मत्ती 11:9 - चेपाङ

⁹ लौ उया दोह् योलाङ् आल्‌तेःआकाय् दाय्‍ह्‌सा परमेस्‍वर्‌कोः कुरा छ्यानःती तोओ मान्‍ताकायः योलाङ् आल्‌तेःआकाय् बा। माः रैस बुरु दोङ्‌सी दाय्‍ह्‌भनाङ् उय्‍ह्‌लेकोः परमेस्‍वर्‌कोः कुरा छ्यानःओमयःसै युहनापाय् ताङ्‌ह्‌लेःनाः बा।

मत्ती 11:9 ပူးပေါင်းရင်းမြစ်များ

मत्ती 11:8

खेःल त खेःया दोह् हायःलाङ् आल्‌तेःआकाय् पेओ दीङ्‌ह्ओ नाय् लावओ मान्‍ता योलाङ् आल्ओ खेःतेःइली ओउःत पेओ नाय् लावओ मान्‍ता योसाकायः राजाकोः दर्‌बाल्‌ताङ् आल्‌सालेः खेःतो।

मत्ती 14:5

झ्‍याल्‍खानहाङः गम्उतो अरु मान्‍तालम्इ “युहना त तोओपाय् पेओ परमेस्‍वर्‌कोः कुरा छ्यानःओ मान्‍ता लेःआः” त दाय्‍ह्‌ती नोःकाय्‌ती झ्‍यान्‍ते ओउःकायः हेरोद्इ सात्‌सा ग्‍याल “ङाकः सबै मान्‍तालम् ल्‍हुङ् मल्‍ह्‌तो स्‍याव्‌चै” त दाय्‍ह्‌ती रैती युहनाकायः सात्आक्उलु।

लुका 1:76

लौ नाङ्‌जा ङाकोः मीओ चोःपाय् नाङ्‌कायःपाय् ‘सबैसै ताङ्‌ह्ओ परमेस्‍वर्‌कोः कुरा छ्यानःती तोओ मान्‍ता लेःआः’ त तोतेःनाः बा दोह् हायःती दाय्‍ह्‌सा प्रभु त तोओकोः ङ्‌हासै वाह्‌ती ओउःकायः रोम्‌ताक्‌साकायः मान्‍तालम्‌कोः ल्‍हुङ्‌लम् ग्‍याताक्‌तेःनौ।

लुका 20:6

खेःल ङीइ ‘मान्‍तालम्इ ल्‍होक्आथै’ त त्‍याङ्‌चाङी त खेःया सबै मान्‍तालम्इ ङीकः ल्‍हुङ् मल्‍ह्‌तो स्‍याव्‌ती ङीकायः बाङ् आप्‌ती सात्‌नाःतय्‍ही यादो। इमयः सबैइलेः ‘युहनापाय् परमेस्‍वर्‌इ ल्‍होक्ओ ओउःकोः कुरा छ्यानःओ मान्‍ता लेःआः’ त ओउःमयःइ ताःनानी” त दाय्‍ह्‌ती लयःमयःकुस् नोःकाय्आक्‌तीको