मत्ती 11:28 - चेपाङ

²⁸ लौ सुइतेः चाक्ओ ह्र्याम्‌सीःओ काम् जाङ्‌ह्‌लेःनानी ङाकःताङ् वाङ्‌चाक्‌न दै वाङ्आक्‌तीको ओउः काम्‌सै ङाइ न्‍यास्‌ताक्‌चेःनाङ्‌स।

मत्ती 11:28 ပူးပေါင်းရင်းမြစ်များ

मत्ती 11:29

ङाकोः काम् जाङ्‌ह्‌सा थेङा ङाकःताङ् स्‍यान्‌लाङ् वाङ्‌न। ङापाय् खह्र्ओमा ज्‍योङःओ ल्‍हुङ्‌कोः मान्‍ता खेःङल ङाइ बयःओ काम् हाःतो लेःआः बा।

मत्ती 23:4

ओउःमयःइ ‘लौ इपाय् ऐन्‌कोः कुरा लेःआः’ त दाय्‍ह्‌ती आन चाक्ओ काम्‌लम् अरुकायः जाङ्‌ह्‌ताक्‌नीतो ओउः काम् जाङ्‌ह्ओलम्‌कायः लव्‍ह्‌ती जाङ्‌ह्‌सा ओउःमयःइ गलमा ग्‍याइली।

युहना 6:37

सुसु ङाकोः आपाइ बयःनाःताङः ओउःलेः ङाकःताङ् वाङ्‌नै। वाङ्आक्‌तीको ओउःकायःलेः ङाइ गल खेःयामा रुनःङुसुलु।

युहना 7:37

एत नोःकाय्‌तोक्‌हाङः ओउः छ्यात्‌कोः द्युम्ओमा ताङ्‌ह्ओ दीन् पुत्आ। ओहाङःसै येसु चीङ्‌ती सबैकायः थोल्‍ह्‌ती तोती “लौ सुसुलो अप्‌चानाः ओउःपाय् ङाकःताङ् तुङ्‌लाङ् वाङ्अ दा।

खबरदुत 15:10

ङी यहुदी मान्‍तालम्इमा ङीकोः आय्‌कानः तोकानःलम्इमा मोसाइ बयःओ ऐन्‌कोः हुकुम्‌लम् पेतो जाङ्‌ह्‌सा खाय्‌तय्‍ह्‌नीली ओउःत झ्‍यान्‍ते दोह् हायःतीतेः इ यहुदी खेःमालो मान्‍तालम्‌कायः मोसाइ बयःओ चाक्ओ हुकुम्‌लम् जाङ्‌ह्‌ताक्‌सा बोङःतेःनानी। ओउःत हायःसा परमेस्‍वर्‌कोः मीक्‌हाङः स्‍याव्‌ल लोल।

खबरदुत 20:35

येसुइ स्‍यान्‌तोक्‌हाङः ‘लौ थोक्‌लम् दोह्‌लम् त्‍याक्ओसै अरुकायः बयःसालेः पेनाः’ त दाय्‍ह्‌ती प्रभु येसुइ लयः स्‍यान्आथास ओउःत झ्‍यान्‍ते ङाइ लयःकोः काम् धुःतीलेः जाङ्‌ह्‌ती ‘अरुकायः बयःती ह्र्यात् मान्‍तालम्‌कायः लव्‍ह्‌काय्‌सा खेःतो’ त छ्यानःनेःआलाङ्‌स” त दाय्‍ह्‌ती पावुल्इ तोआथास।

गालाती 5:1

ऐन्‌कोः काम् जाङ्‌ह्ओसै ख्रीस्इपाय् फेन्‌ताक्आतय्‍ही ओउःत झ्‍यान्‍ते ग्रमःत मुन ऐन्‌कोः नोकरी काम्‌पाय् द्यान्‍ह्‌ती जाङ्‌ह्‌लाम्।

२ थेसलोनिकि 1:7

नीङ् लीह्‌सीःओ गोरःओलम्‌खेकायः प्रभु येसु थाती वाङ्‌सा खेःओ दीन्‌हाङः ओउःइ ङीकुस् ल्‍हुङ् द्युमःतोलेः स्‍याव्‌ताक्‌नाःतय्‍ही। ओउःनम् दीन्‌हाङः प्रभु येसुपाय् लयःकोः ताङ्‌ह्ओ ग्‍वम् नाःओ लाङ्‌कासै ल्‍होक्ओमयःकुस् लाङ्‌कासै थाती वाङ्‌नै।

हेब्रैनी 4:1

ओउःमयःखे पोक्‌सा दोःइली परमेस्‍वर्‌कोः पेतो मुसा राजीहाङः ङीखेकायः “लौ पोक्‌सा दोःओ लेःआः” त ओउःइ तोती गम्आतय्‍ही। ओउःत झ्‍यान्‍ते नीङ्‌कःहाङः “यात्‌नीस्‌चाक् पोक्‌लाङ् दाह्‌साकायः दोःइली यादो” त दाय्‍ह्‌ती ल्‍हुङ् र्‍याङःती झ्‍यान्‍ते ङी घीःती मुसा खेःनाःतय्‍ही।

प्रकाश 22:17

ओहाङःसैको परमेस्‍वर्‌कोः ग्‍वालामःमा ओउः भेदाकोः चोःकोः कमामा “लौ वाङ्अ दा” त दाय्‍ह्‌ती तोनाःचु। ओउः कुरा सायःओलम्‌मा “माः है वाङ्‌चाक्अ दै” तमा सबैइ तोपानी। ओहाङःसै सुसुमा अप्‌लेःनै ओउःपाय् ग्‍यातीलेः वाङ्‌ती ओउः पैसा आःताः त्‍याक्‌माःत सोह् बयःओ जीङः बयःसा तीः त्‍याक्‌पानी।