16 “नीङ्इमा चीःतेःनीली यादो।
लौ इ कुरा चीःतेःआकानीया चीःतेःधाङ्तेःइलीया” त दाय्ह्ती येसुइ लयःकुस् वाह्ओमयःकायः व्हत्आकान् “माः चीःआलाङःसु” त दाय्ह्ती त्याङ्आकाय्।
ओउःमयःकायः एत तोआथास अरु अरु हुम्ओ मान्तालम्कायः गोत्ती वानःती “लौ इ कुरा जुदालेः चीःतीतेः सायःतेःतेःनाङ्स दा।
ओउःत दाय्ह्आक्तीको “लौ नाङ्इ मेस् तोओ तुक्कोः कुराकोः माने दोह्लो त तोताङी दै” त दाय्ह्ती पत्रुस्इ तोथातो
दोह् दोह् जेःगालम् मान्ताइ जेःनीतो ओउःलेः मान्ताकोः दोङ् ल्हुङ्खेहाङः पोक्माःत तुक्पुन्खेहाङः पोक्लेःनाः पोक्आक्तीको ग्ल्युङ्ह्ती ओत्ती वाय्ओआः बा।
मेस्लोहाङः फरीसीमा सादुकीकोः लाङ् त्याक्तेःचानी त दाय्ह्ती तोतोक्हाङः ङाइ दोङ् जेःसा लाङ्कोः कुरा तोङल बा दोह् हायःतीतेः चीःतेःधाङ्तेःनीली। फरीसीमा सादुकीकोः लाङ् फेताक्सा ओखोत् त्याक्तेःचानी” त दाय्ह्ती येसुइ तोआथास।
नीङ्इ ङाकोः कुरा पेतो चीःतेःधाङ्तेःनीली। अनम्ह्कोः पास्केरः लाङ् पास् हजार् मान्तालम्कायः दोल्कावःती बयःओ कुरालेः म्हेःतेःआकानी यादो। बयःआक्तीको गुच्युक् धाकर्कायः ब्लीङ्तो कातेःआकानी ओउःमा नीङ्इ म्हेःतेःआकानी यादो।
ओउःमयः “गतलाङःकोः सायःआतय्ही” त म्हर्ती मेस्लो लाङ् वेःओ ग्याङ्ह्राय् सुलोइ जाङ्ह्ओ त पेतो चीःआक्नीली ओउःमयःकोः ल्हुङ् व्हक्मालो त खेःओ चीःसा खाय्नीली।
“लौ नीङ्इमा चीःतेःनीली यादो। दोह् दोह् जेःगालो मान्ताइ जेःनीतो ओउःलेः मान्ताकोः दोङ् ल्हुङ्हाङः पोक्माःत तुक्पुन्हाङःलेः पोक्आक्तीको ग्ल्युङ्ह्ती ओहाङःसै ओत्ती वाय्ओआः।
ओउःकुस् वाह्ओमयःइ ओउःकोः स्यान्राय्कोः माने पेतो तय्ह्आक्नीली फेरी “इ कुराकोः माने दोह्लो। ङीकायः दोह् स्याव्चाः” त रैती म्हर्ती येसुकायः ओउः स्यान्राय्कोः माने “दोह्लो” त व्हत्सा ग्याइली।
ओउःइ तोओ कुरापाय् ओउः बारजनइ तय्ह्सा खाय्नीली। ओउः कुराकोः माने ओउःमयःकायः दोःताक्थासल ओउःत झ्यान्ते चीःसा खाय्नीली।
येसुइ परमेस्वर्कोः आखरःहाङः लेखओ कुरापाय् फेरीलेः छ्यानःती चीःताक्आथास।
ओउःइ स्यान्ओ कुराकोः माने पेतो तय्ह्आक्नीली ओउः कुराकोः मानेपाय् चीःताक्मासा थेङा ओउःमयःकायः छ्यान्ह्ल। ओउःमयःकायः छ्यान्ह्मालो खेःतो ओउःमयःइ “इ कुराकोः माने दोह्लो” त दाय्ह्ओ ओउःकुस् वाह्ओमयःइ रैती झ्यान्ते व्हत्सामा ग्याइली।
द्याह्पाय् नीङ्इ अरुकायः स्यान्ती खाय्सा खेःतेःइतो। खेःल नीङ्कायःलेः अरुइ परमेस्वर्कोः दोङ् तुङःकोः कुरालेः कोदीङःती स्यान्सा खेःधाङ्तेःनै मीओ चोःलो लेखालेः नीङ्इ दुत् तुनःसालेः खेःधाङ्तेःनै मायः जेःसा खाय्धाङ्तेःनीली।
