मत्ती 17:12 - चेपाङ12 दोङ्सी दाय्ह्भनाङ् एलीया त तोओपाय् ङ्हाखालेः वाङ्जेःओआः बा। वाङ्सापाय् वाङ्ओआः धर्मा स्यान्ओमयःलम्इ ओउःकायः तय्ह्माःत लयः झाक्ओ पेमालो काम्लम् हायःआथै। ओउःतलेः ओउः मान्ताकोः चोः त तोआमा आन लीह्तो गोरःसा खेःतो” त दाय्ह्ती येसु त्याङ्आ အခန်းကိုကြည့်ပါ။ |
मत्ती 17:12
25 ပူးပေါင်းရင်းမြစ်များ
ओहाङःसैको येसुइ अरु कुरालेः स्यान्ती तोती “लौ ङापाय् यरुसालेम्ताङ् आल्सा खेःनाङः। ओहाङःकोः तोङ्ह्ओ मान्तालम्मा धर्मा स्यान्ओमयःमा ताङ्ह्ओ पुरोहीत्लम्इमा ङाकायः आन लीह्सीःतो जाङ्ह्ती लोनेः सात्लेःनाःताङः। सात्सापाय् सात्ताङःतो सुम्दीन् पुत्आक्तीको ङा उह्ती च्योक्लेःनाङः” त दाय्ह्ती येसुइ लोनेः स्याव्सा कुरालेः स्यान्ती तोआथास
दोह् हायःती दाय्ह्सा बाप्तीस्मा बयःओ युहनाइ वाङ्ती नीङ्कायः ‘मान्ता गत हायःती पेतो वाह्सा’ त छ्यानःतेःइतो ओउःकायः नीङ्इ ङ्हाम्तेःनीली। नीङ्खेइ ङ्हाम्तेःनीली ओउः पैसा जेःओलम्मा रन्दीलम्इमा ओउःकायः ङ्हाम्ती ओउःमयःकोः रेव्ओ ल्हुङ् फेती वाय्ती लोने पेतो हायःआकानी। इमा च्यवःआक्तीको नीङ्इपाय् ल्हुङ् द्यान्ह्ती ङ्हाम्तेःनीली।
ओउःत खेःया इ कुरा पेतो चीःती सायःनु दा। नीङ् इस्राएल्कोः मान्तालम्इ क्ल्याय्ओ सीङःहाङः सात्ओ नासरेत् गाव्सै वाङ्ओ येसुपाय् ओउःकायःलेः परमेस्वर्इ च्योक्ताक्आथै। ओउः येसु ख्रीस्कोः मय्ङ् पेह्ती झ्यान्ते इ ङ्हा क्ल्योय्बाङ् खेःओ मान्तापाय् द्याह् नीङ्कःहाङः पेतो सेलःलेः चीङ्ती मुनाः।
परमेस्वर्कोः कुरा छ्यानःती तोओ मान्तालम्पाय् सुकायःमा नीङ्कोः आय्कानः तोकानःलम्इ आन रेव्तो जाङ्ह्ती गम्आथास। सुसुइलो ‘लौ लोन्ह्ते परमेस्वर्कोः कुरा पेओ जय्कुमःतो जाङ्ह्ओ ख्रीस् त तोसा वाङ्नाः’ त थोल्ह्ती तोआकानी ओउःकायःलेःमा नीङ्कोः आय्कानः तोकानःलम्इ सात्आकानी रैस। ओउःमयःलो लेखालेः नीङ्लम्इमा ओउः ख्रीस्कायः अरुलम्कःताङ् दाक्ती सात्ताक्तेःआकानी बा।
ကြော်ငြာတွေ