लुका 7:47 - चेपाङ

⁴⁷ लौ उया इ मोमःचोःकोः नाःतो रेव्ओ काम् जाङ्‌ह्‌झ्‍याङ्‌कोःपाय् परमेस्‍वर्‌इ क्‍युम्‍ह्‌तोलेः वाय्‌नौ दोह् हायःती दाय्‍ह्‌सा ओउःइ आन राप्ओ काम् जाङ्‌ह्‌लेःआकान्। ओउःखेइ आन राप्उतो सुसुखेइ रेव्ओ काम्‌लम्‌पाय् नाःतो जाङ्‌ह्‌माःत झ्‍यान्‍ते नाःतो क्‍युम्‍ह्‌ती वाय्‌सा खेःहाङ्‌ल ओउः मान्‍ताइमा नाःतो राप्उलु” त दाय्‍ह्‌ती येसुइ सीमोन्‌कायः तोआकान्।

लुका 7:47 ပူးပေါင်းရင်းမြစ်များ

मत्ती 10:37

सुसुखे ङाकायःसै लयःकोः आमा आपाकायः राप्‌नानी ओउःलेः ङाकुस् ब्राङ्इली। फेरी सुसुखे ङाकायःसै लयःकोः चोःकायः राप्‌चनौ ओउःमा ङाकुस् ब्राङ्इली।

लुका 7:39

ओहाङःसैको इत हायःओ ओउः सीमोन् त तोओ फरीसीइ च्‍यवःती “लौ इ येसुपाय् परमेस्‍वर्‌कोः कुरा चीःती छ्यानःओमयःकोः खेःल रैस। ओउःपाय् परमेस्‍वर्‌कोः कुरा चीःओ चाक् त खेःयाकायः इ ओउःकायः दीन्‍ह्ओ मोमःचोःकायः दोह् खाल्‌कोः रेव्ओ मोमःचोः लेःआः त तय्‍ह्‌सा खाय्‌चाः खेःतो” त दाय्‍ह्‌ती ल्‍हुङ्‌हाङः म्‍हर्‌तो

लुका 7:46

नाङ्‌खेइ ङाकायः तालाङ्‌हाङः साती गम्‌तेःचीली ओउःखेइ ङाकायः दोम्‌हाङः आन पेओ सातीइ ल्‍यानःआताङः बा।

लुका 7:48

ओहाङःसैको ओउः मोमःचोःकायः येसुइ “लौ नाङ्इ जाङ्‌ह्ओ रेव्ओ काम्‌लम्‌कोः जाङ्‌ह्‌झ्‍याङ्‌पाय् क्‍युम्‍ह्‌ती वाय्ओ लेःआः” त दाय्‍ह्‌ती तोआथै।

खबरदुत 5:31

च्‍योक्‌ताक्आक्‌तीको ओउःकायः लयःकोः ङोय्‌दोहाङः च्‍युङःताक्‌ती सबै स्‍यालःसाकायःमा दल्‌ताक्‌साकायःमा ओउः येसुलेः जाङ्‌ह्‌ती गम्आकान्। ओउःत झ्‍यान्‍ते इस्राएल्‌कोः मान्‍तालम् लयःकोः रेव्ओ काम्‌लम् फेती परमेस्‍वर्‌कोः कुराकः ल्‍हुङ् द्यान्‍ह्‌ती ग्‍याती ओउःमयःकोः रेव्‌झ्‍याङ्‌कोः क्‍युम्‍ह्‌सा दोःनै।

रोमी 5:20

रेव्ओ काम्‌लम् न्‍हाङ्‌तोलेः छ्यानःसाकायः परमेस्‍वर्‌कोः ऐन् बयःओ खेःतो। रेव्ओ काम्‌लम् न्‍हाङ्‌तोलेः छ्यानःआक्‌तीको परमेस्‍वर्‌इ योनःती योओमा न्‍हाङ्‌तोलेः छ्यानःओ खेःतो।

२ कोरीन्‍थी 5:14

ख्रीस्इलेः ङीकायः आन राप्‌नाःताङी त चीःती ङीइ ओउःकोः काम् जाङ्‌ह्‌सा खेःनाङी। यात्‌चाक्‌पाय् सबै दल्‌ताक्‌साकायः ल्‍हाङःतीलेः सीआ ओउःत झ्‍यान्‍ते ओउः सील त खेःया सबै सीचाः खेःतो।

गालाती 5:6

येसु ख्रीस्‌कोः मान्‍तालम्‌कायःपाय् यहुदीकोः पुन् तात्‌सा जवओ जाङ्‌ह्ओया जाङ्‌ह्‌मालोया दोह्‌मा दयःल। ओउःपाय् दोह्‌मा दयःल दोह् स्‍याव्‌नाः दाय्‍ह्‌सा ख्रीस्‌कायः ङ्‌हाम्‌ती सबैकायः राप्ओ काम् जाङ्‌ह्‌ती ओउःलेः स्‍याव्‌नाः।

एफेसस् 6:24

फेरी ङीकोः प्रभु येसुकायः दोङ् दीःमामाःत राप्ओलम्‌कायः परमेस्‍वर्‌इ योनःती योपाःथास।

फीलीपी 1:9

“ओउःमयःइ न्‍हाङ्‌तोलेः राप्‌पानी न्‍हाङ्‌तोलेः व्‍हाय्‌तो चीःपै” त दाय्‍ह्‌ती नीङ्‌कायः तेती तोनेःनाङ्‌स।

१ तीमोथी 1:14

माः रैस ङीकोः प्रभुइ ङाकायः आन योनःती योती ओउःइ ङाकायःपाय् येसु ख्रीस्‌सै दोःओ राप्‌ती ङ्‌हाम्ओ ल्‍हुङ् बयःआताङः।

१ युहना 1:7

खेःल ङी ओउःलो लेखा थोङ्ओहाङः वाह्‌ती पेओ जाङ्‌ह्‌नाःतय्‍ह्‌नी त खेःया ब्राङ्‌काय्‌ती मुनाःतय्‍ही फेरी परमेस्‍वर्‌कोः चोः येसु ख्रीस्‌त तोओकोः वयःइ ङीकोः रेव्ओ काम् वाय्‌ती छय्‍ङ्‌ताक्‌नाःतय्‍ही।

१ युहना 3:18

लौ हौलम्‌य ङीइ नाःमालो हौकायः योती “लौ ङाकोः हौकायः आन राप्‌नाङः” त तोती दोह्‌मा बयःसा ग्‍यामालो मुचाःतय्‍ही त खेःया ओउःपाय् स्‍याव्‌ल। दोह्‌त नीङ्इ लेइ नोःतेःनै ओउःतलेः क्रुत्इमा जाङ्‌ह्‌सा खेःतो।

१ युहना 4:19

ङीकायःपाय् परमेस्‍वर्‌इ ङ्‌हासै राप्आतय्‍ही ओउःत झ्‍यान्‍ते ङीइमा द्याह् ओउःकायःमा अरुकायःमा राप्‌नाःतय्‍ह्‌नी।

१ युहना 5:3

ङीइ परमेस्‍वर्‌इ तोओ कुरा सायःती जाङ्‌ह्‌धार्‌नालेः ओउःकायः राप्‌नाःतय्‍ह्‌नी। फेरी ओउःइ तोओ कुरा जाङ्‌ह्‌सापाय् चाक्‌तो खेःल