मत्ती 16:19 - चेपाङ

¹⁹ नाङ्‌कायः ङाइ लाङ्‌काकोः फोल्‌सा खाय्ओ सान्‍चो बयःतेःनाः दोह् दोह् ल्‍हाव्‍ह्‌दैबाङ्‌हाङः नाङ्इ पानःतेःनौ ओउःलेः लाङ्‌काहाङः पानःओ लेःआः। दोह् दोह् ल्‍हाव्‍ह्‌दैबाङ्‌हाङः नाङ्इ फेन्‌तेःनौ ओउःलेः लाङ्‌काहाङः फेन्ओ लेःआः” त येसु दाय्‍ह्‌ती तोआथै।

मत्ती 16:19 ပူးပေါင်းရင်းမြစ်များ

मत्ती 18:18

दोङ्‌सी दाय्‍ह्‌भनाङ् दोह् दोह् ल्‍हाव्‍ह्‌दैबाङ्‌हाङः नीङ्इ पानःतेःनानी ओउःलेः लाङ्‌काहाङः पानःओ लेःआः। दोह् दोह् ल्‍हाव्‍ह्‌दैबाङ्‌हाङः नीङ्इ फेन्‌तेःनानी ओउःलेः लाङ्‌काहाङः फेन्ओ लेःआः।

युहना 20:23

ओहाङःसैको सुसुखेकायःतेः ‘लौ नाङ्‌कोः रेव्‌झ्‍याङ्‌कोः क्‍युम्‍ह्‌ती वाय्ओआः’ त दाय्‍ह्‌तीतेः तोतेःचनै ओउःकोः रेव्‌झ्‍याङ्‌कोः दोङ्‌सीलेः क्‍युम्‍ह्ओ लेःआः। सुसुखेकायः ‘क्‍युम्‍ह्‌ती वाय्‌ल’ त दाय्‍ह्‌तीतेः तोतेःचनै ओउःकोः रेव्‌झ्‍याङ्‌कोः क्‍युम्‍ह्‌माःत मुलेःआ” त दाय्‍ह्‌तीमा येसुइ तोआथास।

खबरदुत 15:7

हुम्‌ती वाङ्आक्‌तीको ओउःमयः तानःकाय्‌ती नोःकाय्‌दा नोःकाय्‌दा नोःकाय्‌दा ओहाङःसैको पत्रुस् चीङ्‌ती “लौ पुःचोङ् हौचोङ्‌य तेह्‌काल परमेस्‍वर्‌इ ङाकायः छीङ्‌ह्‌ती ‘अरु अरु जात्‌लम्‌कायः येसुकोः कुरा ङ्‌हाम्‌ताक्‌साकायः तोउसु’ त ङाकायः तोआताङः। एत नीङ्इ चीःतेःनानी

२ कोरीन्‍थी 2:10

यात्‌चाक्‌कोः रेव्ओ काम् नीङ्इलेः म्‍हेःतेःनानी त खेःया ङाइमा ओउःकोः काम् म्‍हेःलेःनाङः। फेरी यात्‌नीस्‌चाक्‌कायः एत हायःसा परनाः त खेःया ङाइ ख्रीस्‌कोः मीक्‌हाङः ओउःकोः रेव्ओ काम्‌पाय् म्‍हेःतीलेः वाय्‌नाङः। नीङ्‌कायः पेतो स्‍याव्‌ताक्‌सा थेङा एत हायःनेःनाङ्‌स

१ थेसलोनिकि 4:8

सुसु इ कुरा सायःसा ग्‍यामालो मुचनै ओउःपाय् ङी कुरा स्‍यान्ओ मान्‍ताकः एङःमाःत मुओ खेःल ङीकायः लयःकोः ग्‍वालामः बयःओ परमेस्‍वर्‌कःमा एङःमाःत मुनै।

प्रकाश 1:18

ओउः गलकायःमा जीङः नाःओ ङा लेःआः ङ बा। ङ्‌हापाय् सीसापाय् सीलेःङोतो द्याह् योची दा ङा द्याह् गलकायःमा सेलः मुलेःनाङः। ङाइपाय् रीःदोलीकोः धोकाकोः सान्‍चो क्रुत्‌हाङः चुम्‌ती झ्‍यान्‍ते सीताक्‌सामा सेलः स्‍याव्‌ताक्‌सा ग्‍वम् नाःओलेः खेःनाङः” त दाय्‍ह्‌ती ओउःइ तोआताङः।

प्रकाश 11:6

ओहाङःसैको ओउः नीस्‌चाक्‌कायः न्‍याम्‌कायःमा मुस्‌कायःमा त्‍याःसा ग्‍वम् बयःओलेः खेःतो ओउःनीस्इ तीः वासा ताक्‌माःत झ्‍यान्‍ते परमेस्‍वर्‌कोः कुरा छ्यानःती तोओ बेलाहाङःपाय् तीःपाय् दोह्‌मा वाल। फेरी तीः कावःराङ्‌कोः तीःलम् वयः स्‍याव्‌ताक्‌सा ग्‍वम्‌मा ओउःनीस्‌कायः बयःओ लेःआः। ल्‍हाव्‍ह्‌दैबाङ्‌ताङ् सबै खाल्‌कोः रैसीःओ महामारीलम् लयः झाक्ओहाङः ल्‍होक्‌सा ग्‍वम्‌मा ओउःनीस्‌कायः बयःओलेः बा।

प्रकाश 3:7

फीलादेल्‍फीयाहाङः मुओ ङ्‌हाम्ओलम्‌कोः ल्‍होक्ओमयःकायः इत लेखउ दा ‘ओउः दोङ् छय्‍ङ्ओ चाक्‌पाय् दावुद् राजाकोः सान्‍चो नाःओचाक् लेःआः। ओउःइ फोल्ओ धोकापाय् सुइमा राक्‌सामा खाय्‌मानीली। ओउःइ राक्ओ धोकापाय् सुइमा फोल्‌सामा खाय्‌मानीली। ओउःइ तोओ कुरापाय् इलेःआः।

प्रकाश 9:1

ओहाङःसैको यात्‌चाक् अरु ल्‍होक्ओमयःइ ओउःकोः तुरही मुत्आकान्। ओउःकुस् पास् ल्‍होक्ओमयःइ मुत्आकानी। मुत्आक्‌तीको ङाइ योती यात्‌ज्‍योः फेल्‌बाङ्‌सै साःताङ् ग्‍लेःओ कार्‌ च्‍यवःआलाङः। ओउः कार्‌कायः कामःअ नालाकोः सान्‍चो बयःओ खेःतो।