मत्ती 16:25 - चेपाङ

²⁵ सुसुखे ङाकोः काम् जाङ्‌ह्‌सा थेङालेः ‘लौ इ ङा झाक्ओ कुरा फेसामा ग्‍याङल ङा सीसामा ग्‍याङल’ त म्‍हर्‌चै ओउःलेः लोन्‍ते सीती वाय्‌तो स्‍याव्आनै। सुसुखे ङाकोः काम् जाङ्‌ह्‌सा थेङा सीबत्‌नाःताङः ओउःलेः लोन्‍ते रौ जीङः दोःनै।

मत्ती 16:25 ပူးပေါင်းရင်းမြစ်များ

मत्ती 10:39

सुसुखे इ ल्‍हाव्‍ह्‌दैबाङ्‌कोः जीङः सेती गम्‌सा म्‍हर्‌नै ओउःकोः लाङ्‌काकोः जीङः म्‍हीत्ओ स्‍याव्‌नाः सुसुखे ङाकोः काम् जाङ्‌ह्‌ती इ ल्‍हाव्‍ह्‌दैबाङ्‌कोः जीङः मीह्‌ताक्‌चानी ओउःखे लाङ्‌काकोः जीङः दोःनै।

मत्ती 16:26

माः रैस यात्‌चाक्इ ल्‍हाव्‍ह्‌दैबाङ्‌कोः सबै दोःसाकायः लयःकोः जीङः वाय्‌तो स्‍याव्‌नाः त खेःया ओउः मान्‍तालेः सामान्‌पाय् आह्रे दोःओ ह बा। लयःकोः जीङःपाय् मान्‍ता लेःसा जुगाङ् दोःल दोह् खेःयामा बयःती लेःसा दोःल।

मर्‌कस् 8:35

सुसुखे ङाकोः काम् जाङ्‌ह्‌सा थेङालेः ‘लौ ङा झाक्ओ कुरा फेसामा ग्‍याङल ङा सीसामा ग्‍याङल’ त म्‍हर्‌चै ओउःलेः लोनेः सीती वाय्‌तो स्‍याव्‌लेःनै। सुसुखे ङाकोः काम् जाङ्‌ह्‌सा थेङा सीबत्‌नाःताङः ओउःपाय् रौ जीङः दोःलेःनै।

लुका 17:33

सुसुखे ङाकोः काम् जाङ्‌ह्‌साकायः ‘लौ ङा झाक्ओ कुरापाय् फेसामा ग्‍याङल ङा सीसामा ग्‍याङल’ त म्‍हर्‌चै ओउःलेः लोने सीती वाय्‌सालेः स्‍याव्‌नै। सुसुखे ङाकोः काम् जाङ्‌ह्‌साकायः सीबत्‌नाःताङः ओउःलेः लोनेः रौ जीङः दोःलेःनै।

युहना 12:25

इतलेः सुखेलो लयःकोः जीङः राप्‌चानी ओउःकोः जीङः वाय्‌तो स्‍याव्‌चाः सुखे इ ल्‍हाव्‍ह्‌दैबाङ्‌हाङः दोःओ जीङः राप्‌नीली ओउःपाय् गलमा वाय्‌मालो रौ जीङः दोःनै।

प्रकाश 12:11

ङीकोः पुःचोङ् हौचोङ्‌लम्इपाय् भेदाकोः चोःकोः वयःइमा ओउःकोः कुरा छ्यानःतीमा सैतान्‌कायः क्‍लीमःआकानी। ख्रीस्‌कोः कुरा छ्यानःसाकायः ‘लौ सीसामा ग्‍यालेःनाङी’ त दाय्‍ह्‌तीलेः नोःआकाय्।