लुका 6:6 - चेपाङ

⁶ ओहाङःसैको लोने स्‍याव्ओ धोओ दीन्‌हाङः येसु थनःओ कीम्‌हाङः पोक्‌ती ओहाङः हुम्‌ती मुओ मान्‍तालम्‌कायः स्‍यान्आथास। ओहाङः स्‍यान्‌तोक्‌हाङः यात्‌चाक् क्रुत् स्रीत्‌तो जीक्ओ मान्‍ता मुओ खेःतो।

लुका 6:6 ပူးပေါင်းရင်းမြစ်များ

मत्ती 4:23

ओहाङःसैको येसु गालील अन्‍चल्‌ताङ् तोमःती यहुदी मान्‍तालम्‌कोः थनःओ कीम् कीम्‌हाङः तोमःती दाह्‌ती पोक्‌ती परमेस्‍वर्‌कोः राजीकोः पेओ समचार्‌ थोल्‍ह्‌ती तोतीमा नाःतो खाल्‌कोः जीक्ओ मान्‍तालम्‌कायः स्‍याक्‌ताक्‌तीमा वाह्ओ खेःतो।

लुका 13:10

ओहाङःसैको सन्‍चर्‌बार्‌कोः धोओ दीन्‌हाङः येसुइ थनःओ कीम्‌हाङः आल्‌ती पोक्‌ती ओउःहाङः हुम्‌ती मुओ मान्‍तालम्‌कायः स्‍यान्ओ खेःतो।

लुका 14:3

ओउः फरीसीलम्‌मा धर्‌मा स्‍यान्ओमयःमा “ङीकोः धोओ दीन्‌हाङः येसुइ दोह् हायःनौ” त म्‍हर्‌ती योती मुओ खेःइतो ओउःत येसुइ चीःती “लौ ङीकोः ऐन्‌पाय् गत तोनौ। धोओ दीन्‌हाङः मान्‍ताकायः स्‍याक्‌ताक्‌सा स्‍याव्‌नाःया स्‍याव्‌लया इत तोनाङ्‌स दा” त दाय्‍ह्‌ती येसुइ व्‍हत्‌थातो

लुका 4:16

ओहाङःसैको येसु लयःकोः नासरेत् सहर्‌ताङ् पाय्‍ह्आ। ओउःहाङः पाय्‍ह्आक्‌तीको लयः जवओ जाङ्‌ह्‌ती यहुदीलम्‌कोः सन्‍चर्‌बार्‌ दीन्‌हाङः येसु थनःओ कीम्‌ताङ् आल्‌ती पोक्आ। पोक्आक्‌तीको येसुपाय् परमेस्‍वर्‌कोः आखरः पह्रसाकायः चीङ्आ।

लुका 4:31

ओहाङःसैको येसु गालील अन्‍चल्‌कोः कफर्‌नाहुम् सहर्‌कःताङ् आल्‌ती दाह्आ। ओहाङः दाह्‌ती वाङ्आक्‌तीको येसु फेरीलेः सन्‍चर्‌बार्‌कोः धोती न्‍यास्ओ दीन्‌हाङः यहुदीलम्‌कोः थनःओ कीम्‌ताङ् पोक्‌ती ओहाङः हुम्ओ मान्‍तालम्‌कायः स्‍यान्‌ती तोआथास।

लुका 6:1

ओहाङःसैको यहुदी मान्‍तालम्‌कोः काम् न्‍यास्‌ती धोओ दीन्‌हाङः येसुमा ओउःकुस् वाह्ओमयःमा गहुङ् राङ्‌हाङः च्‍योल्‌ती वाह्ओ खेःतो। च्‍योल्‌ती वाह्‌तोक् बेलाहाङः ओउःकुस् वाह्ओमयःइ यात्‌नीस् गहुङ्‌कोः चुय् काव्‍ह्‌ती जेःआकानी।

लुका 6:5

लौ ङा मान्‍ताकोः चोः त तोओपाय् धोओ दीन्‌हाङः दोह् काम्‌कायःमा ‘इखे जाङ्‌ह्‌सा स्‍याव्‌लेःनाः ओउःखे स्‍याव्‌ल’ त दाय्‍ह्‌सा हुकुम् बयःओ प्रभु लेःआः ङ” त दाय्‍ह्‌ती येसुइ तोआथास।

युहना 5:3

ओहाङः नाःतो जीक्ओलम् हुम्आकाय्। मीक् लोक्ओमा दोम् क्‍ल्‍याय्ओमा क्रुत् स्रुत्ओमा सबै ओउः तीः साङ्‌ह्‌साकायः ल्‍युङ्‌ह्‌ती एनःती मुओ खेःइतो।

युहना 9:16

एत सायःआक्‌तीको “लौ ओउः मान्‍तापाय् परमेस्‍वर्‌कोः धोओ दीन् जवउलु ओउःपाय् परमेस्‍वर्‌कःसै खेःल बा” त यात्‌नीस् फरीसीलम्‌खे दाय्‍ह्आकाय् “ओउःत खेःया गत हायःती ओउःलो लेखा रेव्‌तो जाङ्‌ह्ओ मान्‍तापाय् इत ग्‍याङ्‌ह्‌सीःओ काम् जाङ्‌ह्‌सा खाय्‌चौ” त अरु दाय्‍ह्‌ती ओउः फरीसीलम् ब्राङ्‌काय्‌ती नोःकाय्‌सा खाय्‌नीली।