लुका 8:22 - चेपाङ

²² ओहाङःसैको यात् दीन्‌हाङः येसुमा ओउःकुस् वाह्ओमयःमा गालील त तोओ ताङ्‌ह्ओ दुम्‌हान्‌ताङ् आल्‌ती दोङ्‌गाहाङः लन्‍ह्आकाय्। दोङ्‌गाहाङः लन्‍ह्आक्‌तीको “लौ तीःकोः उःसै त्‍यात्‌लाङ् आल्इ” त दाय्‍ह्‌ती येसुइ ओउःकुस् वाह्ओमयःकायः तोआथास।

लुका 8:22 ပူးပေါင်းရင်းမြစ်များ

मत्ती 14:22

ओहाङःसैको मान्‍तालम्इ जेःती खाय्आक्‌तीको ओउःकोः ङ्‌हासै येसुइ लयःकुस् वाह्ओमयःकायः दुम्‌हान्‌कोः उःसै दोङ्‌गाहाङः ल्‍होक्आथास। ओउःमयःखे दोङ्‌गाहाङः लन्‍ह्‌ती आल्‌तोक्‌हाङः येसुखेइ हुम्ओ मान्‍तालम्‌कायः पाय्‍ह्‌लाङ् ल्‍होक्आथास।

मत्ती 8:18

ओहाङःसैको येसुकःताङ् नाःतो मान्‍तालम् हुम्‌लाङ् वाङ्आकाय्। नाःतो हुम्‌लाङ् वाङ्‌ती झ्‍यान्‍ते “लौ दुम्‌हान्‌कोः तीः उःसै त्‍यात्‌लाङ् आल्इ” त दाय्‍ह्‌ती येसुइ लयःकुस् वाह्ओमयःकायः तोआकान्।

मर्‌कस् 5:21

ओहाङःसै एत हायःआक्‌तीको येसुमा ओउःकुस् वाह्ओमयःमा फेरी दोङ्‌गाहाङः लन्‍ह्‌ती ओउः दुम्‌हान् त्‍यात्‌ती द्यान्‍ह्आकाय्। द्यान्‍ह्‌ती वाङ्आक्‌तीको येसु तीःकोः चीनःसै मुतोक्‌हाङः नाःतो मान्‍तालम् ओउःकःताङ् हुम्‌लाङ् वाङ्आकाय्।

मर्‌कस् 6:45

ओहाङःसैको मान्‍तालम्इ जेःती खाय्आक्‌तीको येसुइ लयःकुस् वाह्ओमयःकायः दुम्‌हान्‌कोः उःसै दोङ्‌गाहाङः ओउःकोः ङ्‌हासै ल्‍होक्आथास। ओउःमयःखे दोङ्‌गाहाङः लन्‍ह्‌ती आल्‌तोक्‌हाङः येसुखेइ हुम्ओ मान्‍तालम्‌कायः दाम्‌ती ल्‍होक्आथास।

मर्‌कस् 8:13

एत दाय्‍ह्आक्‌तीको येसु आल्‌ती फेरी दोङ्‌गाहाङः लन्‍ह्‌ती ताङ्‌ह्ओ दुम्‌हान्‌कोः उःसै आल्आकाय्।

लुका 5:1

ओहाङःसैको गालील अन्‍चल्‌हाङः मुओ गनेसरेत् त तोओ ताङ्‌ह्ओ दुम्‌हान्‌कोः छेव्‌हाङः आल्‌ती चीङ्‌ती येसुइ स्‍यान्‌ती तोओ खेःतो। ओउःहाङः स्‍यान्‌तोक् बेलाहाङः येसुइ तोओ कुरा पेतो सायःसाकायः हुम्ओ मान्‍तालम्इ येसुकःताङ् लमःकाय्‌ती न्‍हेङःती वाङ्आकाय्।

लुका 8:23

ओउःत तोआक्‌तीको ओउःमयः आल्‌ती वाह्‌तोक्‌हाङः येसु एनःबुस्‌ती झ्‍यान्‍ते दोङ्‌गाहाङः एनःलेःआ। ओहाङःसैको जोक्‌तो गाय्‌ध वाङ्‌ती मारुःइ तीः आन ल्‍यङःकर्‌ताक्‌ती दोङ्‌गाकायः ब्‍लीङ्‌ताक्‌खेःआथै।

लुका 8:33

तोआक्‌तीको लान्‌लम्इ मान्‍ताकायः फेती ओउः ह्राम्‌ती मुओ प्‍याक्‌लम्‌कायः ङायःआकानी। ङायःआक्‌तीको प्‍याक्‌लम्‌पाय् सबै ब्रःती वारताङ् तन्‌ती आल्‌ती तोन्‌ती तोन्‌ती सबै ताङ्‌ह्ओ दुम्‌हान्‌कोः तीःहाङः ज्‍युप्‌ती ज्‍युप्‌तीलेः सीजेःआकाय्।

युहना 6:1

ओहाङःसैको एत नोःआक्‌तीको लोने येसु गालीलकोः तीःपाय् दोङ्‌गाहाङः त्‍यात्‌ती आल्आकाय्। ओउः तीःकोः अरु मय्‍ङ् “तीबेरीयस्” त तोओलेः।

खबरदुत 27:2

ओउः जुलीयुस् त तोओ सीपाहीकोः सुबेदार्‌कायः ल्‍हाआक्‌तीको ओउःमयः अन्‍द्रामीतीसै वाङ्ओ तीःजहास्‌हाङः लन्‍ह्आकाय्। ओउः तीःजहास् असीया देस्‌कोः द्युम्‌मालो तीःकोः छेव्‌हाङः मुओ सहर्‌ सहर्‌लम्‌ताङ् आल्‌सा बोङःआकान्। ओउः जहास्‌हाङः ङा लुका त तोओमा यात्‌चाक् मासीदोनीया देस्‌कोः थेसालोनीका सहर्‌सै वाङ्ओ येसुकायः ङ्‌हाम्ओ मान्‍ता आरीस्‍तार्‌कस् त तोओमा पावुल्‌कुस् लन्‍ह्आलाङी।