मत्ती 11:18 - चेपाङ

¹⁸ ओउःलो लेखालेः बाप्‍तीस्‍मा बयःओ युहना वाङ्‌ती मुतोक्‌हाङः ओउःइ हान् तुङ्‌माःत उपाङ् काःओ जवती झ्‍यान्‍ते

मत्ती 11:18 ပူးပေါင်းရင်းမြစ်များ

मत्ती 10:25

स्‍यान्ओ मान्‍तापाय् लयःकोः गुरुकुस् घार्‌तोलेः चीःसा ह स्‍याव्‌लेःनाः। काम् जाङ्‌ह्ओ मान्‍तापाय् लयःकोः मालीक्‌कुस् घार्‌तीमा ओउः ह ङोस्आनाः। दोङ्‌सीलेः मान्‍तालम्इ ङा नीङ्‌कोः गुरुकायःपाय् ‘लान्‌कोः राजा लेःआः’ त दाय्‍ह्‌ती तोनाःताङः ओउःत खेःया नीङ् ङाकुस् स्‍यान्ओमयःकायःमा न्‍हाङ्‌तोलेः रेव्‌तो तोतेःनै बा।

मत्ती 11:17

ओउः हौलम्‌पाय् ‘लौ ङीइ बीहा जाङ्‌ह्‌सा बाङ्‌सुली मुत्‌ती साङ्‌ह्‌तोक्‌हाङःमा नीङ्‌पाय् ङीकुस् चोङाय्‌ती स्‍याह्‌सामा ग्‍यातेःइली। ङी सीओकायः क्रेस्‌ती साङ्‌ह्‌तोक्‌हाङःमा नीङ्‌पाय् ङीकुस् र्‍याःसामा ग्‍यातेःजेःतेःइली’ त दाय्‍ह्‌ती ओउः हौलम्इ साथीलम्‌कायः क्‍लुङ्‌ती तोनानी।

मत्ती 3:4

ओहाङःसैको ओउः बाप्‍तीस्‍मा बयःओ युहनापाय् उत्‌स्‍याः मेनःकोः क्‍याह्ओ क्रमःनाय् लावती पाम्‌हाङः छालाकोः पेती तोङःसतो बन्‌कोः तुमः खुदुमा राय्‍क्‌न्‍यामःमा जेःओ खेःतो।

मत्ती 9:34

ओउः फरीसीलम्‌खे “येसुपाय् लान्‌कोः राजाइ बास्ओआः त खेःओ लान्इ ल्‍हेस्‌सा खाय्‌नौ” त दाय्‍ह्‌ती नोःआकाय्।

मर्‌कस् 3:22

फेरी यरुसालेम्‌सै वाङ्ओ धर्‌मा स्‍यान्ओमयःइमा ओउःतलेः नोःआकाय् “लौ इ येसुकायः बाल्‌जीबुल् त तोओ लान्‌कोः राजाइ बास्आथै ओउःत झ्‍यान्‍ते ओउःकोः ग्‍वम्इ येसुइ अरु लान्‌लम्‌कायः ल्‍हेस्‌ती वाय्‌नौ बा” त दाय्‍ह्‌ती तोआकानी।

लुका 1:15

इ मान्‍तापाय् लोने परमेस्‍वर्‌कोः मीक्‌हाङः ताङ्‌ह्‌तोलेः स्‍याव्‌नाः। ओउःइपाय् ङोताक्ओ थोक्‌लम् धाक्‌सायःकोः तीःलम् तुङ्‌सा गलमा स्‍याव्‌ल। ओउःपाय् लयः ओत्ओहाङःसै परमेस्‍वर्‌कोः ग्‍वालामः आन दोःनाः।

युहना 10:20

“लौ ओउःकायःपाय् लान्इ आन ब्रःताक्ओ लेःआः बा। ओउःकोः कुरा सायःलाम्” त यात्‌नीस् दाय्‍ह्‌ती

युहना 7:20

“खेःल नाङ्‌कायः लान्इ ङायःती ब्रःताक्‌तेःनाः बा। सुसुइ नाङ्‌कायः सात्‌सा बोङःतेःचनै र” त दाय्‍ह्‌ती ओउः हुम्‌ती मुओलम् त्‍याङ्आकाय्।

युहना 8:48

“लौ ङीइ दोङ्‌सीलेः ‘नाङ्‌पाय् समारीया देस्‌सै वाङ्ओ स्‍यो लेःतेःआः’ त दाय्‍ह्‌ती तोनेःनाङ्‌सतो ‘नाङ्‌कायः लान्इ ब्रःताक्‌तेःआ’ तमा तोनेःनाङ्‌सतो” त दाय्‍ह्‌ती ओउः यहुदीलम्इ तोआथै।

युहना 8:52

येसुइ ओउःत तोओ सायःआक्‌तीको “लौ द्याह् नाङ्‌कायः ‘लान्इ ब्रःताक्‌तेःआ’ त दोङ्‌सीलेः चीःनेःनाङ्‌सु बा। आब्राहाम्‌मा सीओ लेःआः ओउः परमेस्‍वर्‌कोः कुरा छ्यानःओमयःमा सीओ लेःआः बा। दोह् हायःतीतेः ‘लौ सुसुइ ङाइ तोओ कुराकः ग्‍याती मुचै ओउःलेः गलमा सीतो स्‍याव्इली’ त नाङ्इ तोतेःनौ रैस।

खबरदुत 26:24

पावुल्इ ओउःतलेः तोतोक्‌हाङः “अ पावुल् नाङ् ल्‍हुङ् ब्रःतीलेः तोतेःनाः रैस। नाङ्इ आन नाःतो पह्रसा चीःती झ्‍यान्‍ते ब्रःतेःआ” त दाय्‍ह्‌ती फेस्‍तस् अन्‍चलादीस्इ सोतो गोःती तोआथै।