लुका 6:49 - चेपाङ

⁴⁹ सुसुखे ङाकोः कुरा सायःआक्‌तीको ङ्‌हाम्‌ती जाङ्‌ह्‌सा ग्‍याइली ओउःपाय् कीम् पेतो जाङ्‌ह्‌सा चीःमालो मान्‍तालो लेखा मुनाः। ओउः चीःमालो मान्‍ताखेइ कीम्‌कायः रुत् पेतो कामाःत जाङ्‌ह्‌नौ। ओहाङःसैको तीः नाःतो वाङ्ओ बेलाहाङः ओउः कीम्‌पाय् भती वाय्‌लेःनाः। जुगाङ् ह्र्योङःतोलेः वाय्‌ती झ्‍यान्‍ते ओस्‌तोक्‌रीङ्‌तलेः स्‍याव्‌नाः बा” त दाय्‍ह्‌ती येसुइ स्‍यान्‌ती तोआथास।

लुका 6:49 ပူးပေါင်းရင်းမြစ်များ

मत्ती 23:3

ओउःत झ्‍यान्‍ते ओउःमयःकोः स्‍यान्‌ती तोओ सायःती जाङ्‌ह्‌नु। माः रैस ओउःमयःइ तोओ कुराखे जाङ्‌ह्‌सालेः स्‍याव्‌तो ओउःमयःइ लयः जाङ्‌ह्ओ कुराखे तेःती जाङ्‌ह्‌तेःचानी दोह् हायःती दाय्‍ह्‌सा ओउःमयःइ अरुखेकायः स्‍यान्‌ती तोओपाय् लयःखेइ जाङ्‌ह्‌नीली

मत्ती 24:10

ओउःत झ्‍यान्‍ते नाःतो ङ्‌हाम्ओ मान्‍तालम्इ ङाकायः फेनाःताङः लःलयःमयःकः ल्‍हुङ् जीक्‌तो स्‍याव्‌ती लयःमयःकायः सात्‌लाङ् दाक्‌नानी।

लुका 12:47

सुसु नोकरीखेइ काम् जाङ्‌ह्‌सा चीःउतो बुरु ओउः काम् पेतो जाङ्‌ह्‌नीली ओउःकायःलेः मालीक्इ जोक्‌तोलेः न्‍युम्‍ह्‌ताक्‌नाःथास

लुका 19:14

इत तोआक्‌तीको ओउः मन्‍तरीपाय् अरु देस्‌ताङ् आल्आकाय्। ओहाङः आल्‌ती मुतोक्‌हाङः ओउःकोः लयःकोः देस्‌कोः मान्‍तालम्इ ओउःकः ल्‍हुङ् मल्‍ह्‌तो स्‍याव्‌ती ‘लौ ओउःकः ङी झाक्‌तय्‍हीली। ओउःपाय् ङीकोः राजा स्‍याव्‌ताक्‌लाम्’ त दाय्‍ह्‌ती ओउः अरु लोक्‌तो देस्‌कोः ताङ्‌ह्ओ माहाराजाकायः दर्‌कास् ल्‍होक्‌नीतो

लुका 19:27

ओहाङःसैको इ ङा राजा स्‍याव्‌सा झाक्‌मालोलम्‌पाय् ओउःमयःकायः ङाकःताङ् सात्‌साकायः वानःपाःथास’ त दाय्‍ह्‌तीमा ओउः राजाइ तोआथास” त दाय्‍ह्‌ती येसुइ ओउःकुस् मुओलम्‌कायः स्‍यान्‌ती तोआथास।

लुका 6:46

दोह् हायःतीतेः ङाकायः ‘प्रभुय’ ततेः तोतेःनेःनानाङ्‌सतो ङाइ तोओ कुरातेः जाङ्‌ह्‌तेःनीली।

