मत्ती 16:16 - चेपाङ

¹⁶ “नाङ्‌पाय् परमेस्‍वर्‌इ तोती गम्ओ ख्रीस् लेःतेःआः ओउः दोङ् जीङः नाःओ परमेस्‍वर्‌कोः चोःलेः” त दाय्‍ह्‌ती पत्रुस् त्‍याङ्आ।

मत्ती 16:16 ပူးပေါင်းရင်းမြစ်များ

मत्ती 1:16

याकुब्‌कोः युसेफ्। युसेफ् त तोओपाय् मरीयम्‌कोः बुधा खेःतो। फेरी मरीयम् त तोओपाय् येसुकोः आमा खेःतो। येसुपाय् परमेस्‍वर्‌कःसै वाङ्‌सा खेःओ ख्रीस् त तोओ लेःआः।

मत्ती 14:33

एत च्‍यवःती ओउः दोङ्‌गाहाङः मुओलम् येसुकायः लुङ्‌ती ताङ्‌ह्‌ताक्आकानी “दोङ्‌सीलेः नाङ्‌पाय् परमेस्‍वर्‌कोः चोः लेःतेःआः” त दाय्‍ह्‌ती दाय्‍ह्आकाय्।

मत्ती 16:15

“ओउःत खेःया नीङ्‌खेइ गतलो तोतेःनानानाङ्‌स” त दाय्‍ह्‌ती येसुइ व्‍हत्‌थासतो

मत्ती 26:63

ओउःपाय् दोह्‌तमा त्‍याङ्‌ल ओउःत झ्‍यान्‍ते “लौ ङीकोः दोङ् परमेस्‍वर्‌कोः मय्‍ङ् पेह्‌ती ङाइ तोनेःनाङ् दोङ्‌सीलेः ओउः ख्रीस् त तोओ परमेस्‍वर्‌कोः चोःपाय् नाङ्‌लेःतेः खेःतेःनाःया त तोची दा” त दाय्‍ह्‌ती ओउः प्रधान् पुरोहीत्इ तोथातो

मत्ती 27:54

ओहाङःसैको ल्‍याङ् वाङ्‌तोक्‌हाङः ओउः सीपाहीलम्‌कोः हवल्‌दार्‌मा अरु ओउःकुस्इ येसुकायः योती मुओलम् इ ग्‍याङ्‌ह्‌सीःओ कुरा च्‍यवःती आन रैती “लौ इ मान्‍तापाय् दोङ्‌सीलेः परमेस्‍वर्‌कोः चोःलेः खेःतो रैस बा” त दाय्‍ह्‌ती दाय्‍ह्आकाय्।

मत्ती 4:3

ओउःत योङ्‌क्राय्‌तोक्‌हाङः ओउः सैतान् लान्‌पाय् थ्‍योन्‍ह्‌ती योलाङ् वाङ्‌ती “लौ नाङ् दोङ्‌सीलेः परमेस्‍वर्‌कोः चोःलेःतेः खेःतेःनाः त खेःया इ बाङ्‌कायः ‘लौ लाङ् थाङ्‌ती स्‍याव्अ’ त दाय्‍ह्‌ती तोउ दा” त दाय्‍ह्‌ती येसुकायः तोथातो

मर्‌कस् 14:61

ओउःपाय् दोह्‌तमा त्‍याङ्‌ल। ओउःत झ्‍यान्‍ते “लौ तोताङी दा ओउः ख्रीस् त तोओ परमेस्‍वर्‌कोः चोःपाय् नाङ्‌लेःतेः खेःतेःनाःया खेःतेःलया” त दाय्‍ह्‌ती ओउः प्रधान् पुरोहीत्इ फेरीलेः व्‍हत्‌थातो

लुका 2:11

लौ दावुद् राजाकोः लयः दोःओ गाव्‌हाङः तेन्‌पाय् यात्‌ज्‍योः गोय्‌चोःचोः ओत्ओ लेःआः। ओउःइ मान्‍तालम्‌कायः ओउःमयःकोः रेव्‌झ्‍याङ्‌कःसै दल्‌ताक्‌लाङ्‌लेः वाङ्ओआः बा। ओउःपाय् परमेस्‍वर्‌इ तोती गम्ओ वाङ्‌सा खेःओ प्रभु ख्रीस् त तोसालेः।

