लुका 9:28 - चेपाङ

²⁸ ओउःत तोआथास ओहाङःसैको यात् सात पुत्आक्‌तीको पत्रुस्‌मा याकुब् युहना नीस्‌पुःचाःमा ओउः सुम्‌चाक्‌कायः येसुइ लात्‌ती आलःती परमेस्‍वर्‌कायः तोसा थेङा स्‍यालुङ्‌कोः च्‍योःताङ् लनःआथास।

लुका 9:28 ပူးပေါင်းရင်းမြစ်များ

मत्ती 14:23

सबै पाय्‍ह्आक्‌तीको येसु स्‍यालुङ्‌ताङ् परमेस्‍वर्‌कायः तोलाङ् लन्‍ह्आ। ओहाङःसैको न्‍याम् ब्‍लक्‌ती ज्‍याल्ओहाङः येसुखे स्‍यालुङ्‌हाङः लयः झुङ्आले मुओ खेःतो

मत्ती 5:1

ओहाङःसैको ओउःच्‍युक् नाःतो मान्‍तालम् हुम्‌लाङ् वाङ्ओ च्‍यवःती येसु लयःकोः वाह्ओमयःकुस् स्‍यालुङ्‌हाङः लन्‍ह्आकाय्।

मर्‌कस् 1:35

ओहाङःसैको ओनम्‌कोः स्‍याङ्‌ह्‌लोहाङः न्‍याम् दाह्‌धाङ्‌माःच्‍युक्‌हाङः येसु च्‍योक्‌ती लयःझुङ्आले कीम्‌सै ग्‍ल्‍युङ्‌ह्‌ती चीङःचाङःत खेःओ मान्‍ता नाःमालोताङ् आल्‌ती परमेस्‍वर्‌कायः तोती मुआ।

मर्‌कस् 6:46

सबै पाय्‍ह्‌लाङ् ल्‍होक्आक्‌तीको येसु स्‍यालुङ्‌ताङ् परमेस्‍वर्‌कायः तोलाङ् लन्‍ह्आ।

लुका 3:21

ओहाङःसैको याक्‌गार्‌सीःमालो बेलाङ् मुधाङ्‌तोक्‌हाङः युहनाइ अरु मान्‍तालम्‌कायः बाप्‍तीस्‍मा जाङ्‌ह्आक्‌तीको येसुकायःमा बाप्‍तीस्‍मा बयःआकान्।

लुका 5:16

ओउःमयः आन हुम्‌ती वाङ्‌ती झ्‍यान्‍ते बेला बेलाहाङः येसु मान्‍ता नाःमालो बेलाङ् आल्‌ती परमेस्‍वर्‌कायः तेती तोओ खेःतो।

लुका 6:12

ओहाङःसैको इत स्‍यान्‌ती तोओ काम् जाङ्‌ह्‌नम् दीन्‌लम्‌हाङः येसुपाय् परमेस्‍वर्‌कायः तेती तोसा थेङा स्‍यालुङ्‌ताङ् लन्‍ह्‌ती आल्आ। ओहाङः आल्आक्‌तीको येसुइ न्‍हीदीङ्‌मा याह्‌दीङ्‌मा परमेस्‍वर्‌कायः तेतीलेः तोआकान्।

लुका 8:51

इत तोआक्‌तीको आल्‌ती याय्‌रुस्‌कोः कीम्‌हाङः दाह्‌ती येसुइ ओउःकुस् कीम् पोक्‌साकायः सुकायःमा ताक्उलु ओउः जीक्ओ चोःकोः आमा आपानीस्‌मा पत्रुस् युहना याकुब् इ सुम्‌चाक्‌कायःमा ह ओउःकुस् पोक्‌सा ताक्आकान्।

लुका 9:18

ओहाङःसैको यात्‌दीन्‌हाङः येसु लयःकुस्‌लेः परमेस्‍वर्‌कायः तोतोक् बेलाहाङः ओउःकुस् वाह्ओमयः वाङ्आकाय्। ओउःकःताङ् वाङ्आक्‌तीको येसुइ याज्‍योः कुरा व्‍हत्आथास “लौ ङाकायःपाय् मान्‍तालम्इ गत नोःनै ती। ‘इपाय् सुलो’ त व्‍हत्‌तोक्‌हाङः गत गत त्‍याङ्‌नै” त दाय्‍ह्‌ती येसुइ ओउःकुस् वाह्ओमयःकायः व्‍हत्आकान्

युहना 6:3

ओहाङःसै येसु दाह्‌ती लयःकुस् वाह्ओमयःकुस् यात्‌ज्‍योः बुम्‌हाङः लन्‍ह्‌ती ओहाङः च्‍युङःती मुआकाय्।

२ कोरीन्‍थी 13:1

लौ इकुस्इ द्याह् सुम् पेन्‍ह्‌कायः नीङ्‌कःताङ् वाङ्‌लेःनाङः। परमेस्‍वर्‌कोः आखरःहाङःपाय् “यात्‌चाक्इ अरुकायः गाल्‌तुम्‌ती नोःओ बेलाहाङः अरु नीस्‌सुम्‌चाक्इ ओउः गाल्‌तुम्ओ कुरा चाङःती नोःसा खेःतो” त दाय्‍ह्ओ लेखती मुनाः।

हेब्रैनी 5:7

ल्‍हाव्‍ह्‌दैबाङ्‌हाङः मान्‍ता मुतोक्‌हाङः येसुइ आन र्‍याःतीमा गोःतीमा ओउःकायः सीओसै दल्‌ताक्‌सा खाय्ओ परमेस्‍वर्‌कायः तेती तोआकान्। येसुइपाय् मीओमा ग्‍याओ ल्‍हुङ्इमा तेआ त खेःओ ओउःकोः कुरा परमेस्‍वर्‌इ सायःआकान्।

२ पत्रुस् 1:16

ङीइ प्रभु येसु ख्रीस् ताङ्‌ह्‌तो ग्‍वम् छ्यानःती वाङ्ओ दीन्‌कोः कुरा नीङ्‌कायः ल्‍हाक्‌ती तोओहाङः ङीइ माःती नोःओ ख्‍याल् कुरा तोङुसुलु ओउःपाय् दोङ् कुरालेः खेःतो। येसु ख्रीस्‌पाय् गुच्‍युक् ताङ्‌ह्ओलेः त ङीइ लयः मीक्इ च्‍यवःआलाङःसु।