मत्ती 16:26 - चेपाङ

²⁶ माः रैस यात्‌चाक्इ ल्‍हाव्‍ह्‌दैबाङ्‌कोः सबै दोःसाकायः लयःकोः जीङः वाय्‌तो स्‍याव्‌नाः त खेःया ओउः मान्‍तालेः सामान्‌पाय् आह्रे दोःओ ह बा। लयःकोः जीङःपाय् मान्‍ता लेःसा जुगाङ् दोःल दोह् खेःयामा बयःती लेःसा दोःल।

मत्ती 16:26 ပူးပေါင်းရင်းမြစ်များ

मत्ती 16:25

सुसुखे ङाकोः काम् जाङ्‌ह्‌सा थेङालेः ‘लौ इ ङा झाक्ओ कुरा फेसामा ग्‍याङल ङा सीसामा ग्‍याङल’ त म्‍हर्‌चै ओउःलेः लोन्‍ते सीती वाय्‌तो स्‍याव्आनै। सुसुखे ङाकोः काम् जाङ्‌ह्‌सा थेङा सीबत्‌नाःताङः ओउःलेः लोन्‍ते रौ जीङः दोःनै।

मत्ती 16:27

ओउः वाङ्‌सा खेःओ दीन्‌हाङः ओउः मान्‍ताकोः चोः त तोओपाय् परमेस्‍वर्‌ आपालो लेखा अङ्‌ग थङ्‌ग त ताङ्‌ह्‌तोलेः ल्‍होक्ओमयःकुस् वाङ्‌नै। वाङ्आक्‌तीको मान्‍ता मान्‍ताकायः पेपेओ जाङ्‌ह्ओलम्‌खेकायः पेतो जाङ्‌ह्‌झ्‍याङ्‌कायः बयःनौ रेव्ओ जाङ्‌ह्ओलम्‌खेकायः पेमालो बयःनौ

मत्ती 5:29

लौ नाङ्‌कोः मीक्इ नाङ्‌कायः रेव्‌तो जाङ्‌ह्‌ताक्‌तेःचाः त खेःया ओउः मीक्‌पाय् त्‍युत्‌ती वाय्‌सा पेनाः। दोह् हायःती दाय्‍ह्‌सा नाङ् दोम्‌क्रुत्‌मा मीक्‌मा वेन्‍ह्‌माःत गोबाङ् ताती वाय्ओसै यात्‌ज्‍योः मीक् ह वेन्‍ह्‌ती वाय्आक्‌तीको दल्‌तो मुसा पेलेःनाः बा।

लुका 12:20

‘लौ नाङ् जुगाङ् चीःमालो मान्‍तातेःआः बा। द्याह्‌मयःलेः नाङ्‌कोः जीङःपाय् द्योक्‌लेःनाः। जीङः द्योक्‌ती सीआक्‌तीको नाङ्इ सेती गम्ओ थोक्‌लम्‌पाय् अरुलेः दोःनै बा’ त दाय्‍ह्‌ती परमेस्‍वर्‌इ ओउः साहु मान्‍ताकायः तोआथै।

लुका 16:25

‘लौ चोः नाङ्‌खेपाय् ल्‍हाव्‍ह्‌दैबाङ्‌हाङः मुतोक्‌हाङः पेपेओ थोक्‌लम् दोःतेःआ ओउःतोक् बेलाहाङः इ लाजरुस्‌खेपाय् रेव्‌तो थोक्‌लम् ह दोःआ इत नाङ्इ चीःतेःनौ। द्याह्‌पाय् ओउःखे पेतोलेः स्‍याव्‌नाः नाङ्‌खेपाय् लीह्‌सीःओ च्‍यवःतेःनौ।

लुका 9:25

माः रैस यात्‌चाक्इ ल्‍हाव्‍ह्‌दैबाङ्‌कोः सबै दोःसाकायः लयःकोः जीङः वाय्‌तोलेः स्‍याव्‌नाः त खेःया ओउः मान्‍तापाय् दोह् पेतो स्‍याव्‌चाः र आह्रे दोःओआः बा।