मत्ती 12:17 - चेपाङ

¹⁷ एत हायःती ओउःइ उय्‍ह्‌लेकोः एसायाइ तोओ कुरा ताप्‌ताक्आकान्।

मत्ती 12:17 ပူးပေါင်းရင်းမြစ်များ

मत्ती 12:16

ओउःकः वाङ्ओ जीक्ओलम्‌कायः येसुइ सबै स्‍याक्‌ताक्आथास। स्‍याक्‌ताक्आक्‌तीको “लौ इ स्‍याक्‌ताक्ओ कुरामा ङा ‘सुलो’ त दाय्‍ह्ओ कुरामा अरुकायः दोह्‌मा दाय्‍ह्‌ती छ्यान्‍ह्‌तेःचानी” त दाय्‍ह्‌ती येसुइ तोआथास।

मत्ती 12:18

“लौ ङाइ छ्युङ्‌ह्ओ आन राप्ओ नोकरी योनु दा। ओउःकः ङा आनलेः म्रोनाङः फेरी ओउःकायः ङाकोः ग्‍वालामःलेः बयःनाङः। ओउःइपाय् ङाकोः तय्‌छनःती योसा कुरालेः सबै जात्‌कोः मान्‍तालम्‌कायः छ्यानःती तोलेःनौ।

मत्ती 13:35

ओउःत हायःती उय्‍ह्‌लेकोः परमेस्‍वर्‌कोः कुरा छ्यानःओ मान्‍ताइ ङ्‌हा तोओ कुरा ताप्‌ताक्आकान् “लौ ङाइपाय् कोदीङःती स्‍यान्‌ती तोनाङःसु। ल्‍हाव्‍ह्‌दैबाङ्‌कोः जाङ्‌ह्ओ दीन्‌सै चीःसा खाय्‌मालो कुरा ङाइ देङे छ्यान्‍ह्‌नाङःसु” त दाय्‍ह्‌ती ओउः मान्‍ता दाय्‍ह्ओ कुरा येसुइ ताप्‌ताक्आकान्।

मत्ती 21:4

इत हायःओलेः यात्‌चाक् उय्‍ह्‌लेकोः परमेस्‍वर्‌कायः चीःओ मान्‍ताइ तोआकान्।

मत्ती 8:17

ओउःत हायःती उय्‍ह्‌लेकोः परमेस्‍वर्‌कोः कुरा छ्यानःओ एसायाइ तोओ कुरापाय् ताप्‌ताक्आकान् “लौ ओउःइपाय् ङीकोः जीक्ओलम् लयःलेः ल्‍हाङःती लात्‌ती आलःती वाय्‌बत्आताङी” त दाय्‍ह्‌ती दाय्‍ह्ओ येसुइ ताप्‌ताक्आकान्।

लुका 21:22

ओउःत स्‍याव्ओ बेलाहाङःपाय् उय्‍ह्‌लेहाङः तोओ परमेस्‍वर्‌कोः आखरःहाङः लेखओ न्‍युम्‍ह्‌तो स्‍याव्‌सा कुरा ताप्‌लेःनाः।

लुका 24:44

ङाः जेःआक्‌तीको “ङा नीङ्‌कुस् ङ्‌हा मुतोक्‌हाङः ‘लौ मोसाइमा परमेस्‍वर्‌कोः कुरा छ्यानःओमयःइमा भजन्‌हाङःमा ङाकायः लेखती तोओ कुरा सबै ताप्‌तो स्‍याव्‌सा खेःतो’ त ङाइ दाय्‍ह्‌ती स्‍यान्‌नेःआलाङ्‌स” त दाय्‍ह्‌ती

युहना 10:35

एतलेः नीङ्‌कोः आखरःहाङः लेखती मुलेःनाः फेरी ओउः आखरःकोः कुरा दोङ् कुरा लेःआः बा। ओउः मान्‍तालम्‌खेकायः ‘लौ नीङ्‌पाय् देवालम् लेःतेःइ’ त परमेस्‍वर्‌इ दाय्‍ह्‌ती तोआकान् माःर।

युहना 12:38

ओउःतलेः परमेस्‍वर्‌कोः आखरःहाङःलेः लेखती मुनाः “लौ प्रभुय ङीइ तोओ कुरा सुइ ङ्‌हाम्‌ती सायःचानी र। नाङ्‌कोः ग्‍वम् सुइ च्‍यवःचानी” त दाय्‍ह्‌ती परमेस्‍वर्‌कोः कुरा छ्यानःओ एसायाइ लेखआकान् ओउःइ लेखओ द्याह् ताप्‌तोलेः स्‍याव्आ।

युहना 19:28

ओहाङःसैको लयःकोः काम् दप्‌खेःआ त चीःती येसुइ आखरःहाङः लेखओ कुरा ताप्‌ताक्‌ती “ङापाय् तीः अप्‌नाङः अ” त दाय्‍ह्‌ती नोःआ।

खबरदुत 13:27

यरुसालेम्‌हाङः मुओ मान्‍तालम्‌मा ओउःमयःकोः ताङ्‌ह्ओ मान्‍तालम्इमा येसु त तोओपाय् ‘ङीकायः दल्‌ताक्‌साकायः वाङ्ओ ख्रीस् लेःआः’ त तय्‍ह्आक्‌नीली। सन्‍चर्‌बार्‌ सन्‍चर्‌बार्‌हाङः परमेस्‍वर्‌कोः कुरा छ्यानःओ मान्‍ताइ लेखओ कुरा पह्रओ खेःतो ओउः कुरामा ओउःमयःइ तय्‍ह्आक्‌नीतो येसुकायः सात्‌ती झ्‍यान्‍ते ओउः परमेस्‍वर्‌कोः आखरःहाङः लेखओ कुरापाय् ताप्‌ताक्आकानी।