लुका 6:48

ओउः चीःओ मान्‍ताखेइ कीम्‌कायः तोस् ज्‍युम्‍ह्‌तो द्यावःती चेनःबाङ्‌हाङःसै तुङः देती जाङ्‌ह्‌नौ। ओहाङःसैको नाःतो तीः वाङ्ओ बेलाहाङः ओउः पेतो जाङ्‌ह्ओ कीम्‌पाय् भमाःत ग्रमःत मुलेःनाः।

लुका 7:1

ओउःतलेः येसुइ स्‍यान्‌ती तोआथास ओहाङःसैको आल्‌ती कफर्‌नाहुम् त तोओ सहर्‌ताङ् दाह्‌ती वाङ्आकाय्।

युहना 15:2

जुदा ङाकोः सायःमालो केङ्‌कालम्‌खे ओउःइ ह्राह्‌ती वाय्‌नौ सायःओलम्‌खे ओउःइ न्‍हाङ्‌तो सायःताक्‌साकायः त्‍यङ्‌ह्‌नौ।

खबरदुत 20:29

ङा पाय्‍ह्आक्‌तीको अरु पेमालो मान्‍तालम् नीङ्‌कःताङ् उन्‍चुलावःलाङ् वाङ्‌ती यात्‌नीस्‌कायः पेमालो हायःसा ल्‍हुङ् द्यान्‍ह्‌ताक्‌नानी।

खबरदुत 26:11

ओहाङःसैको सबै थनःओ कीम्‌लम्‌ताङ् आल्‌ती ओहाङःकोः ङ्‌हाम्ओलम्‌कायः येसुकायः फेताक्‌सामा प्रनःताक्‌सामा बोङःओ खेःङोतो। ओउः ङ्‌हाम्ओलम्‌कःताङ् ङा ओउःच्‍युक्‌लेः ल्‍हुङ् आन मल्‍ह्‌ती झ्‍यान्‍ते लोक्‌तो लोक्‌तो सहर्‌लम्‌हाङःमा ओउःमयःकायः चुम्‌ती न्‍युम्‍ह्‌ताक्‌लाङ् आल्‌ङोतो।

१ थेसलोनिकि 3:5

ओहाङःसै “ओउः थेसालोनीकाहाङः मुओलम्‌पाय् गतलो ङ्‌हाम्‌ती मुनै। ओउःमयःकायः सैतान्इ थ्‍योन्‍ह्‌ती ङ्‌हाम्‌सा फेताक्‌चाःथास यादो ओउःत झ्‍यान्‍ते ङीकोः काम् लोल” त म्‍हर्‌ती नीङ्‌कायः आन ल्‍हुङ् रुःआलाङी। ओउःत खेःओ नीङ्‌कोः कुरा सायःसाकायः नीङ्‌कःताङ् तीमोथी ल्‍होक्‌ङोतो

२ पत्रुस् 2:20

ओउःमयःइ ङीकायः दल्‌ताक्‌सा प्रभु येसु ख्रीस् तय्‍ह्आक्‌तीको ओहाङःसै ल्‍हाव्‍ह्‌दैबाङ्‌कोः रेव्‌ताक्ओ कुरा फेआक्‌तीको फेरी ओउः कुराकायः जाङ्‌ह्‌सा द्यान्‍ह्‌नै त खेःया ओउःमयः ङ्‌हाहाङःसै न्‍हाङ्‌तोलेः पेमालो स्‍याव्‌नै।

१ युहना 2:19

ओउः बीरोत्‌लम्‌पाय् ङीकःसै वेङ्इसीतो ङीकुस् दोङ् ब्राङ्ओमयः खेःइली ङीकुस् ब्राङ्ओमयः खेःइतो त खेःया ओउःमयः ङीकःसै वेङ्आक्इली। ङीकःसै वेङ्‌ती आल्आकाय् त झ्‍यान्‍ते ओउःमयः ङीकुस् ब्राङ्‌मालोलेः त छ्यानःआकानी।