मत्ती 14:23 - चेपाङ

²³ सबै पाय्‍ह्आक्‌तीको येसु स्‍यालुङ्‌ताङ् परमेस्‍वर्‌कायः तोलाङ् लन्‍ह्आ। ओहाङःसैको न्‍याम् ब्‍लक्‌ती ज्‍याल्ओहाङः येसुखे स्‍यालुङ्‌हाङः लयः झुङ्आले मुओ खेःतो

मत्ती 14:23 ပူးပေါင်းရင်းမြစ်များ

मत्ती 26:36

ओहाङःसैको गेत्‍समनी त तोओ राङ्‌ताङ् दाह्‌ती वाङ्आकाय्। ओहाङः दाह्‌ती वाङ्‌ती “लौ इहाङः च्‍युङःती मुन ङाइ ओहाङः आल्‌ती परमेस्‍वर्‌कायः तोच्‍युक्‌हाङः” त दाय्‍ह्‌ती येसुइ लयःकुस् वाह्ओमयःकायः तोआथास।

मत्ती 6:6

नीङ्‌खेइ परमेस्‍वर्‌कायः तोओ बेलाहाङः लयःकोः कीम्‌हाङः पोक्‌ती धोका राक्आक्‌तीको अरुइ चीःताक्‌माःत ओउःकायः तोनु दा। ओहाङःसैको नीङ्‌कोः परमेस्‍वर्‌ आपाइ चीःती झ्‍यान्‍ते नाङ्‌कायः बयःतेःनै।

मर्‌कस् 1:35

ओहाङःसैको ओनम्‌कोः स्‍याङ्‌ह्‌लोहाङः न्‍याम् दाह्‌धाङ्‌माःच्‍युक्‌हाङः येसु च्‍योक्‌ती लयःझुङ्आले कीम्‌सै ग्‍ल्‍युङ्‌ह्‌ती चीङःचाङःत खेःओ मान्‍ता नाःमालोताङ् आल्‌ती परमेस्‍वर्‌कायः तोती मुआ।

मर्‌कस् 6:46

सबै पाय्‍ह्‌लाङ् ल्‍होक्आक्‌तीको येसु स्‍यालुङ्‌ताङ् परमेस्‍वर्‌कायः तोलाङ् लन्‍ह्आ।

लुका 3:21

ओहाङःसैको याक्‌गार्‌सीःमालो बेलाङ् मुधाङ्‌तोक्‌हाङः युहनाइ अरु मान्‍तालम्‌कायः बाप्‍तीस्‍मा जाङ्‌ह्आक्‌तीको येसुकायःमा बाप्‍तीस्‍मा बयःआकान्।

लुका 5:16

ओउःमयः आन हुम्‌ती वाङ्‌ती झ्‍यान्‍ते बेला बेलाहाङः येसु मान्‍ता नाःमालो बेलाङ् आल्‌ती परमेस्‍वर्‌कायः तेती तोओ खेःतो।

लुका 6:12

ओहाङःसैको इत स्‍यान्‌ती तोओ काम् जाङ्‌ह्‌नम् दीन्‌लम्‌हाङः येसुपाय् परमेस्‍वर्‌कायः तेती तोसा थेङा स्‍यालुङ्‌ताङ् लन्‍ह्‌ती आल्आ। ओहाङः आल्आक्‌तीको येसुइ न्‍हीदीङ्‌मा याह्‌दीङ्‌मा परमेस्‍वर्‌कायः तेतीलेः तोआकान्।

लुका 9:18

ओहाङःसैको यात्‌दीन्‌हाङः येसु लयःकुस्‌लेः परमेस्‍वर्‌कायः तोतोक् बेलाहाङः ओउःकुस् वाह्ओमयः वाङ्आकाय्। ओउःकःताङ् वाङ्आक्‌तीको येसुइ याज्‍योः कुरा व्‍हत्आथास “लौ ङाकायःपाय् मान्‍तालम्इ गत नोःनै ती। ‘इपाय् सुलो’ त व्‍हत्‌तोक्‌हाङः गत गत त्‍याङ्‌नै” त दाय्‍ह्‌ती येसुइ ओउःकुस् वाह्ओमयःकायः व्‍हत्आकान्

लुका 9:28

ओउःत तोआथास ओहाङःसैको यात् सात पुत्आक्‌तीको पत्रुस्‌मा याकुब् युहना नीस्‌पुःचाःमा ओउः सुम्‌चाक्‌कायः येसुइ लात्‌ती आलःती परमेस्‍वर्‌कायः तोसा थेङा स्‍यालुङ्‌कोः च्‍योःताङ् लनःआथास।

खबरदुत 6:4

ङीखेइ परमेस्‍वर्‌कः तेती तोओमा ओउःकोः कुरा स्‍यान्‌ती तोओ काम्‌मा जाङ्‌ह्‌नाङःसु” त दाय्‍ह्‌ती ओउः बारजनइ तोआकानी।