युहना 1:49

“अहै गुरुय नाङ्‌पाय् परमेस्‍वर्‌कोः चोः लेःतेःआः बा इस्राएल्‌कोः राजालेः” त दाय्‍ह्‌ती नथानएल् दाय्‍ह्आ।

युहना 11:27

“माः रैस ओउः ल्‍हाव्‍ह्‌दैबाङ्‌हाङः वाङ्‌सा खेःओ ख्रीस्‌लेः परमेस्‍वर्‌कोः चोः लेःतेःआः इत तोओ ङाइ ङ्‌हाम्‌नेःनाङ्” त दाय्‍ह्‌ती मार्‌था त्‍याङ्आ।

युहना 20:31

दोह् दोह् इहाङः लेखती मुनाः “येसुपाय् ओउः वाङ्‌सा खेःओ ख्रीस् लेःआः परमेस्‍वर्‌कोः चोः” त छ्यानःती नीङ्‌कायः ङ्‌हाम्‌ताक्‌साकायः लेखओ मुनाः। ओहाङःसैको ङ्‌हाम्आक्‌तीको रौ जीङःतेः दोःतेःनै।

युहना 6:57

ङाकायःपाय् ओउः जीङः नाःओ आपाइ ल्‍होक्‌ती जीङः दोःताक्आताङः ओउःलो लेखा ङाकायः जेःओलम्‌पाय् ङाइ जीङः दोःताक्‌नाङःसु।

युहना 6:68

“खेःल है अरु सुकःताङ् आल्‌चाङी र। नाङ्इ ह जीङः दोःताक्‌सा कुरा नोःतेःनाः।

युहना 6:69

ओउः कुरा ङ्‌हाम्‌ती ‘नाङ्‌पाय् परमेस्‍वर्‌कोः लयःकोः जय्‌कुमःत मुओ चाक्‌लेःतेः खेःतेःनाः’ त ङीइ तय्‍ह्‌ती चीःनाङःसु” त दाय्‍ह्‌ती पत्रुस् त्‍याङ्आ।

खबरदुत 14:15

“नीङ्इ दोह् हायःसा बोङःतेःनानाङ्‌स। नीचीमा नीङ्‌लो लेखा मान्‍ता लेःआः ङच द्यव्‌तापाय् खेःङचल बा। ‘इ आह्रे मनःओ थोक्‌लम् फेती ओउः जीङः नाःओ फेल्‌बाङ् ल्‍हाव्‍ह्‌दैबाङ्‌मा साः तीःमा ओहाङः मुओलम्‌कायःमा जाङ्‌ह्ओ परमेस्‍वर्‌कायः झाह्‌ती फुस्‌ती तोनु’ त दाय्‍ह्‌ती इ पेओ समचार्‌ तोलाङ् वाङ्ओआः ङच बा।

खबरदुत 8:36

ओहाङःसैको एत स्‍यान्‌ती नोःतोक्‌हाङःपाय् ल्‍याम्‌हाङः आल्‌दा आल्‌दा तीःहाङः दाह्आकाच। तीःहाङः दाह्‌ती “लौ इहाङः तीः मुनाः। ङाकायः बाप्‍तीस्‍मा जाङ्‌ह्‌सा स्‍याव्‌नाः यादो” त दाय्‍ह्‌ती ओउः मन्‍तरी दाय्‍ह्आ।

खबरदुत 8:37

“नाङ् ल्‍हुङ्‌हाङः पेतो ङ्‌हाम्‌नौ त खेःया बाप्‍तीस्‍मा त्‍याक्‌सा स्‍याव्‌नाः” त दाय्‍ह्‌ती फीलीप् त्‍याङ्आ। “स्‍याव्आनाः येसु ख्रीस् त तोओ परमेस्‍वर्‌कोः चोः लेःआः एत ङ्‌हाम्‌नाङः बा” त दाय्‍ह्‌ती ओउः मन्‍तरी दाय्‍ह्आ।

