लुका 8:43 - चेपाङ

⁴³ ओउःमयःकःगन यात्‌चाक् वयः वयःओ पीर्‌इ ङायःओ मोमःचोःमा वाङ्आ। ओउः मोमःचोःपाय् बार बर्‌सच्‍युक्‌कायः आङ्‌रयःबाङ् जीक्ओ खेःतो ओउःकायः सुइमा स्‍याक्‌ताक्‌सा खाय्‌नीली।

लुका 8:43 ပူးပေါင်းရင်းမြစ်များ

मर्‌कस् 12:44

दोह् हायःती दाय्‍ह्‌सा ओउः साहुलम्‌खेइ लयःकोः वेःओ पैसा ह कानीतो ती ओउः ह्र्यात् मोमःचोःखेइ लयःकोः पैसा सोय्‍ह्‌तीलेः काओआः बा। ओउःकोः जेःगा तुङ्‌गा लेःसा पैसा जुदालेः बयःआकान्” त दाय्‍ह्‌ती येसुइ तोआथास।

मर्‌कस् 9:18

ङायःतोक्‌हाङः ङाकोः चोःकायः नोःसा ताक्‌माःत आन साङ्‌ह्‌ताक्‌ती कुयःताक्‌ती साःताङ् तोस्‌नाःथै ओउःकोः सय्‍क् ङ्‌हीक्‌ती म्‍होतोङ्‌सै भोप् थाती वाङ्‌नाः। ओउःत झ्‍यान्‍ते नाङ्‌कुस् वाह्ओमयःकःहाङः काःहाल्‌लाङ् वाङ्‌ङोतो ओउःमयःइ इ लान्‌कायः ल्‍हेस्‌सा खाय्‌बाय्‌नीली” त दाय्‍ह्‌ती ओउः मान्‍ता तोआथै।

लुका 13:11

ओउःहाङः स्‍यान्‌तोक्‌हाङः यात्‌चाक् अथार बर्‌स जीक्‌ती स्‍याव्ओ मोमःचोः खेःतो। ओउः मोमःचोःपाय् गीङ् गोङःतो स्‍याव्‌ती झ्‍यान्‍ते चीङ्‌सा खाय्उलु।

लुका 13:16

इ आब्राहाम्‌कोः मोमःदानेकायःपाय् सैतान्इ अथार बर्‌सकायः पानःओलो लेखा गोङःती जीक्‌ताक्‌ती झ्‍यान्‍ते न्‍हाङ्‌तोलेः इ धोओ दीन्‌हाङः फान्‌सालेः स्‍याव्‌नाः माःर” त दाय्‍ह्‌ती येसुइ तोआकान्।

लुका 8:27

ओउःहाङः दाह्‌ती वाङ्‌ती दोङ्‌गासै ग्‍ल्‍युङ्‌ह्आक्‌तीको यात्‌चाक् लान्इ ङायःओ सहर्‌कोः मान्‍ताइ येसुकायः क्रुस्‌लाङ् वाङ्आ। लान्इ ङायःआक्‌तीको ओउः मान्‍तापाय् लयःकोः सहर्‌कायः फेती ज्‍याङःतोहाङःसै कीम्‌हाङः एनःमाःत तेस्‌राङ्‌हाङः सोह्‌लेः ब्‍याह्‌तीमा एनःतीमा वाह्ओ खेःतो।

लुका 8:44

ओहाङःसैको ओउः मोमःचोःपाय् येसुकोः काह्‌सै वाङ्‌ती ओउःकोः नाय्‌कोः च्‍योनःतेङ् दीन्‍ह्आकान् येसुकोः नाय् दीन्‍ह्‌माकादे ओउः मोमःचोःकोः वयःपाय् थुम्‍ह्‌माकादे।

युहना 9:1

ओहाङःसैको येसु आल्‌तोक्‌हाङः ओउःइ यात्‌चाक् ओत्ओहाङःसै जुगाङ् मीक् लोक्ओ मान्‍ता च्‍यवःआकान्।

युहना 9:21

गत हायःती ओउःइ द्याह् च्‍यवःसा खाय्आकान् सुइलो ओउःकायः मीक् स्‍याक्‌ताक्आथै त चीःङुचुलु। लौ ओउःपाय् द्याह् मीओ हौलम् खेःबाय्‌ल ओउःकायःलेः व्‍हत्‌नु दै” त ओउःनीस् दाय्‍ह्‌ती त्‍याङ्आकाच।

खबरदुत 3:2

फेरी ओउः मन्‍दीर्‌कोः पेओ त तोओ धोकाहाङः यात्‌चाक् लयः ओत्ओहाङःसै क्‍ल्‍योय्‌बाङ् स्‍याव्ओ मान्‍ता पैसा युङ्‌ती तेलाङ् मुओ खेःतो। ओउः मान्‍ताकायः दीन्‌का दीन् अरुइ लात्‌ती वानःती ओउः धोकाहाङः तेसाकायः गम्ओ खेःतो।