लुका 9:29 - चेपाङ

²⁹ ओउःहाङः लनःती दाह्आक्‌तीको परमेस्‍वर्‌कायः तोतोक् बेलाहाङः ओउःकोः रुप् ल्‍हेस्‌ती थाङ्‌ती ओउःकोः नाय् आन भाम् फीर्‌लीक्‌त छोओ खेःतो।

लुका 9:29 ပူးပေါင်းရင်းမြစ်များ

मत्ती 17:2

ओहाङः लनःआक्‌तीको येसुकोः रुप् ल्‍हेस्‌ती थाङ्‌ती ओउःकोः खेन्‌पाय् न्‍याम्‌लो लेखा थोङ्आ ओउःकोः नाय् आन भाम् फीर्‌लीक् त छोओ खेःतो।

मर्‌कस् 16:12

ओहाङःसैको लोन्‍तेसै नीस्‌चाक् येसुकुस् वाह्ओमयः गाव्‌ताङ् आल्‌तोक्‌हाङः येसुपाय् थे रुप् स्‍याव्‌ती थाओ च्‍यवःआकाचु

लुका 3:21

ओहाङःसैको याक्‌गार्‌सीःमालो बेलाङ् मुधाङ्‌तोक्‌हाङः युहनाइ अरु मान्‍तालम्‌कायः बाप्‍तीस्‍मा जाङ्‌ह्आक्‌तीको येसुकायःमा बाप्‍तीस्‍मा बयःआकान्।

लुका 5:16

ओउःमयः आन हुम्‌ती वाङ्‌ती झ्‍यान्‍ते बेला बेलाहाङः येसु मान्‍ता नाःमालो बेलाङ् आल्‌ती परमेस्‍वर्‌कायः तेती तोओ खेःतो।

लुका 6:12

ओहाङःसैको इत स्‍यान्‌ती तोओ काम् जाङ्‌ह्‌नम् दीन्‌लम्‌हाङः येसुपाय् परमेस्‍वर्‌कायः तेती तोसा थेङा स्‍यालुङ्‌ताङ् लन्‍ह्‌ती आल्आ। ओहाङः आल्आक्‌तीको येसुइ न्‍हीदीङ्‌मा याह्‌दीङ्‌मा परमेस्‍वर्‌कायः तेतीलेः तोआकान्।

लुका 9:18

ओहाङःसैको यात्‌दीन्‌हाङः येसु लयःकुस्‌लेः परमेस्‍वर्‌कायः तोतोक् बेलाहाङः ओउःकुस् वाह्ओमयः वाङ्आकाय्। ओउःकःताङ् वाङ्आक्‌तीको येसुइ याज्‍योः कुरा व्‍हत्आथास “लौ ङाकायःपाय् मान्‍तालम्इ गत नोःनै ती। ‘इपाय् सुलो’ त व्‍हत्‌तोक्‌हाङः गत गत त्‍याङ्‌नै” त दाय्‍ह्‌ती येसुइ ओउःकुस् वाह्ओमयःकायः व्‍हत्आकान्

लुका 9:30

येसु इत थाङ्‌ती स्‍याव्‌तोक्‌हाङः अरु उय्‍ह्‌लेकोः नीस्‌चाक् मोसामा एलीया त तोओनीस् येसुकुस् नोःकाय्‌लाङ् थाओ खेःतो।

युहना 1:14

ओहाङःसै ओउः नोःराय् त तोओपाय् मान्‍तालेः स्‍याव्‌ती ङीकःहाङः याक्‌ती मुओ खेःतो। ङीकःहाङः याक्‌ती मुतोक्‌हाङः ओउःपाय् दोङ् कुरा स्‍यान्‌ती मान्‍तालम्‌कायः योनःती योती आन बाल्‌ती जाङ्‌ह्आकान्। बेला बेलाहाङः ओउःकायः परमेस्‍वर्‌कोः ल्‍हुङ्‌गोरे चोःलो लेखा अङ्‌ग थङ्‌ग त पेओमा ताङ्‌ह्ओमा च्‍यवःआलाङःसु।

खबरदुत 6:15

एत तुम्‌ती तोआक्‌तीको ओउः सभाहाङः मुओ मान्‍तालम्इ स्‍तीफन्‌कायः सबै योती ओउःकोः खेन्‌पाय् लाङ्‌काकोः लोक्ओमयःलो लेखा स्‍याव्ओ च्‍यवःआकानी।

प्रकाश 20:11

ओहाङःसैको ङाइ ताङ्‌ह्ओ भाम्ओ राजा च्‍युङःसा थाव्‌मा च्‍यवःआलाङः ओहाङः च्‍युङःओचाक्‌मा च्‍यवःआलाङः। ओउःकःसै ल्‍हाव्‍ह्‌दैबाङ्‌मा फेल्‌बाङ्‌मा क्रव्‌ती ज्‍याल्आ। जुगाङ् म्‍हीत्ओलेः खेःतो।