लुका 8:41 - चेपाङ

^41-42 ओहाङःसैको यात्‌चाक् याय्‌रुस् त तोओ थनःओ कीम्‌कोः ताङ्‌ह्ओ मान्‍ता वाङ्‌ती येसुकायः बाःती स्‍यवआथै। ओउःकोः यातैज्‍याङ् ह बार बर्‌स स्‍याव्ओ चोःद्याङ् जोक्‌तोलेः जीक्‌ती सीखेःओ खेःतो ओउःत झ्‍यान्‍ते स्‍यवतोक् बेलाहाङः “लौ ङाकोः कीम्‌ताङ् चोःद्याङ्‌कायः स्‍याक्‌ताक्‌लाङ् वाङ्अ दै” त दाय्‍ह्‌ती येसुकः काःहाल्‌ती तेआ। याय्‌रुस् इत तेओ सायःती ग्‍याती येसुपाय् ओउःकुस् पाय्‍ह्आकाय्। ओउःमयः पाय्‍ह्‌ती आल्‌तोक्‌हाङः नाःतो मान्‍तालम्इ हुम्‌लाङ् वाङ्‌ती येसुकायः आन न्‍हेङःआथै।

लुका 8:41 ပူးပေါင်းရင်းမြစ်များ

लुका 13:14

ओउः थनःओ कीम्‌कोः ताङ्‌ह्ओ मान्‍ताखे “धोओ दीन्‌हाङः मान्‍ताकायः इत स्‍याक्‌ताक्‌सा स्‍याव्‌ल” त म्‍हर्‌ती ल्‍हुङ् मल्‍ह्‌तो स्‍याव्आ। “ङीकायः यात् सातहाङः छगोता काम् जाङ्‌ह्‌सा स्‍याव्ओ दीन्‌लम् मुलेःनाः। ओउः दीन्‌लम्‌हाङः स्‍याक्‌ताक्‌साकायः काःहाल्‌लाङ् वाङ्‌न। इ धोओ दीन्‌हाङः काःहाल्‌लाङ् वाङ्‌लाम्” त दाय्‍ह्‌ती सबै हुम्ओलम्‌कायः ओउः ताङ्‌ह्ओ मान्‍ताइ जान्‌ती तोआथास।

लुका 17:16

येसुकायः बाःती स्‍यवआथै। ओउः द्यान्‍ह्‌ती वाङ्ओ मान्‍ताखे समारीया देस्‌कोः मान्‍ता खेःतो।

लुका 5:8

ओहाङःसैको ओउःच्‍युक् नाःतो ङाः सात्ओ च्‍यवःआक्‌तीको सीमोन्‌पाय् येसुकःताङ् वाङ्‌ती ओउःकायः बाःती स्‍यवआकान् “अ प्रभुय ङालो खेःओ पेमालो मान्‍ताकुस्‌पाय् नाङ्‌लो पेओ ताङ्‌ह्ओ वाङ्‌ती मुचाक्‌तेःजेःचाः” त दाय्‍ह्‌ती सीमोन्इ तोआथै।

लुका 8:49

ओहाङःसैको ओउःत तोतोक् बेलाहाङःपाय् यात्‌चाक् याय्‌रुस्‌कोः कीम्‌सै ल्‍होक्ओ मान्‍ता ओउःकायः तोलाङ् दाह्आ “लौ नाङ्‌कोः चोःद्याङ्‌जा सीजेःआ बा। इ गुरुकायः द्याह् वानःसा परल” त दाय्‍ह्‌ती याय्‌रुस्‌कायः तोथातो ती

युहना 11:21

ओहाङःसै येसुकायः क्रुस्‌ती “लौ प्रभुय नाङ् ङ्‌हा दाह्आ त खेःया ङाकोः पुःपाय् सीजेःआक्‌ल खेःतो

खबरदुत 13:15

ओहाङःसैको मोसाइ बयःओ ऐन्‌मा उय्‍ह्‌लेकोः परमेस्‍वर्‌कायः कुरा छ्यानःओलम्इ लेखओ कुरामा पह्रआक्‌तीको ओउः थनःओ कीम्‌कोः ताङ्‌ह्ओ मान्‍तालम्इ पावुल् बर्‌नाबास् नीस्‌कायःमा गोत्आथाच “लौ पुःनीस् नीङ्‌जी ल्‍हुङ् र्‍यानःओ कुरा मुनाः त खेःया इ हुम्ओ मान्‍तालम्‌कायः नोःनु दा” त दाय्‍ह्‌ती ओउःनीस्‌कायः तोआथाच।

खबरदुत 18:17

ओउःमयः रुनःतोक् बेलाहाङः ओउः हुम्ओ मान्‍तालम्इ अरु थनःओ कीम्‌कोः ताङ्‌ह्ओ मान्‍ता सोस्‍थेनेस् त तोओकायः चुम्‌ती अन्‍चलादीस्‌कोः मीक्‌हाङः घान्‌थातो ओउः अन्‍चलादीस्इ दोह्‌मा हायःउलु।

खबरदुत 18:8

ओहाङःसैको ओउः थनःओ कीम्‌कोः ताङ्‌ह्ओ मान्‍ता क्रीस्‍पुस् त तोओमा ओउःकोः लयःकोः कीम्‌कोः मान्‍तालम्‌मा सबैइ प्रभु येसुकोः कुरा ङ्‌हाम्आकानी। कोरीन्‍थ सहर्‌हाङःमा नाःतो अरु मान्‍तालम्इ पावुल्इ स्‍यान्ओ कुरा सायःती ङ्‌हाम्‌ती बाप्‍तीस्‍मा त्‍याक्आकानी।

खबरदुत 9:38

ओहाङःसैको द्याङ्‌तो मुओ लीदा सहर्‌हाङः “पत्रुस् दाह्आ” त सायःती ओउः जोपा सहर्‌कोः येसुकायः ङ्‌हाम्ओमयःइ पत्रुस्‌कायः गोत्‌सा थेङा नीस्‌चाक् ल्‍होक्आकानी “लौ ङीकःताङ् रेन्‍ह्‌तोलेः वाङ्अ दा” त दाय्‍ह्‌ती पत्रुस्‌कायः तोती ल्‍होक्आथाच।

प्रकाश 5:8

ओउःत त्‍याक्आक्‌तीको ओउः चार्‌गोता जीङः नाःओलम्‌मा ओउः चौबीस् थालवःपालम्‌मा ओउःकःताङ् बाःती स्‍यवआकानी। ओउःमयःपाय् क्रुत्‌क्रुत्‌हाङः याःआःज्‍योः वरनीमा धुप् लात्‌साकायः सुन्‌कोः लोतामा धुप् ब्‍लीङ्‌तोलेः लात्आकानी। ओउः धुप्‌पाय् ङ्‌हाम्ओलम्इ परमेस्‍वर्‌कायः तेती तोओ कुरा लेःआः।