ती 17:17

एत तोआक्‌तीको “लौ नीङ् ङ्‌हाम्‌मालो मान्‍तालम्‌पाय् नीङ्‌कुस् ङा गुच्‍युक् ज्‍याङःतोलेः स्‍यान्‌ती मुसा खेःङोतो। नीङ्‌कोः ङ्‌हाम्‌मालो ल्‍हुङ् योती गुच्‍युक् दीन्‌कायः लीह्‌ती गोरःसा खेःनाङः र” त दाय्‍ह्‌ती येसुइ तोआथास।

मत्ती 17:19

ओउः हौपाय् सेलः स्‍याव्आक्‌तीको येसुकुस् वाह्ओमयः ओउःकःताङ् वाङ्‌ती “लौ दोह् हायःती ङीखेइ ओउः लान्‌कायः ल्‍हेस्‌ताक्‌सा खाय्‌ङुसुलु” त दाय्‍ह्‌ती व्‍हत्‌थातो

मत्ती 9:22

ओउःत नाय् दीन्‍ह्‌तोक्‌हाङः येसुइ ल्‍हेःती ओउःकायः च्‍यवःती “लौ हौद्याङ् ल्‍हुङ् धोमाय्‌तोलेः पाय्‍ह्अ। ङाकायः ङ्‌हाम्‌तेःआची बा ओउःत झ्‍यान्‍ते नाङ् सेलः स्‍याव्‌तेःनाः” त दाय्‍ह्‌ती येसुइ तोआथै। तोआक्‌तीको ओउः मोमःचोः ओउःत तोओहाङःसै सेलः स्‍याव्‌ती पाय्‍ह्आ।

मर्‌कस् 1:34

ओहाङःसैको येसुइ नाःतो खाल्‌कोः जीक्ओलम्‌कायःमा स्‍याक्‌ताक्आथास फेरी नाःतो लान्‌लम्‌कायःमा मान्‍ताकःसै ल्‍हेस्‌ती वाय्आकान्। ओउः लान्‌लम्इ येसुकायः तय्‍ह्‌ती झ्‍यान्‍ते येसुइ ओउःमयःकायः नोःसा ताक्उसुलु।

लुका 4:41

ओउः बेलाहाङःमा नाःतो मान्‍तालम्‌कायः लान्इ ल्‍हेस्‌ती फेआथास। फेतोक्‌हाङः लान्‌लम्इ “नाङ्‌जा परमेस्‍वर्‌कोः चोः लेःतेःआः बा” त सोतोलेः दाय्‍ह्‌ती फेनीतो ओउःकायःपाय् “ख्रीस् लेःआः” त तय्‍ह्‌ती झ्‍यान्‍ते येसुइ लान्‌लम्‌कायः इ कुरा छ्यानःती नोःसा ताक्उसुलु।

लुका 8:29

दोह् हायःती दाय्‍ह्‌सा येसुइ “इकायः ल्‍हेस्‌ती फेउ” त दाय्‍ह्‌ती लान्‌कायः गानाक्‌ती तोआकान्। ओउः मान्‍ताकायःपाय् लान्इ नाःतोलेः आन ब्रःताक्‌झुङ्आथै। ब्रःओ बेलाहाङः अरुलम्इ ओउःकायः चुम्‌ती आन साङ्‌लाइ पानःती गम्‌सा बोङःनीतो ओउः मान्‍ताइ साङ्‌ला तेत्‌ती वाय्आकान्। वाय्आक्‌तीको ओउःकायः लान्इ याक्‌गार्‌सीःमालो राङ्‌हाङः रुनःआथै।

लुका 9:42

ओउः चोः वानःतोक्‌हाङः ओउः लान्इ फेरीलेः चोःकायः ङायःती कुयःताक्‌ती तोस्‌थातो ओउः लान्‌कायः येसुइ जान्‌ती तोती ल्‍हेस्‌ताक्आथै। लान् ल्‍हेस्‌ती चोः स्‍याक्‌ताक्आक्‌तीको ओउः चोःपाय् येसुइ आपाकायः पाय्‍क्‌ती ल्‍होक्आकान्।

खबरदुत 16:18

ओउः मोमःचोःपाय् नाःतो दीन्‌कायः एतलेः दाय्‍ह्‌ती ङीकायः गुल्‍ह्‌ताङीतो ओहाङःसैको पावुल्‌पाय् आन ल्‍हुङ् जीक्‌ती झ्‍यान्‍ते “लौ इ मोमःचोःकायः ‘ल्‍हेस्‌ती फेउ’ त ङाइ प्रभु येसु ख्रीस्‌कोः ग्‍वम्इ तोतेःनाङ् बा” त दाय्‍ह्‌ती ओउः मोमःचोःकायः ङायःओ लान्‌कायः तोउतो एत तोओ कुस्‌ब्रक्‌त ओउः लान् ल्‍हेस्‌तीलेः वाय्आ।