लुका 9:39 - चेपाङ39 बेला बेलाहाङः पाह्र् पाह्र्लेः ओउःकायः लान्इ ङायःलाङ् वाङ्ती आन हीह्ताक्ती कुयःताक्नाःथै। ओहाङःसैको ङायःतोक्हाङः ओउःकोः म्होतोङ्सै भोप् ग्ल्युङ्ह्लेःनाः ओउःकायः ओउः लान्इ आन जीक्ताक्ती फेसा ग्याल। အခန်းကိုကြည့်ပါ။ |
दोह् हायःती दाय्ह्सा येसुइ “इकायः ल्हेस्ती फेउ” त दाय्ह्ती लान्कायः गानाक्ती तोआकान्। ओउः मान्ताकायःपाय् लान्इ नाःतोलेः आन ब्रःताक्झुङ्आथै। ब्रःओ बेलाहाङः अरुलम्इ ओउःकायः चुम्ती आन साङ्लाइ पानःती गम्सा बोङःनीतो ओउः मान्ताइ साङ्ला तेत्ती वाय्आकान्। वाय्आक्तीको ओउःकायः लान्इ याक्गार्सीःमालो राङ्हाङः रुनःआथै।
नीङ्खे लयः सैतान् आपाकःसै वाङ्ती ओउःकोः मोह्हाय्ओ काम्लम् जाङ्ह्तेःनानी बा। ओउः सैतान्पाय् ङ्हाहाङःसै सात्रेव् खेःतो। ओउःपाय् दोङ् कुरा गलमा झाक्ल ओउःत झ्यान्ते दोङ् कुरा तोती जुगाङ्मा वाह्ल। ओउःपाय् माःरेव् ल्हुङ्तुक् लेःआः बा गलमा माःती तोती वाह्नाः। माः रैस ओउःखे माःरेव्मयःकोः आपा लेःआः।