लुका 7:6 - चेपाङ

⁶ इत तोआक्‌तीको येसु ओउः हाकीम्इ ल्‍होक्ओ मान्‍तालम्‌कुस् आल्‌ती ओउःकोः कीम् द्याङ्‌तो दाह्‌खेःतोक् बेलाहाङः ओउः हाकीम्इपाय् लयःकोः साथीलम् येसुकःताङ् ल्‍होक्आकान्। ओउःमयः येसुकायः क्रुस्‌ती हाकीम्इ ल्‍होक्ओ कुरा नोःती “लौ प्रभुय नाङ्‌कायः इलो लेखा लीह्‌सीःओ बयःसा खेःहाङ्‌ल। ङा इच्‍युक् मीचोःओ मान्‍ताकायः क्रुस्‌सा थेङा ङाकोः कीम्‌ताङ् वाङ्‌सामा खेःहाङ्‌ल नाङ्‌च्‍युक् ताङ्‌ह्ओ मान्‍ताकःताङ् ‘ङा वाङ्‌सा ज्‍योल’ तमा ताःआलाङःस।

लुका 7:6 ပူးပေါင်းရင်းမြစ်များ

मत्ती 20:28

ओउःलो लेखालेः ओउः मान्‍ताकोः चोः त तोओमा अरुकायः ओउःकोः लयःकोः काम् जाङ्‌ह्‌ताक्‌लाङ् वाङ्ओ खेःल अरुकायः ओउःइलेः काम् जाङ्‌ह्‌लाङ् वाङ्‌ती ओउःमयःकायः रेव्ओसै दल्‌ताक्‌सा थेङा सीसा ग्‍याओ खेःतो” त दाय्‍ह्‌ती येसुइ तोआथास।

मत्ती 3:11

“लौ नीङ्इ रेव्ओ काम् फेतोक्‌हाङः ङाखेइ तीःइ बाप्‍तीस्‍मा बयःनाङ्‌सतो लोन्‍तेसै ङासै आन ताङ्‌ह्ओ मान्‍ता चाक्आः वाङ्‌नाः बा। ओउःकायःपाय् ङाच्‍युक् मीओ मान्‍ता ओउःकोः जुत्ता लात्‌सा स्‍याव्‌ङल। ओउःखेइ नीङ्‌कायः परमेस्‍वर्‌कोः ग्‍वालामःइमा म्‍हेःइमा बाप्‍तीस्‍मा त तोओ बयःतेःनै।

मर्‌कस् 5:24

इत तेओ सायःती येसु ओउःकुस् ग्‍याती पाय्‍ह्आकाय्। पाय्‍ह्‌तोक्‌हाङः नाःतो मान्‍तालम्इ येसुकोः वेङ्‌ह्‌ग चीङ्‌ह्‌गहाङः वाह्‌ती झ्‍यान्‍ते ओउःकायः न्‍हेङःआथै।

लुका 5:8

ओहाङःसैको ओउःच्‍युक् नाःतो ङाः सात्ओ च्‍यवःआक्‌तीको सीमोन्‌पाय् येसुकःताङ् वाङ्‌ती ओउःकायः बाःती स्‍यवआकान् “अ प्रभुय ङालो खेःओ पेमालो मान्‍ताकुस्‌पाय् नाङ्‌लो पेओ ताङ्‌ह्ओ वाङ्‌ती मुचाक्‌तेःजेःचाः” त दाय्‍ह्‌ती सीमोन्इ तोआथै।

लुका 7:4

ल्‍होक्आक्‌तीको ओउःमयः येसुकःताङ् वाङ्‌ती ओउःकः आन युङ्‌तीलेः काःहाल्आथै। “ओउः नोकरीकोः मालीक्‌पाय् आन पेओ मान्‍ता लेःआः बा।

लुका 7:5

ओउःइ ङीकोः यहुदीया जात्‌लम्‌कायः आन राप्‌नाःताङी ङीकायः थनःओ कीम्‌मा जाङ्‌ह्आबत्‌ताङी। ओउःत झ्‍यान्‍ते ओउःकोः नोकरी स्‍याक्‌ताक्‌सा पेलेःनाः” त दाय्‍ह्‌ती येसुकायः काःहाल्‌ती तोआथै।

लुका 7:7

इहाङः वाङ्‌मामाःत लोक्‌तोसै गानाक्‌ती तोचाक्‌ची दै ओहाङःसैको ङाकोः नोकरी स्‍याक्‌लेःनाः।

लुका 8:49

ओहाङःसैको ओउःत तोतोक् बेलाहाङःपाय् यात्‌चाक् याय्‌रुस्‌कोः कीम्‌सै ल्‍होक्ओ मान्‍ता ओउःकायः तोलाङ् दाह्आ “लौ नाङ्‌कोः चोःद्याङ्‌जा सीजेःआ बा। इ गुरुकायः द्याह् वानःसा परल” त दाय्‍ह्‌ती याय्‌रुस्‌कायः तोथातो ती

खबरदुत 10:38

ओउः बेलाहाङः नासरेत् गाव्‌सै वाङ्ओ येसु त तोओकायः परमेस्‍वर्‌इ लयःकोः ग्‍वालामःमा ग्‍वम्‌मा दोःताक्आथै। परमेस्‍वर्‌कोः ग्‍वालामः दोःआक्‌तीको येसु आन पेतो हायःती इःताङ् उःताङ् आल्‌ती जीक्ओ मान्‍तालम्‌मा लान्इ ङायःओ मान्‍तालम्‌कायःमा स्‍याक्‌ताक्ओ काम् जाङ्‌ह्ओ खेःतो।

याकुब् 4:10

प्रभुकोः मीक्‌हाङः मीओ ल्‍हुङ्इ वाह्‌न ओहाङःसैको ओउःइ नीङ्‌कायः लव्‍ह्‌तेःनै।

याकुब् 4:6

ओउःपाय् दोङ् कुरा खेःसापाय् खेःतो परमेस्‍वर्‌इ ङीकायः योनःती झ्‍यान्‍ते ओउः मोह्‌हाय्ओसै पुःसा खाय्ओ ग्‍वम् बयःनाःतय्‍ही। “लयःकोः नेह्‌रो ओर्‌ताक्ओलम्‌खेकः परमेस्‍वर्‌ अह्र्लेःनाः ओउः ल्‍हुङ् मीओ मान्‍तालम्‌खेकायः ओउःइ योनःती योती आन ग्‍वम् बयःनौ” त आखरःहाङःमा लेखती मुनाः।