मत्ती 11:25 - चेपाङ

^25-26 ओहाङःसैको ओउः बेलाहाङः येसुइ परमेस्‍वर्‌ आपाकायः ताङ्‌ह्‌ताक्‌ती तोआकान् “लौ परमेस्‍वर्‌ आपाय नाङ् फेल्‌बाङ् ल्‍हाव्‍ह्‌दैबाङ्‌कोः प्रभुलेः ङाइ तोओ कुरापाय् व्‍हाय्‌तो चीःओ मान्‍तालम्‌कायः छ्यान्‍ह्‌माःत इलो खेःओ मीओलम्‌कायः ह नाङ्इ लयः झाक्‌तीलेः छ्यान्‍ह्‌तेःआकान्।

मत्ती 11:25 ပူးပေါင်းရင်းမြစ်များ

मत्ती 16:17

“लौ योनाह्‌कोः चोः सीमोन् त तोओ नाङ्‌कायः परमेस्‍वर्‌ आन पेतो दोःताक्‌तेःआ बा। नाङ्इ देङी त्‍याङ्ओ कुरा मान्‍तालम्इ स्‍यान्ओ खेःल ङाकोः परमेस्‍वर्‌ आपाइ ह स्‍यान्‌ती बयःओ लेःआः।

मत्ती 21:16

“लौ इ हौलम्इ गोःओ कुरा सायःतेःनौया” त दाय्‍ह्‌ती येसुकायः व्‍हत्‌थातो “सायःसापाय् सायःलेःनाङः नीङ्‌खेइ परमेस्‍वर्‌कोः आखरःहाङः लेखओ कुरा पह्रतेःनीली यादो ‘नाङ्इ मीओ हौलम्‌कायः पेतो लुङ्‌ती तोओ नोःतेःताक्‌तेःआकान्’ त दाय्‍ह्‌ती लेखती मुनाः” त दाय्‍ह्‌ती येसुइ तोआथास।

लुका 22:42

“अ आपाय नाङ् ग्‍यातेःनाः त खेःया इ आन लीःओ भारी ङाकःसै त्‍याक्‌ची दा। इत ङाइ तेती तोलेःनाङ्‌तो ङा झाक्ओखे खेःल नाङ् लयः झाक्ओखे जाङ्‌ह्उ दै” त दाय्‍ह्‌ती तोआकान्।

लुका 23:34

येसुपाय् ओउःकायः योकोःती गम्‌तोक्‌हाङः “लौ परमेस्‍वर्‌ आपाय इ ङाकायः सात्ओ मान्‍तालम्इ ‘ङीइ आन पेमालो हायःनाङःसु’ त चीःनीली ओउःत झ्‍यान्‍ते ओउःमयःकः योनःती योती नाङ्‌कोः ल्‍हुङ्‌पाय् मल्‍ह्‌तो स्‍याव्‌लाम् दै” त दाय्‍ह्‌ती येसुइ परमेस्‍वर्‌कायः तोआकान्। ओउःत तोतोक् बेलाहाङः येसुकोः नाय्‌लम् वेःसाकायः सीपाहीलम्इ बाङ् खेलती योआकानी।

युहना 11:41

ओउः बोमःती गम्ओ बाङ् ल्‍होक्आकानी। बाङ् ल्‍होक्आक्‌तीको येसु लाङ्‌काताङ् त्‍याव्‌ती “लौ आपाय ङाइ तेती तोओ कुरा नाङ्इ ग्‍याती सायःतेःनाःची ओउःत खेःओ ङाइ ‘च्‍युता’ त तोनेःनाङ्।

युहना 12:27

“लौ ङापाय् द्याह् ल्‍हुङ् र्‍याङःआलाङः। द्याह् दोह्‌त तेती तोचाङः र। इ ङाइ लीह्‌सीःओ च्‍यवःसा बेलाहाङः ‘वाङ्‌ताक्‌लाम् आपाय’ त तेती तोचाङःया। खेःल इत लीह्‌सीःओ गोरःलाङ्‌पाय् वाङ्आलाङः बा।

युहना 12:28

लौ उया आपाय नाङ्‌कोः मय्‍ङ् ताङ्‌ह्‌तोलेः स्‍याव्‌पानाः” त दाय्‍ह्‌ती येसुइ परमेस्‍वर्‌कायः तोआकान् तोतोक्‌हाङः लाङ्‌कासै हाव्‌नयः वाङ्आ “लौ ङाकोः मय्‍ङ् ताङ्‌ह्‌तो स्‍याव्‌ताक्आलाङः बा। लोनेः फेरीलेः ताङ्‌ह्‌तो स्‍याव्‌ताक्‌नाङः” त दाय्‍ह्‌ती नोःओ।

खबरदुत 17:24

ओउः फेल्‌बाङ् ल्‍हाव्‍ह्‌दैबाङ् ओहाङः मुओ सबै थोक्‌लम् जाङ्‌ह्ओ परमेस्‍वर्‌लेः ओउःपाय् सबैसै ताङ्‌ह्ओ प्रभु लेःआः। एत ताङ्‌ह्ओ परमेस्‍वर्‌पाय् मान्‍ताकोः क्रुत्इ जाङ्‌ह्ओ थान्‌लम्‌हाङः गलमा याक्‌ल।

१ कोरीन्‍थी 2:10

द्याह् इ कुरापाय् परमेस्‍वर्‌इ लयःकोः ग्‍वालामः ल्‍होक्‌ती ङीकायः छ्यान्‍ह्आतय्‍ही। ओउःकोः ग्‍वालामःइपाय् सबै जोय्‌तीलेः चीःमानौ। माः रैस ओउःइ परमेस्‍वर्‌कोः ल्‍हुङ्‌तुक्‌पाय् जुगाङ् चीःमानौ ओउःत खेःओ परमेस्‍वर्‌कोः ल्‍हुङ्‌कोः कुरा ङीकायः छ्यानःसा खाय्‌लेःनौ।

२ कोरीन्‍थी 3:14

ओउः बेलाहाङःपाय् ओउः इस्राएलीलम् ल्‍हुङ् चाक्‌तो स्‍याव्आकाय् तेन्‌छ्याङ्‌मा ओउः मोसाइ लेखओ आखरःहाङः मुओ ऐन्‌कोः कुरा पह्रओ बेलाहाङःपाय् इस्राएली मान्‍तालम्इ ओउः कुराकोः माने च्‍यवःसामा चीःसामा खाय्‌नीली मीक् खुप्ओ मान्‍तालो लेखा मुलेःनै। मान्‍ताइ ख्रीस्‌कःताङ् वाङ्आक्‌तीको ह चीःसा खाय्‌नानी।