मत्ती 11:4 - चेपाङ

⁴ “लौ ङाइ जाङ्‌ह्ओ काम्‌लम्‌कोः दोह् दोह्‌लो नीङ्‌जीइ च्‍यवःतेःआकाजु सायःतेःआकाजु ओउःलेः युहनाकायः ल्‍हाक्‌ती छ्यानःलाङ् आल्‌ज दा।

मत्ती 11:4 ပူးပေါင်းရင်းမြစ်များ

मत्ती 11:3

ओउः नीस्‌चाक् येसुकःताङ् वाङ्‌ती “लौ ओउः परमेस्‍वर्‌इ तोती गम्ओ वाङ्‌सा खेःचाक्ओ नाङ्‌लेःतेः खेःतेःनाःया खेःतेःलया। खेःतेःल त खेःयाकायः ङी अरुकायः ल्‍युङ्‌ह्‌ती योसा खेःनाङी” त दाय्‍ह्‌ती व्‍हत्‌थातो

मत्ती 11:5

मीक्इ च्‍यवःआक्‌मालो मान्‍तालम्इ द्याह् च्‍यवःसा खाय्‌नानी क्‍ल्‍योय्‌बाङ् मान्‍तालम्इमा द्याह् पेतो वाह्‌सा खाय्‌नानी कोह्र् चाओलम् द्याह् सेलः मुनै नो लोक्ओलम्इ पेतो सायःसा खाय्‌नानी जुगाङ् सीओलम् उह्‌ती च्‍योक्‌नै ओहाङःसै ह्र्यात् मान्‍तालम्‌कायः परमेस्‍वर्‌कोः पेओ कुरा तोओलेः मुनाः।

मत्ती 15:30

गालील दुम्‌हान्‌ताङ् वाङ्आक्‌तीको नाःतो जीक्ओ मान्‍तालम्‌कायः येसुकःताङ् वानःआकानी। वाह्‌सा खाय्‌मालो मान्‍तालम्‌मा च्‍यवःसा खाय्‌मालोमा नोःसा खाय्‌मालो मान्‍तालम्‌मा सबैकायः वानःती येसुकोः दोम्‌हाङः न्‍यास्आकानी ओउः न्‍यास्‌ती गम्ओ जीक्ओलम्‌कायः येसुइ स्‍याक्‌ताक्आथास।

मत्ती 21:14

ओहाङःसैको एत तोआक्‌तीको मीक् लोक्ओमा दोम् क्‍ल्‍योय्ओलम्‌मा मन्‍दीर्‌हाङः येसुकःताङ् वाङ्इतो ती ओउःमयःकायः येसुइ सबै स्‍याक्‌ताक्आथास।

मत्ती 8:3

ओउःत काःहाल्‌ती तोआक्‌तीको येसुइ क्रुत् प्‍योती ओउः कोह्र् चाओ मान्‍ताकायः झाम्‍ह्‌ती दीन्‍ह्आकान्। क्रुत् दीन्‍ह्‌तोक्‌हाङः “लौ ग्‍यानाङः स्‍याक्‌तेःपाः” त दाय्‍ह्‌ती तोओ कुस्‌ब्रक्‌त ओउः मान्‍ता सेलः स्‍याव्आ।

युहना 14:11

ङा आपाकुस् ब्राङ्‌तोलेः मुनाङः ओउः ङाकुस्‌मा ब्राङ्‌तोलेः मुनाः। ओउःत तोओपाय् ङ्‌हाम्‌नु दा उया ङाइ जाङ्‌ह्ओ पेओ काम्‌लम् लयः मीक्इ च्‍यवःती झ्‍यान्‍ते ङाकायः ङ्‌हाम्‌नाङ्‌स।

युहना 5:36

ङाकायः पाःती तोओ कुराखे युहनाकोः कुरासै ताङ्‌ह्‌लेःनाः बा। ङाइ जाङ्‌ह्ओ काम्‌लम् दप्‌ताक्‌साकायः ङाकोः आपाइ बयःआताङः। ओउः काम्‌लम् च्‍यवःती ङाकायःपाय् ‘परमेस्‍वर्‌इ ल्‍होक्आथै’ त चीःसा खाय्‌तेःनानी।