ओहाङः वाह्तोक्हाङः येसुकुस् वाह्ओमयःइ योङ्क्राय्ती झ्यान्ते गहुङ्कोः चुय्लम् काव्ह्ती जेःआकानी। ओउःमयःइ चुय् काव्ह्ती जेःओपाय् फरीसीलम्इ च्यवःती ओउःमयः येसुकःताङ् वाङ्ती “लौ योउ दै। इ ङीइ जवओ धोओ दीन्हाङः नाङ्कुस् वाह्ओमयःइ इत चुय् काव्ह्ओ काम्मा अरु दोह् काम्मा जाङ्ह्सा स्याव्ल बा” त दाय्ह्ती तोनीतो
मत्ती 12:10 - चेपाङ10 आल्आक्तीको लोनेकोः धोओ दीन्हाङः येसु यहुदीकोः थनःओ कीम्हाङः पोक्ती वाङ्आ। कीम् पोक्ती वाङ्तोक्हाङः ओहाङः हुम्ती मुओलम्कुस् यात्चाक् क्रुत् स्रीत्ती जीक्ओ मान्ता मुओ खेःतो। ओहाङःसैको यात्नीस् फरीसीलम् मुती “लौ धोओ दीन्हाङः मान्ताकायः स्याक्ताक्सा काम् जाङ्ह्सा स्याव्नाःया स्याव्लया” त दाय्ह्ती येसुकायः व्हत्आथै। “येसु ‘माः स्याव्लेःनाः’ त त्याङ्नाः त खेःया ङीइ ओउःकायः गाल्तुम्ती तोसा खाय्नाङःसु” त दाय्ह्ती फरीसीलम् म्हर्आकाय्। အခန်းကိုကြည့်ပါ။ |
मत्ती 12:10
21 ပူးပေါင်းရင်းမြစ်များ
ओउःत चीःती ओउः फरीसी त तोओलम्इ येसुकायः योती मुओ खेःइतो “लौ इ धोओ दीन्हाङःपाय् जाङ्ह्सा स्याव्मालो त जवती तोओ काम्पाय् जाङ्ह्ती येसुइ ओउः जीक्ओ मान्ताकायः स्याक्ताक्नौया स्याक्ताक्उलुया त योनी। स्याक्ताक्नौ त खेःया ङीइ ओउःकायः गाल्तुम्ती तोसा खाय्नाःतय्ह्नी” त दाय्ह्ती लयःमयःकुस् नोःकाय्ती येसुकायः ल्हुङ् तुक् कुःती योसा बोङःआकानी।
ओउः थनःओ कीम्कोः ताङ्ह्ओ मान्ताखे “धोओ दीन्हाङः मान्ताकायः इत स्याक्ताक्सा स्याव्ल” त म्हर्ती ल्हुङ् मल्ह्तो स्याव्आ। “ङीकायः यात् सातहाङः छगोता काम् जाङ्ह्सा स्याव्ओ दीन्लम् मुलेःनाः। ओउः दीन्लम्हाङः स्याक्ताक्साकायः काःहाल्लाङ् वाङ्न। इ धोओ दीन्हाङः काःहाल्लाङ् वाङ्लाम्” त दाय्ह्ती सबै हुम्ओलम्कायः ओउः ताङ्ह्ओ मान्ताइ जान्ती तोआथास।
पीलातस्कःताङ् वानःआक्तीको ओउःमयःइ येसुकायः गाल्तुम्ती नोःओ बोङःआकानी “इ मान्ताइपाय् ङीकोः इस्राएली मान्तालम्कायः आन पेमालो थ्योन्ह्ती होम्सा बोङःओ खेःतो। ओउःइपाय् ‘सीजर् राजाकायः कर् पैसापाय् पाय्क्लाम्’ त तोती लयःकायःलेः ‘ङापाय् ख्रीस् लेःआः ङ नीङ्कोः राजालेः’ त दाय्ह्ती तोआकास” त दाय्ह्ती ओउः यहुदीकोः ताङ्ह्ओ मान्तालम्इ तुम्ती तोआकानी।
एत सायःआक्तीको “लौ ओउः मान्तापाय् परमेस्वर्कोः धोओ दीन् जवउलु ओउःपाय् परमेस्वर्कःसै खेःल बा” त यात्नीस् फरीसीलम्खे दाय्ह्आकाय् “ओउःत खेःया गत हायःती ओउःलो लेखा रेव्तो जाङ्ह्ओ मान्तापाय् इत ग्याङ्ह्सीःओ काम् जाङ्ह्सा खाय्चौ” त अरु दाय्ह्ती ओउः फरीसीलम् ब्राङ्काय्ती नोःकाय्सा खाय्नीली।
ကြော်ငြာတွေ