मत्ती 13:39
29 ပူးပေါင်းရင်းမြစ်များ
ओहाङःसै अरु मान्तालम्खेइमा परमेस्वर्कोः कुरा सायःती ओउःकोः काम् जाङ्ह्आक्नीतो लोने लयः झाक्ओ काम्कायः रुःओ ल्हुङ् वाङ्नाः पैसा क्युसा बोङःओ ल्हुङ्मा लीङ्हायःओ ल्हुङ्मा वाङ्नाः त खेःयाकायः परमेस्वर्कोः काम् जाङ्ह्सा लोने ग्याइली। इलो खेःओ मान्तालम्खे चुःराङ्हाङः दीह्ओ यार्ती वाय्ओ सायःसा खाय्मालो बीयालो लेखा मुनै।
ओहाङःसैको आल्ती ओउः जैथुन्सायः बुम्ताङ् दाह्ती वाङ्आकाय्। ओहाङः दाह्ती वाङ्ती येसु लयःझुङ्आले च्युङःती मुतोक्हाङः ओउःकुस् वाह्ओमयः वाङ्ती “लौ नाङ्इ मेस् तोओ मन्दीर् ह्र्योङ्ती वाय्सा कुरापाय् गलखा स्याव्नाः आने ओहाङःसै नाङ् द्यान्ह्ती वाङ्सा दीन्मा ल्हाव्ह्दैबाङ्कोः द्युम्सा दीन्मा वाङ्खेःओ गत हायःती ङीइ ङ्हासै तय्ह्चाङःसु” त दाय्ह्ती व्हत्थातो
ज्युङ्ह्तोलेः वाङ्याकायः त खेःयाकायः ल्हाव्ह्दैबाङ् जाङ्ह्तोक्हाङःसैकोः ख्रीस्पाय् ज्युङ्ह्तोलेः लीह्सीःओ गोरःचाः खेःतो ओउःत हायःओ खेःल। द्याह् इ ल्हाव्ह्दैबाङ् द्युम्खेःओ दीन्लम्हाङः ख्रीस्पाय् सबैकोः रेव्ओ काम्लम् क्युम्ह्ती वाय्साकायः यातै पेन्ह्कायः लयःकोः आङ् ल्हालाङ् वाङ्आ।
मीन्ह्काय्लाङ् वाङ्तोक्हाङः ओउः तीःसै थाओकायःमा ओउःकुस् वाह्ओ माःओ कुरा छ्यानःती तोओचाक्कायःमा चुम्आकानी। ङ्हापाय् ओउः माःती तोओइपाय् ग्याङ्ह्राय् जाङ्ह्ती ओउः तीःसै थाओकोः चीन्ह आङ्हाङः नाःओलम्कायःमा ओउःकोः मुर्तीकायः मानओलम्कायःमा ब्रःताक्ती थ्योन्ह्ओ खेःतो। ओहाङःसैको चुम्आक्तीको ओउः तीःसै थाओमा ओउः माःती तोओमा ओउःनीस्पाय् सेलः मुतोक्हाङः म्हेः ल्युङ्ओ गन्धक् नाःओ दुम्हान्हाङः तोस्ती वाय्ओ खेःचतो।
ကြော်ငြာတွေ