युहनाकायः सात्सापाय् बोङःउतो हेरोद् राजाइ ताक्आक्थाल। “ओउःच्युक् पेओ परमेस्वर्कायः चीःओ मान्ताकायः सात्सा जुगाङ् स्याव्ल” त दाय्ह्ती युहनाकः रैती ओउःकायः पानःती झ्याल्खानहाङः थुनती गम्ओ ह। युहनाकायः झ्याल्खानहाङः गम्तोक्हाङः बेला बेलाहाङः हेरोद् राजाइ ओउःकायः गोत्ती वानःती ओउःइ तोओ कुरा झाक्ती सायःउतो “लौ ङा दोह् हायःचाङः दोह् हायःचाङः” त दाय्ह्ती आन ग्याङ्ह्ती मुओ खेःतो।
लुका 8:13 - चेपाङ13 ओहाङःसैको अरु मान्तालम्खेइ परमेस्वर्कोः कुरा म्रोतीलेः ल्हुङ्हाङः ग्याइतो लोने लीह्सीःओ बेला वाङ्नाः त खेःया ओउः कुरा फेनानी। इ मान्तालम्पाय् रुत् ज्युम्ह्तो आलःमालो बाङ् ह्र्युङ्हाङः दीह्ओ बीया चोयालो लेखा मुलेःनै। အခန်းကိုကြည့်ပါ။ |
लुका 8:13
37 ပူးပေါင်းရင်းမြစ်များ
ओउः बीया चोया त तोओखे परमेस्वर्इ बयःओ पेओ कुरालो लेखा लेःआः। ओहाङःसैको कोय् मान्तालम्खे परमेस्वर्कोः कुरा सायःनानी सायःआक्तीको सैतान् त तोओ वाङ्ती ओउः सायःओलम्कोः ल्हुङ्तुक्सै ओउः पेओ कुरा सेक्ती आलःनौ। ओउःत झ्यान्ते ओउः मान्तालम्इ पेतो ङ्हाम्माःत रौ जीङः दोःइली। इ मान्तालम्पाय् ल्याम्कोः साःहाङः दीह्ओ बीया चोयालो लेखालेः मुनै।
ओहाङःसैको अरु मान्तालम्खेइ परमेस्वर्कोः कुरा सायःती ओउःकोः काम् जाङ्ह्आक्नीतो लोने लयः झाक्ओ काम्कायः रुःओ ल्हुङ् वाङ्नाः पैसा क्युसा बोङःओ ल्हुङ् वाङ्नाः लीङ्हायःओ ल्हुङ् वाङ्नाः त खेःयाकायः परमेस्वर्कोः काम् जाङ्ह्सा लोने ग्याइली। इ मान्तालम्पाय् यार्ती वाय्ओ सायःसा खाय्मालो चुःकुस् दुङ्ओ बीयालो लेखा मुलेःनै।
“कुयःइलेः लयः हास्ओकःताङ् जेःलाङ् द्यान्ह्नाः” फेरी “जेस्आक्तीको प्याक्लेः हीलोताङ् द्यान्ह्ती लाःती वाह्नाः” त मान्ताइ जवती तोओ कुरा मुनाः। ओउः पेमालो कुरा द्यान्ह्ती हायःओलम्पाय् ओउः कुयःमा प्याक्लो लेखालेः स्याव्नाः बा दोह् हायःती दाय्ह्सा ओउःमयः लोने न्हाङ्तोलेः पेमालो स्याव्नै।
ओउः खाल्कोः मान्तालम् नीङ्कोः प्रभु भोस् वाङ्ती ओउः भोस्कायः गाल्ताक्नानी। अरुलम्कायः गतमा म्हर्मामाःत लयःकायः ह जेःती कोस्ताक्नाःइसी। ओउःमयःपाय् मारुःइ वानःओ तीः लात्मालो हाःओ मुस्लो लेखालेः मुनाः। ओउःमयःपाय् सायःसा चीःमालो सीङःलो लेखालेः मुनै। ओउः खाल्कोः सीङःलम्पाय् च्योङ्ती फुक्ती जुगाङ् सीती वाय्ताक्साआः।
ကြော်ငြာတွေ