लुका 8:21 - चेपाङ

²¹ “लौ ङाकोः आमाचोङ्‌मा हौचोङ्‌मा सुसुलो दाय्‍ह्‌सा सुसुइ परमेस्‍वर्‌इ बयःओ पेओ कुरा ङ्‌हाम्‌ती जाङ्‌ह्‌नानी ओउःमयः ङाकोः आमाचोङ् हौचोङ्‌लो लेखा मुनै” त दाय्‍ह्‌ती येसु त्‍याङ्आ।

लुका 8:21 ပူးပေါင်းရင်းမြစ်များ

मत्ती 17:5

ओउःपाय् दाय्‍ह्‌दाय्‍ह्‌बालेलेः रेनःझेनःत मुस् वाङ्‌ती घमःआथास। मुस् घमःतोक्‌हाङः मुस्‌सै हाव्‌नयः वाङ्‌ती “लौ इपाय् ङाकोः आन राप्ओ चोः लेःआः बत्‌ताङः। ओउःकः ङा आन म्रोलेःनाङः। ओउःइ तोओ कुरालेः पेतो सायःनु दा” त दाय्‍ह्‌ती दाय्‍ह्ओ खेःतो।

मत्ती 25:40

‘दोङ्‌सीलेः दाय्‍ह्‌भनाङ् नीङ्इ ङाकोः अरुसै मीओ ङ्‌हाम्ओ मान्‍ताकायः पेओ काम् जाङ्‌ह्‌तेःआकान् त खेःया ओउः काम्‌पाय् ङाकायःमा जाङ्‌ह्‌तेःआनाङ्‌स बा’ त दाय्‍ह्‌ती ओउः राजा त्‍याङ्‌नाः।

मत्ती 25:45

‘दोङ्‌सीलेः दाय्‍ह्‌भनाङ् इ ङाकोः अरुसै मीओ मान्‍ताकायःतेः नीङ्इ बयःतेःनीली त झ्‍यान्‍ते ङाकायःमा बयःतेःनाङ्‌सल।

मत्ती 28:10

एत हायःतोक्‌हाङः “लौ रैतेःचनै ङाकोः पुःचोङ् हौचोङ्‌लम्‌कःताङ् आल्‌ती ‘लौ गालीलताङ् आल्‌न। ओहाङः नीङ्इ येसुकायः क्रुस्‌तेःनानी’ त दाय्‍ह्ओ ओउःमयःकायः तोनुसु दा” त दाय्‍ह्‌ती येसुइ तोआथास।

लुका 8:15

अरु मान्‍तालम्‌खेइ परमेस्‍वर्‌कोः कुरा सायःती पेओ ल्‍हुङ्‌हाङः सेती ङ्‌हाम्आक्‌तीको ओउःकोः काम् गुह्र्माःत ब्‍याव्‌तीलेः जाङ्‌ह्‌नानी। इ मान्‍तालम्‌पाय् ओउः पेओ साःहाङः दीह्ओ बीया चोयालो लेखा मुलेःनै” त दाय्‍ह्‌ती येसुइ छ्यानःआथास।

लुका 8:20

येसुकःताङ् द्याङ्‌तो दाह्‌सा खाय्‌माःत झ्‍यान्‍ते अरुइ “लौ नाङ्‌कोः आमाचोङ् नाङ्‌कायः क्रुस्‌साकायः बाहीरहाङः दाह्‌ती मुनै” त दाय्‍ह्‌ती येसुकायः छ्यानःथातो

युहना 13:17

लौ इ ङाइ स्‍यान्ओ कुरा नीङ्इ जाङ्‌ह्‌तेःचानानी त खेःया नीङ् पेतोलेः स्‍याव्‌तेःनै।

युहना 20:17

“ङाकायः चुम्‌लाम् त्‍यावःअ ङाकोः आपाकःताङ् आल्‌धाङ्‌ङल। लौ ङाकोः हौचोङ्‌पाय् इत ल्‍हाक्‌ती तोलाङ् आल्अ। ङा देङी त्‍यावःअ ङाकोः परमेस्‍वर्‌ आपाकःताङ् आल्‌नाङः। ओउःपाय् नीङ्‌कोः परमेस्‍वर्‌ आपामा लेःआः। लौ ओउः कुरापाय् ओउःमयःकायः ल्‍हाक्‌ती तोउसु दा” त दाय्‍ह्‌ती येसुइ तोआकान्।

२ कोरीन्‍थी 5:16

द्याह्‌हाङःसै ङीखेइ सुकायःमा ओउःकोः रुप् ह योती तय्‌छनःती योङुसुलु ओउःत हायःती ल्‍हाव्‍ह्‌दैबाङ्‌कोः मान्‍तालम्‌खेइ तय्‌छनःती योनानी। माः रैस ङी यात् पेन्‍ह्‌कायः ख्रीस्‌कायः ल्‍हाव्‍ह्‌दैबाङ्‌कोः मान्‍तालो लेखालेः तय्‌छनःती योङुसुतो द्याह्‌पाय् ङीइ ओउःकायः एतलेः योङुसुलु।

२ कोरीन्‍थी 6:18

“ङापाय् नाङ्‌कोः आपालेः स्‍याव्‌नाङः नीङ्‌पाय् ङाकोः चोःलम् चोःद्याङ्‌लम् स्‍याव्‌तेःनै” त दाय्‍ह्‌तीमा ओउः ग्‍वम् नाःओ परमेस्‍वर्‌ दाय्‍ह्आ।

याकुब् 1:22

ओउः नोःराय्‌कोः कुरा सायःसा ह खेःल ल्‍हुङ्‌हाङः रोत्‌ती जाङ्‌ह्‌सामा खेःतो। सायःसा ह त खेःया आह्रे लेःआः।

१ युहना 2:29

ख्रीस्‌पाय् छय्‍ङ्‌तो लेःआः त नीङ्इ चीःतेःनानी ओउःत खेःया परमेस्‍वर्‌कोः काम् जाङ्‌ह्ओचाक्‌मा ओउःकोः चोः त तोसा लेःआः।

३ युहना 1:11

लौ राप्ओ हौय रेव्ओ हायःओलम्‌कोः काम् तेःतेःचाःस पेओखे म्र्याःतीलेः तेःन। पेओ काम् जाङ्‌ह्ओलम्‌खे परमेस्‍वर्‌कोःलेः मुनाः रेव्ओ जाङ्‌ह्ओलम्‌खेइ परमेस्‍वर्‌कायः तय्‍ह्‌नीली।