लुका 9:6 - चेपाङ

⁶ इत तोआक्‌तीको ओउः बारजन आल्‌ती गाव् गाव्‌गन ब्‍याह्‌ती वाह्‌ती गाःहाङः खेःयामा परमेस्‍वर्‌कोः पेओ समचार्‌ तोती छ्यानःमाआकानी जीक्ओलम्‌कायः स्‍याक्‌ताक्‌माआकानी।

लुका 9:6 ပူးပေါင်းရင်းမြစ်များ

मर्‌कस् 16:20

ओहाङःसैको ओउःकुस् वाह्ओमयःपाय् ल्‍हाव्‍ह्‌दैबाङ्‌कोः चार्‌दोवाताङ् थोयःती येसुकोः कुरा थोल्‍ह्‌ती तोआकानी। तोतोक्‌हाङः “इ कुरा दोङ्‌सीःओ कुरा लेःआः” त छ्यानःसाकायः परमेस्‍वर्‌इ ताङ्‌ह्ओ ग्‍याङ्‌ह्‌राय् जाङ्‌ह्‌ताक्आथास।

लुका 8:1

ओहाङःसैको लोनेः येसु सहर्‌ सहर्‌गनमा गाव् गाव्‌गनमा तोमःती वाह्‌ती ओउःइ परमेस्‍वर्‌कोः राजीकोः पेओ कुरा स्‍यान्‌तीमा थोल्‍ह्‌ती तोलाङ् आल्आ। ओउःकुस्‌पाय् येसुकोः बार छ्युङ्‌ह्ओमयःमा यात्‌नीस् लान्इ ङायःआक्‌तीको स्‍याक्ओ मोमःचोःलम्‌मा आल्आकाय्।

खबरदुत 4:30

नाङ्‌कोः काम् जाङ्‌ह्ओ येसुकोः ग्‍वम्इ स्‍याक्‌ताक्ओमा अरु ग्‍याङ्‌ह्‌राय्‌मा जाङ्‌ह्‌ताक्‌ताङी दा” त दाय्‍ह्‌ती सबै येसुकायः ङ्‌हाम्ओ मान्‍तालम्इ ब्राङ्‌ती परमेस्‍वर्‌कायः तेती तोआकानी।

खबरदुत 5:15

ओहाङःसै “येसुकोः छ्युङ्‌ह्ओमयः ग्‍याङ्‌ह्‌राय् जाङ्‌ह्‌नानी” त चीःती जीक्ओ जीक्ओलम् लात्‌ती वानःती पत्रुस् वाह्ओ ल्‍याम्‌हाङः लावः न्‍हाप्‌ती खात्‌गन इस्‌ती “लौ इ जीक्ओलम्‌कःहाङः पत्रुस्‌कोः क्‍वालाङः खेःपाःथास ओहाङःसै इमयः स्‍याक्‌पै” त म्‍हर्‌ती ओउः जीक्ओलम् ल्‍याम्‌हाङः ल्‍हाती गम्आथास।