लुका 8:54 - चेपाङ

⁵⁴ येसुखेपाय् ओउः मोमःचोःकःताङ् वाङ्‌ती ओउःकोः क्रुत् चुम्‌ती “लौ हौय च्‍योक्अ” त दाय्‍ह्‌ती तोथातो

लुका 8:54 ပူးပေါင်းရင်းမြစ်များ

मत्ती 9:25

ओहाङःसैको ओउः ङीःती गाक्ओलम्‌कायः सबै बाहीरताङ् क्‍लाःआक्‌तीको येसु कीम्‌ताङ् पोक्‌ती ओउः मोमःचोःचोःकायः क्रुत् चुम्‌ती उह्‌ताक्‌ती त्‍यती च्‍योक्‌ताक्आकान्। च्‍योक्आक्‌तीको ओउः मोमःचोः चीङ्‌लेःआ।

मर्‌कस् 1:31

ओहाङःसैको ओउः जीक्ओ मोमःचोःकःताङ् वाङ्‌ती येसुइ ओउःकोः क्रुत् चुम्‌ती ओउःकायः च्‍योक्‌ताक्आथै। ओउः मोमःचोः च्‍योक्‌ताक्आक्‌तीको ओउःकोः अय्ओ समःआथै। अय्ओ समःआक्‌तीको सीमोन्‌कोः आय्‌पाय् चीङ्‌ती सबैकायः जेःगालम् दोल्‌कावःती बयःआथास।

मर्‌कस् 8:23

एत तेती तोआक्‌तीको येसुइ ओउः मीक् लोक्ओ मान्‍ताकायः गाव् बाहीरताङ् ज्‍योती लात्‌ती आलःआथै। ओहाङः आलःआक्‌तीको येसुइ ओउः मीक् लोक्ओ मान्‍ताकोः मीक्‌हाङः द्युर्‌ द्युरःती लयःकोः क्रुत्इ झाम्आथै। क्रुत् झाम्आक्‌तीको “लौ नाङ्इ द्याह् च्‍यवःतेःनौया च्‍यवःतेःधाङ्‌तेःउलुया” त दाय्‍ह्‌ती व्‍हत्आथै।

मर्‌कस् 9:27

येसुइ ओउःकोः क्रुत् चुम्‌ती च्‍योक्‌ताक्आकान्। च्‍योक्आक्‌तीको ओउः गोय्‌चोः लयःलेः चीङ्आ।

लुका 8:51

इत तोआक्‌तीको आल्‌ती याय्‌रुस्‌कोः कीम्‌हाङः दाह्‌ती येसुइ ओउःकुस् कीम् पोक्‌साकायः सुकायःमा ताक्उलु ओउः जीक्ओ चोःकोः आमा आपानीस्‌मा पत्रुस् युहना याकुब् इ सुम्‌चाक्‌कायःमा ह ओउःकुस् पोक्‌सा ताक्आकान्।

लुका 8:53

ओउः र्‍याःती मुओलम् “इइपाय् ‘चोःपाय् जुगाङ् सीओ लेःआः’ त चीःउलु” त दाय्‍ह्‌ती म्‍हर्‌ती ओउःमयःखे येसुकायः ङीःती गाक्आथै।

लुका 8:55

ओउःत तोतोक्‌हाङः ओउः मोमःचोःपाय् उह्‌ती त्‍याती च्‍योक्‌लेःआ। ओउः मोमःचोः च्‍योक्आक्‌तीको “लौ इ नाङ्‌कोः चोःद्याङ्‌कायः जेःगा बयःजु दा” त दाय्‍ह्‌ती येसुइ ओउःकोः आमा आपानीस्‌कायः तोआकान्।

युहना 11:43

“अ लाजरुस्‌य ग्‍ल्‍युङ्‌ह्अ दा” त सोतो दाय्‍ह्‌ती येसुइ गोत्उतो

युहना 5:21

आपाइ सीओलम्‌कायः उह्‌ती च्‍योक्‌ताक्‌सा खाय्‌नौ ओउःतलेः ओउःकोः चोःइमा लयः झाक्ओ जाङ्‌ह्‌ती सीओलम्‌कायः च्‍योक्‌ताक्‌लेःनौ।

खबरदुत 9:40

ओउःमयः सबैकायः बाहीरताङ् ल्‍होक्आक्‌तीको पत्रुस्इ घ्रुस्‌ती परमेस्‍वर्‌कः तेती तोआकान्। तेती तोआक्‌तीको तबीथा त तोओकोः म्‍हाङ्‌ताङ् ल्‍हेःती “लौ तबीथा च्‍योक्अ” त दाय्‍ह्‌ती पत्रुस्इ तोउतो ती तबीथा लेती पत्रुस् च्‍यवःती च्‍योक्आ।

रोमी 4:17

“लौ नाःतो जात्‌कोः तोकानः ङाइ स्‍याव्‌ताक्‌नेःनाङ्” त दाय्‍ह्‌ती परमेस्‍वर्‌इ दाय्‍ह्ओ ओउःकोः आखरःहाङः लेखती मुनाः। ओउःइ ङ्‌हाम्ओ परमेस्‍वर्‌कोः मीक्‌हाङः आब्राहाम्‌पाय् ङीकोः तोकानःलो लेखा स्‍याव्‌नाः। इ परमेस्‍वर्‌इपाय् सीओलम्‌कायः उह्‌ती च्‍योक्‌ताक्‌मानौ नाःसा नाःमालो थोक्‌लम्‌पाय् ओउःकोः तोधार्‌नालेः जाङ्‌ह्‌ताक्‌मानौ।