खबरदुत 9:20

ओउःमयःकुस् मुतोक् बेलाहाङः सावुल्‌पाय् थनःओ कीम्‌लम्‌हाङः येसुकोः कुरा नोःलाङ् आल्आ। “येसु त तोओपाय् परमेस्‍वर्‌कोः गोय्‌चोःचोः लेःआः बा” त दाय्‍ह्‌ती नोःती मुओ खेःतो।

रोमी 1:4

ओउःपाय् परमेस्‍वर्‌कोः चोः लेःआः त छ्यानःसाकायः सीआक्‌तीको ओउःकायःपाय् ओउः छय्‍ङ्ओ ग्‍वालामःइ आन ग्‍वम्इ उह्‌ती च्‍योक्‌ताक्आथै।

२ कोरीन्‍थी 1:19

दोह् हायःती दाय्‍ह्‌सा ङाइमा सील्‌भानस् तीमोथीमा नीङ्‌कःहाङः थोल्‍ह्‌ती तोओ परमेस्‍वर्‌कोः चोः येसु ख्रीस्‌कोः कुरापाय् ब्रेह्‌ती नोःओ कुरा खेःबाय्‌ल ओउःपाय् सबैलेः परमेस्‍वर्‌कोः दोङ् कुरा लेःआः बा

२ कोरीन्‍थी 3:3

इ चेतीपाय् ख्रीस्इलेः लेखती ङीकुस्इ ल्‍होक्आकान् एतलेः ङीइ जाङ्‌ह्ओ काम्‌पाय् “पेओलेः” त सबैइ चीःसा खाय्‌नानी। फेरी ओउः चेतीपाय् कागत्‌हाङः मसीइ लेखओ खेःल बाङ्‌कोः पाथालःहाङः वरःती लेखओ खेःल ओउः जीङः नाःओ परमेस्‍वर्‌कोः ग्‍वालामःइ मान्‍ताकोः ल्‍हुङ्‌हाङः लेखओआः बा।

२ कोरीन्‍थी 6:16

परमेस्‍वर्‌कोः मन्‍दीर्‌हाङः मुर्‌तीलम् मुसा दोःइली। ङीपाय् ओउः दोङ् जीङः नाःओ परमेस्‍वर्‌कोः मन्‍दीर्‌ लेःआः तय्‍ही। “ङापाय् लयःकोः मान्‍तालम्‌कुस् याक्‌मानाङः ओउःमयःकुस् वाह्‌मानाङः। ओउःमयःकोः परमेस्‍वर्‌ ङालेः स्‍याव्‌नाङः ओउःमयः ङाकोः मान्‍तालेः स्‍याव्‌नै” त दाय्‍ह्‌ती परमेस्‍वर्‌ दाय्‍ह्आ।

१ थेसलोनिकि 1:9

“पावुल् वाङ्‌तोक्‌हाङः ओउः थेसालोनीकाहाङः मुओलम्इ ओउःकायः पेतो रोम्आथै। ओहाङःसैको द्यव्‌ताकोः काम् फेती ओउः दोङ् जीङः नाःओ परमेस्‍वर्‌कोः काम् जाङ्‌ह्‌माआकानी।

१ तीमोथी 3:15

खेःल ङा रेन्‍ह्‌तोलेः वाङ्‌सा दोःङल त खेःया इ चेतीकोः कुरा पह्रआक्‌तीको परमेस्‍वर्‌कोः चोःयाङ्‌लम् त तोओ ङ्‌हाम्ओमयःकःहाङः “गत हायःसा पेलेःनाः” त चीःसा खाय्‌तेःनानी। माः रैस ओउः जीङः नाःओ परमेस्‍वर्‌कोः ङ्‌हाम्ओमयःकःहाङः ओउःकोः दोङ् कुरा सेती गम्ओ लेःआः।

१ तीमोथी 4:10

ङी परमेस्‍वर्‌कोः काम् आन त्‍युस्‌तीलेः जाङ्‌ह्‌धै मुनाङी दोह् हायःती दाय्‍ह्‌सा ङीइ ओउः दोङ् जीङः नाःओ परमेस्‍वर्‌कायः झाह्‌ती ल्‍युङ्‌ह्‌ती ङ्‌हाम्‌नाःतय्‍ह्‌नी ओउःपाय् सबै मान्‍ताकायः दल्‌ताक्‌नाःथास। माः रैस ओउः ङ्‌हाम्ओलम्‌कायः ओउः न्‍हाङ्‌तोलेः दल्‌ताक्‌नाःथास।

