लुका 9:2 - चेपाङ

² ग्‍वम् बयःआक्‌तीको ओउःमयःकायः परमेस्‍वर्‌कोः पेओ राजीकोः कुरा थोल्‍ह्‌ती तोसाकायःमा जीक्ओलम्‌कायः स्‍याक्‌ताक्‌साकायःमा ल्‍होक्आथास।

लुका 9:2 ပူးပေါင်းရင်းမြစ်များ

मत्ती 10:5

इ बारजनकायः येसुइ ल्‍होक्आथास “लौ यहुदी खेःमालो मान्‍तालम्‌कःगनमा आल्‌लाम्। समारीया मान्‍तालम्‌कोः सहर्‌लम्‌हाङःमा पोक्‌लाम्।

मत्ती 13:19

कोय् बीया चोया ल्‍याम्‌हाङः दीह्आ दीह्आक्‌तीको वाः वाङ्‌ती ओउः बीयाकायः सेक्‌ती जेःनानी इलो लेखा कोय् मान्‍तालम्‌खेइ परमेस्‍वर्‌कोः राजीकोः कुरा सायःनीतो सायःआक्‌तीको ल्‍हुङ्‌हाङः पेतो चीःनीली ओहाङःसैको सैतान् त तोओ वाःलो लेखा वाङ्‌ती ओउः मान्‍ताकोः ल्‍हुङ्‌सै परमेस्‍वर्‌कोः पेओ कुरा सेक्‌ती आलःनौ।

मत्ती 24:14

ओहाङःसैको ओउः द्युम्ओ दीन्‌कोः ङ्‌हासै परमेस्‍वर्‌कोः राजीकोः पेओ कुरा ल्‍हाव्‍ह्‌दैबाङ्‌हाङः सबै मान्‍तालम्‌कायः चीःताक्‌सा थेङालेः थोल्‍ह्‌ती तोसा खेःतो। थोल्‍ह्‌ती तोआक्‌तीको ओउः द्युम्ओ दीन् वाङ्‌लेःनाः।

मत्ती 3:2

ओहाङः दाह्‌ती वाङ्आक्‌तीको “लौ नीङ्‌पाय् लःलयःकोः रेव्ओ काम्‌लम् फेनु दा। दोह् हायःती दाय्‍ह्‌सा परमेस्‍वर्‌कोः राजी दाह्‌खेःआ बा” त दाय्‍ह्‌ती मान्‍तालम्‌कायः थोल्‍ह्‌ती तोओ खेःतो। ओउः बाप्‍तीस्‍मा बयःओ युहना त तोओकायः उय्‍ह्‌लेहाङः एसायाइ इ कुरा लेखआकान्

मर्‌कस् 16:15

“लौ द्याह्‌पाय् सबै ल्‍हाव्‍ह्‌दैबाङ्‌हाङः थोयःती ङाकोः पेओ समचार्‌ सबै मान्‍तालम्‌कायः थोल्‍ह्‌ती तोनु दा।

मर्‌कस् 6:12

एत स्‍यान्‌ती तोआक्‌तीको ओउः बारजन छ्युङ्‌ह्ओमयः आल्‌ती “लौ नीङ्‌कोः रेव्‌तो हायःओ काम्‌लम् फेती ल्‍हुङ् द्यान्‍ह्‌तो स्‍याव्‌ती परमेस्‍वर्‌कोः काम् पेतो जाङ्‌ह्‌नु” त दाय्‍ह्‌ती थोल्‍ह्‌ती तोआकानी

लुका 10:1

ओहाङःसैको येसुइ अरु बहत्तर्‌जन छ्युङ्‌ह्आकान्। छ्युङ्‌ह्आक्‌तीको ओउःमयःकायः येसुइ ओउःकोः ङ्‌हासै ओउः लयः दाह्‌सा खेःओ सहर्‌ सहर्‌ताङ् गाव् गाव्‌ताङ् नीःनीस्‌चाक् ल्‍होक्आथास।

लुका 10:11

‘लौ नीङ्‌कोः सहर्‌कोः फुत्‌साः ङीकोः दोम्‌सै काह्‌ती वाय्‌नाङःसु इतलेः नीङ्‌मा वाय्‌तेःनै बा। दोङ्‌सीलेः तेन्‌पाय् परमेस्‍वर्‌कोः राजीकोः कुरा ग्‍यामाःत झ्‍यान्‍ते नीङ्इ भेल्‍ह्‌तेःताक्‌तेःआकायःइसी बा’ त दाय्‍ह्‌ती तोनु।

लुका 10:9

ओउःहाङः मुओ जीक्ओलम्‌कायःमा स्‍याक्‌ताक्‌नु फेरी ओउःमयःकायः स्‍यान्‌तोक् बेलाहाङः ‘लौ तेन्‌पाय् परमेस्‍वर्‌कोः राजीकोः कुरा नीङ् दोःतेःखेःतेःनै’ त दाय्‍ह्‌ती स्‍यान्‌ती तोनु।

लुका 16:16

ओहाङःसैको उय्‍ह्‌लेकोः मोसाइ तोओ ऐन्‌कोः कुरामा परमेस्‍वर्‌कोः कुरा छ्यानःओमयःइ लेखओ कुरामा ओउःपाय् बाप्‍तीस्‍मा बयःओ युहनाकोः बेलाहाङःच्‍युक्‌कायः बयःओ खेःतो। बाप्‍तीस्‍मा बयःओ युहना वाङ्आक्‌तीको परमेस्‍वर्‌कोः राजीकोः पेओ कुरालेः थोल्‍ह्‌ती तोओ लेःआः। द्याह् परमेस्‍वर्‌कोः राजीहाङः मान्‍तालम्इ जोक्‌तोलेः पोक्‌सा बोङःनानी।

लुका 9:11

ओउःमयः चीङःचाङःत खेःओहाङः आल्इतो “येसुपाय् ओउःहाङः आल्‌ती मुओ” त अरुइ चीःती नोःकाय्‌ती नाःतो मान्‍तालम् ओउःकायः गुल्‍ह्‌ती हुम्‌ती वाङ्आकाय्। वाङ्आक्‌तीको ओउः हुम्‌ती वाङ्ओ मान्‍तालम्‌कायः येसुइ रोम्‌ती त्‍याक्‌ती परमेस्‍वर्‌कोः राजीकोः कुरा स्‍यान्‌ती तोमाआथास जीक्ओलम्‌कायः स्‍याक्‌ताक्‌माआथास।