लुका 9:55 - चेपाङ

⁵⁵ येसुइ ओउःनीस्‌कःताङ् ल्‍हेःती योती “खेःल ओउःपाय् जुगाङ् स्‍याव्‌ल” त दाय्‍ह्‌ती जान्‌तीलेः तोआथाच।

लुका 9:55 ပူးပေါင်းရင်းမြစ်များ

मत्ती 16:23

येसुखे ल्‍हेःती “लौ पाय्‍ह्अ नाङ्इ सैतान्‌कोः कुरा तोती ङाकायः परमेस्‍वर्‌कोः काम् फेताक्‌सा बोङःतेःनाःची दोह् हायःती दाय्‍ह्‌सा नाङ् परमेस्‍वर्‌कोः कुरापाय् म्‍हर्‌माःत मान्‍ताकोः कुरा झुङ्आले म्‍हर्‌तेःनाः” त दाय्‍ह्‌ती पत्रुस्‌कायः जान्आकान्।

मत्ती 26:33

पत्रुस्इ एत तोओ सायःती “खेःल अरुखेइ सबैइ नाङ्‌कायः फेती क्रव्‌नै त खेःयामा ङाखेइपाय् गलमा फेनाङ्‌ल” त दाय्‍ह्‌ती येसुकायः तोआकान्।

मत्ती 26:41

“लौ द्याह् ल्‍युङ्‌ह्‌ती मुन ल्‍युङ्‌ह्‌ती मुतोक्‌हाङः लयःकायः ‘ङीइ रेव्‌तो जाङ्‌ह्‌साकायः ताक्‌तेःचाःताङी’ त परमेस्‍वर्‌कः तेन। ल्‍हुङ्‌हाङः नीङ् ल्‍युङ्‌ह्‌साकायः ग्‍यासातेः ग्‍यातेःनै बा। आङ्‌पाय् ह्र्याम्‌ती झ्‍यान्‍ते नीङ् लेती मुसा खाय्‌तेःनीली” त दाय्‍ह्‌तीमा येसुइ सबैकायः तोआथास।

मत्ती 26:51

यात्‌चाक् येसुकुस् चीङ्‌ती मुओ मान्‍ताइ लयःकोः च्‍युपे प्‍युक्‌ती यात्‌चाक् प्रधान् पुरोहीत्‌कोः नोकरी मान्‍ताकोः नो ग्रेह्‌ती वाय्आकान्।

लुका 9:54

गाव्‌कोः मान्‍तालम्इ येसुकायः त्‍याक्‌सा ग्‍याइली त च्‍यवःती “लौ प्रभुय लाङ्‌कासै ग्‍ल्‍युङ्‌ह्ओ म्‍हेः गोत्‌ती इ समारीयाकोः मान्‍तालम्‌कायः माक्‌ती वाय्‌ताक्‌पाःतय्‍ह्‌नी माःर” त दाय्‍ह्‌ती याकुब् युहना नीस् पुःचाःइ येसुकायः तोचुतो

लुका 9:56

इत तोआक्‌तीको अरु गाव्‌ताङ् आल्आकाय्।

युहना 16:9

दोह् रेव्‌तो दाय्‍ह्‌सा ओउःमयःइ ङाकायः ङ्‌हाम्‌ताङःल ओउःपाय् रेव्‌तो लेःआः त दाय्‍ह्‌ती छ्यानःनाःथास।

याकुब् 3:10

यातैज्‍योः म्‍होतोङ्‌सै “च्‍युता” त तोआ कुरामा प्रनःआ कुरामा नीस्‌ज्‍योः खाल् वाङ्‌नाः। लौ पुःचोङ् हौचोङ्‌य ओउःपाय् स्‍याव्‌ल।

१ पत्रुस् 3:9

अरुइ नीङ्‌कायः पेमालो हायःतेःनै प्रनःतेःनै त खेःया ओउःइ पेमालो हायःओमा प्रनःओमा पाय्‍क्‌तेःचानी। पेमालो द्यानःती पाय्‍क्‌माझ्‍याङ्‌कोः ओउः मान्‍ताकायः पेओ आसीक् बयःनु दोह् हायःती दाय्‍ह्‌सा नीङ्‌कायः परमेस्‍वर्‌इ पेओ आसीक् बयःसाकायः गोत्‌तेःआकाय्।

प्रकाश 3:19

ङाइ राप्ओलम्‌कायः स्‍यान्‌सा थेङा जान्‌मालेःनाङः न्‍युम्‍ह्‌ताक्‌मालेःनाङः ओउःत झ्‍यान्‍ते ल्‍हुङ् द्यान्‍ह्‌ती ङाकोः काम् जुगाङ् म्‍ह्याङ्‌तोलेः जाङ्‌ह्उ।