मत्ती 12:26 - चेपाङ

²⁶ इःलो लेखालेः ओउः लान्‌कोः राजा लयःमयःकुस् काय्‌काय्‌ती ल्‍हेस्‌ताक्‌चौ त खेःया ओउःकोः राजीपाय् वाय्‌तो स्‍याव्‌नाः।

मत्ती 12:26 ပူးပေါင်းရင်းမြစ်များ

मत्ती 13:19

कोय् बीया चोया ल्‍याम्‌हाङः दीह्आ दीह्आक्‌तीको वाः वाङ्‌ती ओउः बीयाकायः सेक्‌ती जेःनानी इलो लेखा कोय् मान्‍तालम्‌खेइ परमेस्‍वर्‌कोः राजीकोः कुरा सायःनीतो सायःआक्‌तीको ल्‍हुङ्‌हाङः पेतो चीःनीली ओहाङःसैको सैतान् त तोओ वाःलो लेखा वाङ्‌ती ओउः मान्‍ताकोः ल्‍हुङ्‌सै परमेस्‍वर्‌कोः पेओ कुरा सेक्‌ती आलःनौ।

मत्ती 4:10

“लौ आल्अ नाङ् सैतान्‌पाय्। ‘नाङ्इ परमेस्‍वर्‌कायः झुङ्आले बाःती झाह्‌ती स्‍यवसा खेःनाः। ओउःकोः काम् ह जाङ्‌ह्उ दा’ तमा आखरःहाङः लेखती मुनाः” त दाय्‍ह्‌ती येसु त्‍याङ्आ।

मत्ती 9:34

ओउः फरीसीलम्‌खे “येसुपाय् लान्‌कोः राजाइ बास्ओआः त खेःओ लान्इ ल्‍हेस्‌सा खाय्‌नौ” त दाय्‍ह्‌ती नोःआकाय्।

युहना 12:31

लौ इ ल्‍हाव्‍ह्‌दैबाङ्‌कोः मान्‍तालम्‌कायः तय्‌छनःती योसा बेला वाङ्आ। ओउःमयःकोः सैतान् राजाखे द्याह् क्‍लाःती ल्‍होक्‌नाःथै।

युहना 14:30

द्याह्‌हाङःसै ङा नीङ्‌कः नाःतो नोःसा नोःङल इ ल्‍हाव्‍ह्‌दैबाङ्‌कोः सैतान् राजा त तोओ वाङ्‌खेःनाः। वाङ्‌सापाय् वाङ्‌लेःनाः ङा झाक्‌माःत ओउःइ ङाकायः दोह्‌मा हायःसा खाय्‌ताङःल वाय्‌सामा खाय्‌ताङःल।

युहना 16:11

ओहाङःसै इ ल्‍हाव्‍ह्‌दैबाङ्‌कोः सैतान् राजा न्‍युम्‍ह्‌ताक्ओहाङः रेव्‌झ्‍याङ्‌कोः न्‍युम्‍ह्ओपाय् दोह्‌लो तमा छ्यानःनाःथास।

२ कोरीन्‍थी 4:4

दोह् हायःती दाय्‍ह्‌सा ओउःमयःइ ल्‍हुङ्‌हाङः चीःती ङ्‌हाम्‌साकायः इ ल्‍हाव्‍ह्‌दैबाङ्‌कोः सैतान् राजाइ ताक्‌थासल। ओउःत खेःओ ओउः परमेस्‍वर्‌लो लेखा ताङ्‌ह्ओ ख्रीस्‌कोः पेओ समचार्‌पाय् ओउः मान्‍तालम्इमा चीःसा खाय्‌नीली ओउः पेओ कुराइमा ओउःमयःकोः ल्‍हुङ्‌हाङः थोङ्‌ताक्‌सा दोःल।

कोलसी 1:13

ङीकायःपाय् परमेस्‍वर्‌इ पेमालो च्‍याक्ओ राजीहाङःसै दल्‌ताक्‌ती लयःकोः ल्‍हुङ् गोरे चोःकोः राजीहाङः वानःती पोक्‌ताक्आतय्‍ही।

१ युहना 5:19

ङीखे परमेस्‍वर्‌कोः लेःआः तय्‍ही अरु ल्‍हाव्‍ह्‌दैबाङ्‌कोः मान्‍तालम्‌खे सैतान्‌कोः काम् जाङ्‌ह्‌तीलेः वाह्‌धै मुनै ओउःतलेः चीःनाःतय्‍ह्‌नी।

प्रकाश 12:9

ओउः ताङ्‌ह्ओ रुपाय् लान्‌कोः राजा सैतान् त तोओलेः ओउःपाय् सबै ल्‍हाव्‍ह्‌दैबाङ्‌हाङः मुओलम्‌कायः माःती थ्‍योन्‍ह्ओ काम् जाङ्‌ह्आकान्। क्‍लीमःतोक्‌हाङः ओउःकायःमा सबै ओउःकुस् वाह्ओ ल्‍होक्ओमयःकायःमा ल्‍हाव्‍ह्‌दैबाङ्‌ताङ् क्‍लाःओ खेःइतो।

प्रकाश 16:10

ओहाङःसैको प्‍लैज्‍योः वाङ्आक्‌तीको यात्‌ज्‍योः अरु ल्‍होक्ओमयः वाङ्‌ती ओउःकोः माना ओउः तीःसै थाओकोः राजा च्‍युङःसा थाव्‌हाङः ल्‍हुक्आकान्। ओउःत ल्‍हुक्आक्‌तीको ओउःकोः राजी जुगाङ् च्‍याक्‌तोलेः स्‍याव्आ। मान्‍तालम् ओउःच्‍युक् जीक्‌ती झ्‍यान्‍ते ओउःमयःइ सय्‍क् ङ्‌हीक्आकायःइसी।

प्रकाश 9:11

ओउःमयःकोः राजापाय् कामःअ नालाकोः ल्‍होक्ओमयःलेः। हेब्रैनी भासाहाङः ओउः राजापाय् “अबादोन्” एलेनी भासाहाङः “अपोलीयोन्” त तोओलेः ओउः मय्‍ङ्‌कोः मानेपाय् “ह्र्योङःती वाय्‌ताक्ओ लेःआः” त तोओलेः।