मत्ती 16:8 - चेपाङ

⁸ ओउःमयः नोःकाय्ओ कुरा येसुइ चीःती “नीङ् ङ्‌हाम्‌चोःचाक्‌मयः दोह् हायःतीतेः ‘लौ ङीइ लाङ् वानःतय्‍ह्‌नीली त खेःओ ओउःतलेः तोआताङी’ त दाय्‍ह्‌ती नोःकाय्‌तेःनै। ओउःपाय् खेःल बा।

मत्ती 16:8 ပူးပေါင်းရင်းမြစ်များ

मत्ती 14:31

पत्रुस् गोःओ कुस्‌ब्रक्‌त येसुइ क्रुत् प्‍योती ओउःकायः चुम्आथै “लौ नाङ् ङ्‌हाम्‌चोःचाक्‌तेः खेःतेःनाः दोह् हायःतीतेः पेतो ङ्‌हाम्‌तेःचीली” त दाय्‍ह्‌ती येसुइ व्‍हत्आथै।

मत्ती 16:7

“लौ ङीइ लाङ्‌पाय् वानःतय्‍ह्‌नीली त खेःओ ओउःइ ओउःतलेः तोआताङी” त दाय्‍ह्‌ती येसुकुस् वाह्ओमयः लयःमयःकुस् नोःकाय्आकाय्।

मत्ती 6:30

नीङ् मान्‍तालम्‌खेकायः परमेस्‍वर्‌इ जुगाङ् न्‍हाङ्‌तोलेः बयःतेःनै बा। दोह् हायःतीतेः पेतो ङ्‌हाम्‌तेःधाङ्‌तेःनीली। नीङ् ङ्‌हाम्‌चोःचाक्‌तेः इ। पेतोलेः ङ्‌हाम्‌नु दा।

मत्ती 8:26

येसुपाय् च्‍योक्‌ती “लौ नीङ्इ दोह् हायःतीतेः ङाकायःतेः पेतो ङ्‌हाम्‌माःत इतलेः रैतेःनै नीङ् ङ्‌हाम्‌चोःचाक्‌तेः इ” त दाय्‍ह्‌ती येसुइ तोती ओहाङःसै चीङ्‌ती ओउः मारुःकायःमा तीःकायःमा गानाक्‌ती तोआकान्। तीः मारुःकायः गानाक्‌ती तोआक्‌तीको आन पेतो एवेङ्‌त स्‍याव्आ

मर्‌कस् 16:14

फेरी लोन्‍तेसै येसु ओउः एघारजन लयः छ्युङ्‌ह्ओमयःकःताङ् आम्‍ह् जेःओ बेलाहाङः थाआ। थातोक्‌हाङः ओउःमयः ङ्‌हाम्‌मालो चाक्ओ ल्‍हुङ् स्‍याव्‌ती झ्‍यान्‍ते ओउःइ जान्आथास।

युहना 16:30

‘नाङ्इ मान्‍ताकोः ल्‍हुङ्‌कोः कुरामा सबै कुरामा चीःती झ्‍यान्‍ते सुइमा नाङ्‌कायः व्‍हत्‌सा परइली’ त ङीइ द्याह् चीःनाङःसु ओउःत हायःती नाङ्‌पाय् ‘दोङ्‌सीलेः परमेस्‍वर्‌कःसै वाङ्ओतेःआः’ त ङीइ ङ्‌हाम्‌नाङःसु” त दाय्‍ह्‌ती येसुकुस् वाह्ओमयःइ तोआथै।

हेब्रैनी 4:13

सबै कुरा ल्‍हुङ्‌तुक्‌कोः कुरामा दोह् खेःयामा परमेस्‍वर्‌सै नुस्‌ती गम्‌सा खाय्‌ल बा। जापीनःती न्‍यास्ओ थोक्‌लम्‌पाय् सबै ओउःकोः मीक्‌हाङः ल्‍हाःतीलेः मुनाः। ओउःकायःपाय् ङीइ जाङ्‌ह्ओ काम्‌लम् सबै घोती ल्‍हाक्‌सा खेःनाःतय्‍ही।

प्रकाश 2:23

ओउःकोः कुरा ग्‍याती सायःओलम्‌कायःमा सात्‌लेःनाङःसु। ओहाङःसै ङाइ सबै मान्‍ताकोः ल्‍हुङ्‌तुक् योती चीःलेःनाङः त सबै ङ्‌हाम्ओलम्‌कायः छ्यानःलेःनाङःसु। सबैकायः लःलयः जोक्‌कायः ओउःमयःकोः काम् जाङ्‌ह्‌झ्‍याङ्‌कायः बयःलेःनाङः बा। पेओकायः पेओ रेव्ओकायः रेव्ओ बयःलेःनाङःसु।