हेब्रैनी 10:31

दोङ्‌सीलेः मान्‍ताकायः ओउः जीङः नाःओ परमेस्‍वर्‌इ न्‍युम्‍ह्‌ताक्‌नौ त खेःया आन रैसीःओ लेःआः बा।

हेब्रैनी 12:22

ओउःमयःलम्‌खे ओउःत युमःसीःओ सीनाय् बुम्‌ताङ् वाङ्ओ खेःइतो नीङ्‌खे ओउः सीओन् त तोओ बुम्‌ताङ् वाङ्‌तेःआकाय्। ओउः बुम्‌पाय् ओउः जीङः नाःओ परमेस्‍वर्‌कोः सहर्‌ “लाङ्‌काकोः यरुसालेम्” त तोओ सहर्‌लेः खेःनाः बा। ओहाङः आन नाःतो परमेस्‍वर्‌कोः ल्‍होक्ओमयः चोङाय्‌तीलेः हुम्‌ती मुनै।

हेब्रैनी 3:12

लौ पुःचोङ् हौचोङ्‌य घीःती मुन दा उया यात्‌नीस्‌चाक्इ रेव्ओ ङ्‌हाम्‌मालो ल्‍हुङ् दोःती ओउः जीङः नाःओ परमेस्‍वर्‌कायः फेतेःचानी यादो।

हेब्रैनी 9:14

गुच्‍युक् न्‍हाङ्‌तोलेः ख्रीस्‌कोः वयःइपाय् ङीकोः ल्‍हुङ्‌तुक्‌खे छय्‍ङ्‌ताक्‌सा खाय्‌नौ बा। ओउः जुगाङ् नीङ्‌तो ख्रीस्इपाय् परमेस्‍वर्‌कोः गलकायः मुओ ग्‍वालामःकोः ग्‍वम् दोःती लयःकोः आङ्‌लेः परमेस्‍वर्‌कायः ल्‍हाआकास। ओहाङःसै ख्रीस्‌कोः वयःइ ङीकायः आह्रे जवओ काम्‌लम् फेताक्‌नाःतय्‍ही ओउःत हायःती ङीइ ओउः जीङः नाःओ परमेस्‍वर्‌कायः काम् जाङ्‌ह्‌सा खाय्‌नाःतय्‍ह्‌नी।

१ युहना 4:15

सुसुइ “लौ येसुपाय् परमेस्‍वर्‌कोः चोः लेःआः” त दाय्‍ह्‌ती तोनानी ओउःकुस्‌लेः परमेस्‍वर्‌ मुनाः ओउःलेः परमेस्‍वर्‌कुस् मुनै।

१ युहना 5:20

फेरी परमेस्‍वर्‌कोः चोः वाङ्‌ती ङीकायः व्‍हाय्‌ताक्आतय्‍ही ओहाङःसै ङीइ दोङ् परमेस्‍वर्‌कायः तय्‍ह्‌सा खाय्‌नाःतय्‍ह्‌नी। ओउःतलेः चीःनाःतय्‍ह्‌नी फेरी ङीपाय् ओउः दोङ् परमेस्‍वर्‌कुस्‌लेः ओउःकोः चोः येसु ख्रीस्‌कुस् मुनाःतय्‍ही। ओउःपाय् दोङ् परमेस्‍वर्‌ लेःआः ओउःइ गलमा द्युम्‌मालो रौ जीङः बयःनौ बा।

प्रकाश 7:2

ओहाङःसैको यात्‌चाक् अरु ल्‍होक्ओमयः च्‍यवःआलाङः। ओउःपाय् ओउः जीङः नाःओ परमेस्‍वर्‌कोः छाप् लात्‌ती दाह्‌न्‍याम्‌सै लन्‍ह्‌ती वाङ्आ। ओउःपाय् ओउः चार्‌ दोवाहाङः मुओ ल्‍हाव्‍ह्‌दैबाङ्‌कायःमा द्युम्‌मालो तीःकायःमा वाय्‌सा ग्‍वम् दोःओ ल्‍होक्ओमयःकायःपाय् सोतोलेः गोःआथास।