मत्ती 13:47 - चेपाङ

⁴⁷ फेरी परमेस्‍वर्‌कोः राजीपाय् ताङ्‌ह्ओ ङाः सात्‌साः लाङःलो लेखा लेःआः। ओउः लाङःपाय् तीःहाङः वार्‌आक्‌तीको सबै खाल्‌कोः ङाः ङायःनौ।

मत्ती 13:47 ပူးပေါင်းရင်းမြစ်များ

मत्ती 13:44

फेरी परमेस्‍वर्‌कोः राजी पाम्‍ह्‌ती गम्ओ चान्‍दी पैसालो लेखा लेःआः। यात्‌चाक्इ ओउः पैसापाय् राङ्‌हाङः च्‍यवःआकान्। च्‍यवःती फेरी नुस्‌ती गम्आक्‌तीको ओउःइ चोङाय्‌तोलेः पाय्‍ह्‌ती ओउःकोः माल्‌ताल् सबै वीनःती ओउः पैसा मुओ राङ् लेःनौ।

मत्ती 13:46

ओहाङःसैको बोङःदा बोङःदा यात्‌ज्‍योः सबैसै पेओ मोती च्‍यवःआक्‌तीको ओउः साहु पाय्‍ह्‌ती लयःकोः माल्‌ताल् सबै वीनःती ओउः पेओ मोती लेःआकान्।

मत्ती 13:48

ओहाङःसैको लाङः ब्‍लीङ्आक्‌तीको साःताङ् वानःती पेपेओ ङाःलम्‌खे देकालाक्‌हाङः कानीतो पेमालोलम्‌खे ताती वाय्‌नानी।

मत्ती 4:19

ओहाङःसै ओउःनीस्‌कायः च्‍यवःआक्‌तीको “लौ नीङ्‌जी ङाकुस् वाङ्‌ज। ङाकुस् वाङ्आक्‌तीको नीङ्‌जीइ लाङः वार्‌मामाःत ङाइ तोओ पेओ समचार्‌ वार्‌ती ङाकःताङ् मान्‍तालम् वानःतेःनाःजु” त दाय्‍ह्‌ती येसुइ तोथाचतो

मर्‌कस् 1:17

ओहाङःसैको च्‍यवःआक्‌तीको “लौ नीङ्‌जी ङाकुस् वाङ्‌ज। ङाकुस् वाङ्आक्‌तीको नीङ्‌जीइ लाङःलम्‌खे वार्‌ओ फेती ङाइ तोओ पेओ समचार्‌खे वार्‌ती ङाकःताङ् मान्‍तालम् वानःतेःनाःजु” त दाय्‍ह्‌ती येसुइ तोथाचतो

लुका 5:10

ओउःमयः ग्‍याङ्‌ह्‌तीमा रैतीमा मुती झ्‍यान्‍ते “लौ रैतेःचनै। द्याह्‌हाङःसैकोः नीङ्इ लाङः वार्‌ती ङाः सात्ओ काम् फेती ङाकोः पेओ कुरा वार्‌ती ङाकःताङ् मान्‍तालम् वानःतेःनानी” त दाय्‍ह्‌ती प्रभु येसुइ सीमोन्‌कायः तोआकान्।

युहना 15:2

जुदा ङाकोः सायःमालो केङ्‌कालम्‌खे ओउःइ ह्राह्‌ती वाय्‌नौ सायःओलम्‌खे ओउःइ न्‍हाङ्‌तो सायःताक्‌साकायः त्‍यङ्‌ह्‌नौ।

युहना 15:6

सुखे ङाकःहाङः मुइली पेमालो केङ्‌कालो लेखा ओउःलेः ताती वाय्‌तो स्‍याव्‌नाः लोने झ्‍यार्‌आक्‌तीको ओउः केङ्‌कापाय् त्‍युम्‍ह्‌ती म्‍हेःहाङः तुस्‌ती वाय्‌नाः।

खबरदुत 20:30

नीङ् मान्‍तालम्‌कःहाङःमा लोने यात् नीस्‌चाक्इ पेओ काम् फेती माःती तोओ कुरा स्‍यान्‌ती अरु ङ्‌हाम्ओलम्‌कायः उन्‍चुलावःसा बोङःनाःथास।

१ कोरीन्‍थी 11:19

ओउःत वेङ्‌काय्ओपाय् स्‍याव्‌सा खेःसापाय् खेःलेःनाः दोह् हायःती दाय्‍ह्‌सा परमेस्‍वर्‌कायः म्रोताक्ओलम् “सुलो” त छ्यानःसाकायः अरुकःसै एत वेङ्‌काय्‌सा खेःतो यादो।

२ कोरीन्‍थी 11:26

ङा नाःतोलेः ब्‍याह्‌ती वाह्आलाङः बा तीःलम्‌हाङःमा सीखेःझुङ्‌ङोतो दाकुलम्इमा आन सात्‌खेःझुङ्‌ताङःतो लयःकोः मान्‍तालम्इमा थे देस्‌कोः मान्‍तालम्इमा ङाकायः आन सात्‌सा बोङःझुङ्‌ताङःतो। सहर्‌हाङःमा बन्‌बन्‌हाङःमा द्युम्‌मालो समुन्‍द्र तीःहाङःमा पेमालो साथीलम्‌कुस्इ वाह्ओमा आन सीखेःझुङ्आलाङः बा।

प्रकाश 3:1

सार्‌दीस्‌हाङः मुओ ङ्‌हाम्ओलम्‌कोः ल्‍होक्ओमयःकायः इत लेखउ दा। ‘परमेस्‍वर्‌कोः सात्‌गोता ग्‍वालामः नाःओ सात्‌गोता कार्‌ नाःओचाक्इ तोओ कुरापाय् इलेःआः। दोह् दोह्‌तेः हायःतेःनौ ओउःत ङाइ चीःलेःनेःनाङ्। नाङ्‌कायःपाय् “पेतो सेलः मुलेःनाः” त दाय्‍ह्‌ती तोओ कुरा मुलेःनाः बुरु नाङ्‌पाय् सीओ लेःतेःआः बा।