लुका 8:1 - चेपाङ

¹ ओहाङःसैको लोनेः येसु सहर्‌ सहर्‌गनमा गाव् गाव्‌गनमा तोमःती वाह्‌ती ओउःइ परमेस्‍वर्‌कोः राजीकोः पेओ कुरा स्‍यान्‌तीमा थोल्‍ह्‌ती तोलाङ् आल्आ। ओउःकुस्‌पाय् येसुकोः बार छ्युङ्‌ह्ओमयःमा यात्‌नीस् लान्इ ङायःआक्‌तीको स्‍याक्ओ मोमःचोःलम्‌मा आल्आकाय्।

लुका 8:1 ပူးပေါင်းရင်းမြစ်များ

मत्ती 11:1

ओउः बारजनकायः एत तोती स्‍यान्‌ती दप्आक्‌तीको येसु आल्‌ती ओहाङःकोः गाव् गाव्‌गन तोमःती परमेस्‍वर्‌कोः कुरा स्‍यान्‌तीमा थोल्‍ह्‌ती तोतीमा वाह्आकाय्।

मत्ती 13:19

कोय् बीया चोया ल्‍याम्‌हाङः दीह्आ दीह्आक्‌तीको वाः वाङ्‌ती ओउः बीयाकायः सेक्‌ती जेःनानी इलो लेखा कोय् मान्‍तालम्‌खेइ परमेस्‍वर्‌कोः राजीकोः कुरा सायःनीतो सायःआक्‌तीको ल्‍हुङ्‌हाङः पेतो चीःनीली ओहाङःसैको सैतान् त तोओ वाःलो लेखा वाङ्‌ती ओउः मान्‍ताकोः ल्‍हुङ्‌सै परमेस्‍वर्‌कोः पेओ कुरा सेक्‌ती आलःनौ।

मत्ती 4:23

ओहाङःसैको येसु गालील अन्‍चल्‌ताङ् तोमःती यहुदी मान्‍तालम्‌कोः थनःओ कीम् कीम्‌हाङः तोमःती दाह्‌ती पोक्‌ती परमेस्‍वर्‌कोः राजीकोः पेओ समचार्‌ थोल्‍ह्‌ती तोतीमा नाःतो खाल्‌कोः जीक्ओ मान्‍तालम्‌कायः स्‍याक्‌ताक्‌तीमा वाह्ओ खेःतो।

मत्ती 9:35

ओहाङःसैको येसु आल्‌ती वाह्‌दा वाह्‌दा सबै सहर्‌ गाव्‌गन तोमःती आल्‌धै थनःओ कीम् कीम्‌हाङः स्‍यान्‌ती परमेस्‍वर्‌कोः पेओ समचार्‌ थोल्‍ह्‌ती तोओमा नाःतो जीक्ओकायः स्‍याक्‌ताक्ओमा खेःतो।

मर्‌कस् 1:39

आल्‌ती गालील अन्‍चल्‌कोः थनःओ कीम् कीम्‌ताङ् वाङ्‌ती पोक्‌ती येसु परमेस्‍वर्‌कोः कुरा तोतीमा स्‍यान्‌तीमा लान्‌लम्‌कायः ल्‍हेस्‌ती वाय्‌तीमा ब्‍याह्‌ती तोमःती वाह्ओ खेःतो।

लुका 1:80

ओउःतलेः आपा दाय्‍ह्आ ओहाङःसैको ओउःकोः चोः युहना त तोओपाय् आङ्‌मा ब्राव्‌ती ल्‍हुङ्‌मा व्‍हक्‌तो स्‍याव्‌ती परमेस्‍वर्‌कोः कुरा दीन्‌का दीन् न्‍हाङ्‌तोलेः चीःआकान्। आने यहुदी मान्‍तालम्‌कःताङ् तोलाङ् वाङ्‌सा दीन् दाह्‌धाङ्‌माःखाहाङः युहनापाय् याक्‌गार्‌सीःमालो राङ्‌हाङः मुओ खेःतो।

लुका 20:1

येसुइ मन्‍दीर्‌हाङः परमेस्‍वर्‌कोः पेओ कुरा स्‍यान्‌ती तोतोक् बेलाहाङः ताङ्‌ह्ओ पुरोहीत्‌लम्‌मा धर्‌मा स्‍यान्ओमयःमा अरु यहुदीलम्‌कोः ताङ्‌ह्ओ मान्‍तालम्‌कुस् ओउःकःताङ् वाङ्‌ती

लुका 4:18

“लौ ङापाय् प्रभु परमेस्‍वर्‌कोः ग्‍वालामः दोःआलाङः दोह् हायःती दाय्‍ह्‌सा ओउःकोः पेओ समचार्‌ नाःतो नाःमालोलम्‌कायः थोल्‍ह्‌ती तोसाकायःमा छ्युङ्‌ह्आताङः। थुनती मुओलम्‌कायः ‘लौ बेन्‌तेःनाः’ फेरी च्‍यवःसा खाय्‌मालोलम्‌कायः ‘लौ च्‍यवःतेःनानी’ त तोसाकायःमा अरुइ ग्रक्ओ मान्‍तालम्‌कायः फेताक्‌साकायःमा

लुका 9:6

इत तोआक्‌तीको ओउः बारजन आल्‌ती गाव् गाव्‌गन ब्‍याह्‌ती वाह्‌ती गाःहाङः खेःयामा परमेस्‍वर्‌कोः पेओ समचार्‌ तोती छ्यानःमाआकानी जीक्ओलम्‌कायः स्‍याक्‌ताक्‌माआकानी।

खबरदुत 10:38

ओउः बेलाहाङः नासरेत् गाव्‌सै वाङ्ओ येसु त तोओकायः परमेस्‍वर्‌इ लयःकोः ग्‍वालामःमा ग्‍वम्‌मा दोःताक्आथै। परमेस्‍वर्‌कोः ग्‍वालामः दोःआक्‌तीको येसु आन पेतो हायःती इःताङ् उःताङ् आल्‌ती जीक्ओ मान्‍तालम्‌मा लान्इ ङायःओ मान्‍तालम्‌कायःमा स्‍याक्‌ताक्ओ काम् जाङ्‌ह्ओ खेःतो।

खबरदुत 13:32

फेरी इ पेओ समचार्‌ नीङ्‌कायः ल्‍हाक्‌ती तोसाकायः ङीमा वाङ्आलाङी। ‘ओउःकायः सीआक्‌तीको उह्‌ती च्‍योक्‌ताक्‌नाङः’ त ङीकोः आय्‌कानः तोकानःलम्‌कायः परमेस्‍वर्‌इ तोती गम्ओ खेःतो।

रोमी 10:15

ओउः कुरा तोसाकायः मान्‍ता आःताः ल्‍होक्‌माःत ओउः कुरापाय् गत हायःती थोल्‍ह्‌ती तोतो स्‍याव्‌नाः र। “लौ परमेस्‍वर्‌कोः पेओ नोःराय् थोल्‍ह्‌ती तोओलम् वाङ्ओ बेलाहाङः गुच्‍युक् पेओ लेःआः बा” त दाय्‍ह्‌ती दाय्‍ह्ओ आखरःहाङः लेखती मुनाः।