मत्ती 15:28 - चेपाङ

²⁸ “लौ उया ङाकायः आन पेतोतेः ङ्‌हाम्‌तेःआची। नाङ्‌कोः ङ्‌हाम्‌झ्‍याङ्‌कायः नाङ् ङ्‌हा तेओ कुरा ङाइ द्याह् बयःनेःनाङ्” त दाय्‍ह्‌ती येसुइ तोआथै। तोआक्‌तीको ओउःइ तोओकुस् ब्रक्‌तलेः ओउः मोमःचोःकोः चोःद्याङ् सेलः स्‍याव्आ।

मत्ती 15:28 ပူးပေါင်းရင်းမြစ်များ

मत्ती 14:31

पत्रुस् गोःओ कुस्‌ब्रक्‌त येसुइ क्रुत् प्‍योती ओउःकायः चुम्आथै “लौ नाङ् ङ्‌हाम्‌चोःचाक्‌तेः खेःतेःनाः दोह् हायःतीतेः पेतो ङ्‌हाम्‌तेःचीली” त दाय्‍ह्‌ती येसुइ व्‍हत्आथै।

मत्ती 15:27

“माः प्रभुय स्‍याव्‌सापाय् स्‍याव्‌मालो लेःआः कुयःइपाय् हौलम्इ रेस्ओ य्‍हुन्‍ह्‌लेः जेःसा खाय्‌नौ” त दाय्‍ह्‌ती ओउः मोमःचोः त्‍याङ्आ।

मत्ती 8:10

ओउः हाकीम्इ तोओ कुरा येसुइ ग्‍याङ्‌ह्‌तीलेः सायःआकान्। “दोङ्‌सीलेः इ रोमी देस्‌कोः मान्‍ताइ ङाकायः आन ङ्‌हाम्‌नाःताङः बा ओउःच्‍युक् ङ्‌हाम्ओ मान्‍ता इस्राएल् देस्‌कोः यहुदी मान्‍तालम्‌कःगन ङाइ गलमा क्रुस्‌धाङ्‌ल” त दाय्‍ह्‌ती येसुइ ओउःकुस् वाह्ओलम्‌कायः तोआकान्।

मत्ती 8:13

एत तोआक्‌तीको ओउः सीपाहीकःताङ् ल्‍हेःती “लौ आल्अ दा। गतलो नाङ्इ ङ्‌हाम्‌तेःआकान् ओउःतलेः स्‍याव्‌पाः” त दाय्‍ह्‌ती येसुइ तोथातो ओउः बेलाहाङःसैपाय् ओउः सीपाहीकोः नोकरी सेलः स्‍याव्आ।

मत्ती 9:22

ओउःत नाय् दीन्‍ह्‌तोक्‌हाङः येसुइ ल्‍हेःती ओउःकायः च्‍यवःती “लौ हौद्याङ् ल्‍हुङ् धोमाय्‌तोलेः पाय्‍ह्अ। ङाकायः ङ्‌हाम्‌तेःआची बा ओउःत झ्‍यान्‍ते नाङ् सेलः स्‍याव्‌तेःनाः” त दाय्‍ह्‌ती येसुइ तोआथै। तोआक्‌तीको ओउः मोमःचोः ओउःत तोओहाङःसै सेलः स्‍याव्‌ती पाय्‍ह्आ।

मर्‌कस् 5:34

ओउः छ्यान्‍ह्आक्‌तीको “अ हौद्याङ् ङाकायःतेः पेतोतेः ङ्‌हाम्‌तेःआची ओउःत झ्‍यान्‍ते स्‍याक्‌तेःपाः लौ सेलः स्‍याव्‌ती ल्‍हुङ् धोमाय्‌ती पाय्‍ह्अ” त दाय्‍ह्‌ती येसुइ तोआथै।

लुका 17:5

ओउःत सायःआक्‌तीको “लौ ङीकायः न्‍हाङ्‌तोलेः पेतो ङ्‌हाम्‌ताक्‌ताङी दा” त दाय्‍ह्‌ती प्रभु येसुकोः ल्‍होक्ओमयः ओउःकः तेआकाय्।

लुका 7:50

येसुइ ओउः मोमःचोःकायः “लौ ङाकायःतेः पेतोलेः ङ्‌हाम्‌तेःआची ओउःत झ्‍यान्‍ते नाङ् दल्‌लेःतेःनाः। ल्‍हुङ् धोमाय्‌तोलेः पाय्‍ह्अ दा” त दाय्‍ह्‌ती तोआथै।

लुका 7:9

ओउः हाकीम्इ तोओ कुरापाय् येसुइ ग्‍याङ्‌ह्‌तीलेः सायःआकान्। “ओउः रोमी देस्‌कोः मान्‍ताइ ङाकायः आन ङ्‌हाम्आताङः बा। ओउःच्‍युक् ङ्‌हाम्ओ मान्‍तापाय् ङाइ गाःहाङः खेःयामा क्रुस्‌धाङ्‌ङल। माः रैस इस्राएल् देस्‌कोः यहुदी मान्‍तालम्‌कःगनमा गलमा क्रुस्‌धाङ्‌ङल” त दाय्‍ह्‌ती येसुइ ओउःकुस् वाह्ओमयःकःताङ् ल्‍हेःती तोआथास।

२ थेसलोनिकि 1:3

लौ पुःचोङ् हौचोङ्‌य नीङ्इ ङ्‌हाम्‌सापाय् न्‍हाङ्‌तोलेःतेः ङ्‌हाम्‌तेःनानी। लयःमयःकायः राप्‌सापाय् न्‍हाङ्‌तोलेःतेः राप्‌काय्‌तेःनै ओउःत झ्‍यान्‍ते ङीइ परमेस्‍वर्‌कायः गलमा “च्‍युता” त तोसा खेःनाङी।